السلام عليكم
عندي استفسار بحكم انو جامي ما سافرت بالحافلة و هاد المرة عندي سفر مهم مع الوالدة غير انا و هي من الجزائر العاصمة الى بجاية
من فضلكم واش ندير معرفتش شكون نسقسي كيفاش نشري تذاكر و كيفاش ندير للحقائب تعنا ف الحافلة و هل صح يسرقو منهم؟
و هل المحطة امنة على مستوى العاصمة اذا ما كانت الرحلة تقلع فليل رانا زوج نسا وحدنا و اضطررنا للاسف
و ايضا ف الرجوع اذا لحقنا للعاصمة بكري نلقا طاكسيات ولا ياسيير في وقت مبكر باش يردنا للمنزل ؟
علابالي تبان اسئلة غبية بصح بحكم فحياتي ما سافرت ف الحافلة منعرفش هاد الامور من فضلكم لي عندو علم يجاوبني
#1001_help
بحكم انا حياتي ڨاع جامي سافرت فالسيارة و العمر لي كبرتو فالحافلة كثر من لي كبرتو في حجر يما راح نوريلك و هي ساهلة
شوفي تروحي لخروبة تشري تيكي و ممبعد تروحي للحافلة تاع بجاية تلقاي روسوفر تمديلو الحقائب يحطهم فالحافلة و يشوف التيكي تاعك و خلاص و طريق السلامة و كي ترجعو تلقاو طاكسيات و ليفرود قدام بعضاهم و هذا يتالب في هذا راهم يرقدو في خروبة
مايسرقوش
روح لافريك سانتيفي قوللهم قيساش تقلع البيس يقولولك اشري تيكيات
ولازم تكون لثم قبل الوقت يالوكان ربع ساعة
والباڨاج تحطو فالبيس لتحت المهم ماش حاجة كبيرة
السلام اختي انا تاني ماكنتش نعرف نسافر في الحافلة ولكن جربتها المرة هذي من جيجل الى الجزائر والعكس من الجزائر الى جيجل المهم السفر في الحافلة عادي كي تروحي لخروبة تشدي تيكي فيه رقم الرحلة وتوقيت الانطلاق بعدها كي يوصل الوقت تمدي الباكاج للروسوفور يحطلك الباكاج أما بخصوص توفر وسائل النقل طاكسي أنا نعرف في خروبة تلقاي بزاف وزيد ماراكيش وحدك خروبة فيها غاشي كبير 24ساعة/24وماتخافيش طريق السلامة
آم جاوبوك
وفالمحطة سقسي ياسمين، سوا على وين يبيعوا التذاكر ولا أي حاجة أخرى ما عرفتيهاش من بعد
وما تخافيش المحطة أمان إن شاء الله، عادة تكون مكتظة
الكل المرة الأولى عندنا تكون هك ^^
Muhim la gare routière de bejaia fiha la sécurité. Ybal3o a 3h du matin mais ki telheq tokhrej bera kayen des clandestins. F alger kherouba felil chwya berk bessah tlqaw des familles w kolesh bien. W kayen des agents de sécurité. Bon voyage
التذاكر تروحي للمحطة البرية سقسي وقتاش يقلع البيس ( تقدري تسقسي فالفيسبوك بلا ما تشقاي ) ..
كاين صباح كاين عشية وكاين الليل ، ومن الافضل تروحو فالصباح لأنو ليل اغلب الحافلات يكونو فارغين ولا فيهم غير رجال وهدي حاجة ما تساعدكمش كونكم نساء وحدكم ..
مهم تسقسي وقتاش تقلع صباح وتروحي قبل الوقت بنصف ساعة تمشي لمكتب الحجز تشري تذاكر و الحقائب تمديهم لروسوفور يحطهم ..
كي توصلو لبجاية ادي حوايجك وزيدي سقسي وقتاش ترجع الحافلة وديري نفس شيئ كي ترجعو .
ادخلي الخروبة سقسي على جهة وين يبيعو تيكيات تاع بجاية لانه الولايات مقسمين من بعد تدخلي للحافلة حطي باڨاج ثقيل لداخل و الحوايج لي تخافي عليهم يروحو اديهم معاك حطيهم عند رجليك انا نسافر فالحافلة و نحس بالامان من جهة الطريق احسن الف مرة من طاكسي نرقد بالنوم
مكان والو كلش أمان.. تهبطو لخروبة توصلي ثم تدخلي تروحي لمنطقة الڨيشيات وين يحجزو تشري التيكيات تاوعك تشوفي الكار تاعك على قداه تمشي إلا لقيتي عندك الوقت ومزال باه ديماري تروحي لكافتيريا ولا مطعم ولا سيبار كافي كاينين ثما لداخل غير هوما تقعدي ترتاحي حتى لوقت وين راح ديماري الكار تاعك تروحي جهة الڨيشيات وين حجزتي تلقاي حذاهم باب يخرج للرصيف وين مقارية الكار تروحيلها تمدي التيكيات تاعك للروسوفور يتأكد منها وتمديلو الباڨاج تاعك يستفو هو نورمال ونتي تطلعي تحكمي بلاصتك عادي… الأمن كاين مركز شرطة ثما لداخل في السانتيفي ولابوليس يسركلو ربعة وعشرين ساعة
سقسي و ان شاء الله تلقاي لي يساعدك…اللهم يسر و لا تعسر
متروحيش لخميس مع لعشية معمره ، و الا تروحي لخروبه عادي مع الدخله بعد تلقاي تاع بجاية ، أمبعد اشري تذكرتين و كي تجي الحافلة الروسوفير يحطلك الحقائب داخل الحافلة و توكلوا علي الله و هذا إذا كاع تلفتلك اركبي طاكسي جماعي انا اضن مكانش فارق بزاف و تروحوا مهنيين ، موقف تاع ليطاكسي راه غير مور تاع الحافلة
كاين تطبيق سموه محطتي تعرفي التوقيت تاع الإنطلاق وزيد مع الدخلة تلقي تلفاز كبير تشوفي التوقيت لي يساعدك …شري زوج تيكيات ونوصيك صوالح تاع ذهب كواغط مهمين أموال المهم كل ما نقص وزنه وغلا ثمنه طلعيه معاك أحسن ماتحطيه التحت .