السلام عليكم جميع عائلة المجموعة | Tech الله يبارك المجموعة كبرت راح نوصلوا الى 900K ألف عضو ولينا عائلة كبيرة م

السلام عليكم جميع عائلة المجموعة | Tech 💻

الله يبارك المجموعة كبرت راح نوصلوا الى 900K ألف عضو ولينا عائلة كبيرة ما شاء الله وهذا بفضلكم وثقتكم وبدورنا نشكروكم على دعمكم.

أما بعد … حبيت نحكي على بعض النقاط لي لازم نآخذوها بعين الإعتبار و لي لازم ديما نذكروكم بيها ✅

📌01 : المنشورات :
” يا خو علاه مقبلتش المنشور تاعي ”
“علاه ديما تسيبريمي ؟”
“علاه 5 سوايع باش تقبل المنشور ”

✅كيما علابالكم كاين قوانين للمجموعة و الأغلبية تاعكم على علم بها لكن معليش نعاود نذكر بها في الصور أدناه 👇 في حالة رفض منشورك صديقي فهو بالتأكيد مخالف لقوانين المجموعة و الغرض منها هو خلق بيئة (نقية – عائلية – حظرية – تقنية)
و أحيانا يكون المنشور يخص مجموعة أخرى
مثال :
منشور يخص الهواتف ؟ كاين | phone
منشور يخص العمل على الانترنت ؟ كاين | freelance
منشور يخص تعديل صور و تصميم ؟ كاين | photography & design
و هكذا … يعني كل مجموعة و اختصاصاتها 💚

النقطة الثانية هي التأخر أحيانا في قبول المنشورات هو الانشغال كأي انسان عندو ظروف و حياة بعيدة عن الفايسبوك و حتى السوشل ميديا يعني في المرة القادمة صديقي أكتب المنشور تاعك بالاظافة الى الهاشتاڨ الخاص بانشغالك + يكون يخص المجال التقني + باحترام و يراعي القوانين بصفة عامة و اصبر …
نقبلو المنشورات بالترتيب من الأقدم الى الأحدث ♻️

النقطة الثالثة هي المنشورات و الأسئلة و المواضيع التافهة … مرات يا صديقي الإجابة تاع انشغال تاعك تلقاها في يوتوب ولا ڨوڨل .com و مرات يكون سؤال خارج النطاق تاعنا و تاع الأعضاء و تكون الاجابة تاعه “توجه الى الوكالة الخاصة بانشغالك ” تقطعلك الخيط تاع انترنت ؟” روح لاتصالات الجزائر بيسك مكانش لي راح يعطيك بريكول باش ديره فهمت عليا ؟ صحيت .

📌 02 : الفكاهة و الكلام الغير لائق في التعليقات

✅ لاحظنا في الآونة الأخيرة أنتشرت بزاف تاع تعليقات الغير لائقة التي تحتوي على الشتم و تعليقات خارجة نطاق المنشور و تعليقات غرضها “الفكاهة الغاملة”
في هذه الحالة صديقي تتوفر خاصية الإبلاغ … Report و نقوم بالتكفل بالأمر …
“حط راسك معايا … 900 ألف عضو تقريبا من مختلف الأعمار (صغار و كبار … نساء و رجال) تعليق تاعك راح يأثر عليهم سلبا بكل بساطة قبل ما تكتب أعرف بلي راك في وسط عائلي مراكش وحدك و ما تكتب (يعكس شخصيتك) … احترم الغير ساهلة و بكل بساطة

📌 03 : البيع و الشراء ممنوع في المجموعة 🚨

✅رانا مرة على مرة نحطولكم منشور للبيع و الشراء بحيث تضع المنتج و تفاصيله و سعره و الرزق على ربي … على هاذي منقبلوش منشورات للبيع و الشراء و نقوم بحذف التعليقات الخاصة بالبيع التي تكون في غير محلها

🚨عندك استفسار ولا أي شي أطرحوا في تعليق🚨

🚨خلاصة🚨

صديقي من العائلة التقنية … هذه المجموعة نظن على الأقل تكون ديت منها فائدة يا لوكان صغيرة من دورات تعليمية و تطبيقات و خبرات و استفسارات و مواضيع متنوعة و متعددة في عدة مجالات … رانا على قد ما نقدرو نحاولوا الحفاظ على هذه البيئة نقية من كل شائبة و شكرا لكم 💚