السلام عليكم
ليوم جيت نعطيلكم التجربة تاعي فالعمرة و نحكليكم بعض الأمور السيئة لي صرات و إن شاء الله تكون عبرة للناس لي حابة تروح فالقريب العاجل
أكبر غلطة تديرها كي تجي رايح للعمرة خاصة في رمضان هو تروح معا وكالة ماشكرولكش فيها على الأقل 10 أشخاص تعرفهم راحو معاها هههه و ماتنساش بلي كاين 100 وكالة تقولك بلي يديو للعمرة و فالحق تلقا غير 5 برك و 95 لخرين يشريو عليهم بلاصة و يبيعوهالك بالغلاء, خاصة رمضان دير حدرك من السراقين هادو لأنو أي حاجة رايح تشكي منها يقولك نتا ماتفهامتش معانا نتا تفاهمت معا واحد خلاف.
و الغلطة تاعنا لأنو ماكوناش نعرفو بلي لي تدير عندو العمرة لازم يعطيك عقد فيه كل التفاصيل تع العمرة
هادي بعض الحشوات لي صرات بسبات الغلطة الكبيرة لي ديرناها فالأول:
-نورمالمو نروحو فالنص تع رمضان لقينا رواحنا رايحين فاللخر تاعو على خاطرش الطائرة و الفندق مور رمضان يكون رخيس و ماكانش الغاشي كيما رمضان
-المرشد ماتشوفوش قريب كامل و مايعيدلك والو لا وين تاكل لا وين تركب لا وين تشري لا بشحال تسلك الطاكسي, هادو كامل لازم يحشيوهالك باش تتعلمهم, و و كي تهدر معاه يقولك انا ماعندي مانديرلك, و مبعد يهدر بتفاخر انا عندي 17 سنة نخدم فالخدمة هادي
-نورمالمو الغرفة ثنائية لقيناها خماسية, و كاين لي شراو رباعية و كي ريكلاماو قالهم المرشد الخماسية و الرباعية نفس السعر, علابالك خماسية تطلق شوية يدك تقيس لي راقد قدامك
-الفندق ماعندو حتى نجمة, كليماتيزور تقول فوقك هيليكوبتر و يبرد بزاف و ماتقدر لا تزيدلو لا تنقصلو, هداك النوع تع 1960 لي يتركب فالطاقة, المصعد يطلع مي مايهبطش, تهبط تقريبا ديما فالدروج من الطابق التاسع
-مليون سنتيم ماخسرتهاش الوكالة باش يكريو هربينة يديو فيها الكابات لي ماداروش فالحافلة تع النقل, المعتمرين ولاو يحطوا من جيبهم
و أمور خلاف بزاف بزاف, تكون رايح تعتمر و تعبد ربي تولي فالقلقة و الغش و الهدرة الزايدة
و الحمد لله رغم كل هذا أول ماتدخل للحرم تنسا كلش و ترتاح و تولي ماعلابالك بحتى واحد, الهم الوحيد تعاك على شحال لازم تهبط و داما باب لي لازم تدخلها باش توصل و تصلي و نتا تشوف فالكعبة, الحمد لله و الله نتمناها للجميع, المهم ديرو حدركم من شي لي دجا هدرتلكم عليه
ربي يتقبل منا ومنكم والله إحساس روعة
اعطيلنا اسم الوكالة 😏
الغش في كلش لا حول ولا قوة إلا بالله،
البارح جا فامي تيعي من العمرة جابلي قرعة عطر لقيتها ماء و حطولو ملون احمر 😅
مرشد تشوفوا نهار لي تجيب عمرة برك
نعم واش راك تحكي صرالي في رمضان 2019 لكن الحمد الله. كي لحقنا حطتنا طيارة مالقينا لا مرشد لا شكون يستناك تما لاهم يحزنون بقينا نشوفو غير بعضانا . بصح درنا اضراب في 100 واحد واتصلنا بصاحب وكالة وبصاحب الشركة لي نخدم فيها بحكم 100 عامل كامل روحنا مع بعض وهددناه روحو معاه بعيد في القضية وحق ربي غدوا مينداك عوضنا كل شي وبعثونا مرشدين ماشي واحد برك وزدونا يومين اضفيين و زادونا السحور رغم انه لا يوجد في عقد المهم واش نقلك . مهم صاحب وكالة مكانش حاب يخسر الشركة لي نخدم فيها بيسك معاه فايدة بزاف راهي 100 عبد ياووو
المرة الجاية إن شآء الله دبر جماعة عندهم خبرة وروح حر أحسن
الحمد لله لي وفقنا ربي والعاقبة لكل مشتاق ان شاء الله مينحرم منها حتى مؤمن، بصح عنده الحق في كل شيء قاله من الاحسن الانسان يروح حر الوكالات الكذب والغش ربي يغفرلنا ويغفرلهم.
Anaiis Amani Abd
Missa Rihame
هي عندك الحق وكلها وزهرو وعلى حساب القلوب والنيات هههه
انا ماما صرالها ف البدية كما قلت خلصت علىةاساس تروح 15 يوم تع رمضان ايا بعثوهم 8 ايام تع رمضان و 8 ايام بعد رمضان لا علينا
خلصت غرفة خماسية و من زهرها مدولها غرفة ثلاثية
خلصت فندق بعيد شوي ومن زهرها كي لحقو للسعودية بدلولهم لوتال علاخاطر هذاك لوتال لي خيراتو الوكالة صرا فيه مشكل غلقوه من زهرها مدولهم فندق قريب للحرم ب 500 مترا و غرفة ثلاثية فندق 4 نجوم متوفر فيه كلش
بالنسبة للمرشد كما قلت ماحوسش عليهم خلاص ورالهم كيفاه يديرو مناسك العمرة امبعد كان هنا وراح بصح حنا قبل مانبعثوها معاهم جبنا الفايس والفايبر والواتساپ و كلش تاعو وقعدنا مكسرينلو راسو كل دقيقة حشمناه حتى تهلى فيها بلا مزيتو هههه
لازم شوي قفازة من الزبون واخرتها رايح تعتمر 15 يوم وتفوت فوتها كما كانت تكون الفندق راح تروح ترقد فيه برك وباقي يومك جوزو ف الحرم والعبادات
عبد القادر الجزائري
ربي يتقبل منك اخي كل يوم نزيد نحمد ربي الي رحت درت عمرة لوحدي بدون وكالة.
يربحو غير دعاوي الشر للأسف
للأسف الغش والتلاعب حتى في أركان الإسلام لا إله إلا الله محمد رسول الله.
كل شيء يهون حمد لله على بلوغ مكة ووقار مكة وسكينة مكة
الافضل ذكر اسم الوكالة
والله عندك الحق نفس الشيء لي صرالي …. حسبنا الله ونعم الوكيل …. وكالة سرقالين تور عين البيضاء
رحنا مع وكالة النجاح الله يبارك الاقامة قريبة في ابراج الجنادرية وكل شي جاز مليح الله يبارك
عمرة مقبوله ان شاء الله…أبي الله يرحمه كان يقولي العمرة اي ماشي باش ترتاح …لازمك تتعب فيها باش تاخذ الاجر كامل ….ربي يرزقنا ان شاء الله عن قريب
لهلا تربحهم إنشاء الله حتى الطريق لبيت الله و يخدعوا فيها ، لا حول ولا قوه الا بالله 😓😓😓
من أحسن الوكالات لي تدي للعمرة وكالة بكة أخي راح معاها مدة شهرين قبل رمضان و جاء بعد رمضان الله يبارك ما لقا حتا بروبلام بصح مام لي يروحو لازم يكونو قافزين معا رواحهم السفر لازمله القفوزية
اسمحلي والله كارثة هكدا
للبيت ربي يروحو يسرقو وكي يوصلو يصلو ويطلبو ربي يغفرلهم الذنوب وكي يرجعو الجزائر يعاودو نفس السرقة وكي يرجعو للمكة يزيدو يدعو ربي باش يغفرلهم هذو الوكالات مكاش ليشكي بيهم عند الدولة
الكعبة و الروضة و الحرمان بصفة عامة ينسوك في النقائص هذو
و المرة الأولى دايما تتعلم منها
اللهم ارزقنا زيارتها و ارزق كل من يرجوا زيارتها صلاة في الروضة و في مقام ابراهيم 🌹🌹
Je confirme
Anis Anis
مليحة غير تدخل تبدا تدعي عليهم
Duirete Blida واقيل حنا برك اللي كنا رايحين على خمسة عشر يوم قعدنا عشرين 😂😂😂
Kacem Bok
Omar Bouk
Aissa Hakimi
Rabie Hammouda
Yacine Daddi
اللهم صل على نبي الحبيب
بلادنا كارثة وفوضى في كلش
Salah Abdou
Ilyes Fatmi
والله عندهم مايتحاسبو اصحاب الوكالات والمرشدين وخاصة الغرف لي كي باط زلاميت وفيها خمس عباد ويكذب عالكبار اوتال خمس نجوم ☹️
اللهم ارزقنا زيارتها
عمرة مقبولة، الأفضل فيزا شنغن متعددة الدخول وروح لوحدك يطبعولك فيزا في مطار جدة اوتيلات في بوكينج حجز قبل شعبان لعمرة رمضان واثمنة مليحة وقرب الحرم وعاد للقطار من جدة لمكة ومن مكة للمدينة
القطار مريح.
هكذا أفضل سافر لأوروبا وعبر طيران ناس أو الخطوط السعودية وريح راسك من الوكالات وتستقام لك ارخص
Meme les agences les plus connues arnaquent fe ramdhane hassbiuna allah wa ni3ma el wakil
عليها الواحد ما يسترخصش
O lefsa li yedirolha c Que yesab9lek f teri9 ykolk hena jina hena bch ne3tamro o ne3bdo rebi o ntoma jo techkoli aah makch shampoo ah maejbtnich la chamber , o kheli lefsa te3 yhtelk f le badge hotel omb3d telka rohek f hotel wehdokher o yezid yehchilk o ykolek Kifkif Kifkif
Lah yehdihom o rebi yetkbel inshalh