السلام عليكم
انا الي حطيت قبل الشهر هذا الإستفسار 👇 والحمد لله لقيت إجابات اعليه وناس فهمتني فيه مليح ربي يعطيكم الصحة ان شاء الله وربي يجازي صاحب هذه المجموعة القيمة👌 المهم اني ديت برايكم وديت معايا اليورو
وبما اني روحت للعمرة ورجعت الحمد لله حبيت نشارك معاكم تجربتي بالاك يستفيد منها احد
كانت تجربة اكثر من رائعة ربي لايحرم احد من تجربتها 🤲
اولا عن حقيبة السفر كل شخص عنده حق حقيبتين كل حقيبة توزن 23كلغ وحقيبة اليد 10كلغ ، يعني قادرين تدو معاكم واش حبيتو ( إشروا ميزان ووزنوهم )
– عن الماكلة ننصحكم تدوا معاكم ماكلتم إمزيا نحن اديناها معنا معجبتناش ماكلتهم وامبلوس غالية ، ومنه مرة على مرة تشهو ماكلتنا وطيبوها
– عن الصرف ننصحكم تصرفوا في مصارف شارع غزة 100ارو يبدلوها ب 400ريال عكس المصرف الي موجود في الحرم 100ارو يبدلها ب390 ريال
-عن التسوق مكنلاه اضيعو ضراهمكم وتروحوا للاسواق لبعيدة والا انتع جملة افضل منها محلات شارع إبراهيم الخليل كاين من جهة توسعة الملك فهد تلقاو فيهم كل واش تحبوا وكاين في نفس الشارع مركز إسمه مركز الهدية ومن جهته وحدة تلقاوه مكتوب الهدية فقط هذاك فيه كلش وباسعار معقولة تقدروا منه تدوا كلش من الهدايا إلا العبايات افضل في ابراج الصفوة امام برج الساعة في الحرم
-عن العبادة انصحكم تستغلوا كل دقيقة في العبادة ديروا برنامج وتبعوه تم حاولوا تصلوا كل الصلاوات في المسجد الحرام ان كان في المدينة او مكة ، طوفوا قدر المستطاع لان عبادة الطواف لاتوجد إلا في مكة فاستغلوا ذالك إشربوا ماء زمزم شبعوا منهم
-عن العمرة ننصحكم تفهموها وتقراو اعليها مليح قبل ماتروحوا باسكوا ماعلابلكمش واش من مرشد راح إطحوا معاه ومنه خير تكونوا ديجا عارفين وحدكم مناسك العمرة وتعرفوا أجر الصلوات في الحرمين واجر الطواف وأجر لمس الركن اليماني والحجر الاسود والادعية الي لازم تقلوها في كل مكان واجر الصلاة في مسجد قباء وغيرها ….تثقفوا اعلى كل حاجة في ذيك لبلاصة قبل ماتروحوا
-عن الصدقة تقدروا تدوا معاكم التمر من هنا وتصدقوها تم خاصة كان روحتوا في رمضان ، من جهة اخرى تلقاو تم في الحرم الي يبيع كتب القرآن ثلاثة ب 50 ريال ويكاشي لكم عليه كاشي وقف الحرم إشروهم وحطوهم تم صدقة جارية عنكم ، تقدروا تشروا كراسي الصلاة وتصلوا عليهم ولا تقعدوا وبعد ماترجعوا كتبوا اعليهم وقف للحرم وخلوهم تم
إن شاء الله مانسيت شيء اي شيء حبيتوا تسقسوا اعليه سقسوا وانا نجاوبكم في التعليقات ان شاء الله
ربي يتقبل اللهم ارزقني عمرة قريبة
عمرة مقبولة ان شاء الله
تقبل الله وربي يرزقني زيارتها 🙏🏻
تقبل الله منك، و شكرا انك ما نسيتيش و ما حرمتيناش من معلوماتك القيمة.
ربي يقبل و ربي يكتبها لكل واحد متمني
وش تدي معاك ملابس واشياء أخرى عدا الأكل فهاذ الوقت مع العلم عمرة لشخصين الأم مريضة سكري والأب مريض ربو وأول زيارة
المصاحف من الافضل تديهم من دزاير خير ..صراحة فكرة الكراسي لم تعجبني ابدا الا للناس الكبار والمرضى كي كنت تما تقريبا اغلب الناس قاعدين فوق الكرسي حتى الشباب والفتيات لا المكان المقدس ولا العبادة تستحق هذا التكلف بالعكس بنتها فالقعدة على الارض شوهو المكان بالكراسي صراحة ويديرونجيو الناس اللي تحب تقعد فالارض وفالصلاة يجيو فوجوهنا المرضى مانلومهمش بصح لي بصحتهم علاه الشي هدا ؟ مهيش قهوة ولا صال تع عراس المساجد تكون القعدة فيها في الارض مش فوق الكرسي..المهم مبروك العمرة وربي يرزقنا العودة ويرزق كل مشتاق ياارب
ربي يقبل وربي يرزقنا جميعا زيارتها
عمرة مقبولة انشالله
Millena
Abir
اتثقفوا
ربي يقبل وربي يرزقنا عمرة قريبة ان شاء الله 🤲🏻🤲🏻🤲🏻
تقبل الله منك ونفع بكِ
صليتي وراء المعيقلي؟😍🤭
ربي يتقبل منكم و لعقوبة لينا 🤲🏻🥰
وش تقولو نروحو مع الاجونس ولا وحدنا خير ؟
السلام عليكم ورحمة الله وبركاته
بما انني كذلك كنت في ذلك المكان الطاهر قبل ايام فانني اود ان اشارككم كذلك الجانب الخفي الذي وجب علينا ادراكه …
بصراحة ما شاهدته في الحرم المكي امر يدعوا للتعجب لذلك ادعوا كل من له نخوة و رجولة ان لا يذهب مع زوجته او ابنته او امه في اوقات الزحمة و خاصة في الايام الاخيرة من شهر رمضان
اختلاط شديد جدا و نحن بطبيعة الحال لسنا كلنا اتقياء …..
اود كذلك ان انوه الى سفر المرأة من دون محرم ( لا يجوز شرعا ) في هذه الدفعات كانت النساء اكثر من الرجال باعداد كثيرة حيث انهم يتزاحمون على كل شيء و فيهن الكثيرات يرفعن صوتهن داخل الحرم اثناء التوجه الى اماكن الصلاة …
ما لاحظته هذه المرة كذلك هو محاولة بعض النساء الصلاة مع الرجال تاركين اماكنهم المخصصة لهم و الذهاب الى مزاحمة الرجال … وهنا ادعوكم للبحث عن حكم صلاة المراة امام الرجل هل هي جائزة ام لا ….
صراحة ما شهدته هذه المرة من النساء و افعالهن في الحرم المكي و في كل مكة اثر فيا سلبا
اسأل الله ان يهدينا و ان يكن نساءنا مسؤولات و مقدرات لتلك البقعة الطاهرة و ان يذهبنا مع محارمهن و لا يذهبن لمكة من اجل التسوق و الخروج في كل الاوقات و التسكع في الشوارع ….
تقدري تقوليلي تكلفة الشخص الواحد بالتقريب من فضلك
الله يتقبل ان شاء الله
تقبل الله.. شحال خرجتي معاك دراهم؟؟
ربي يتقبل اختي شحال ديتي مصروف (نقصد مصروف نصرفو تم )
يا رب لا تحرمنا من زيارتها .. ربي يتقبل منك
الله يتقبل
بصحتك
عمرة مقبولة و ذنب مغفور إن شاء الله