السلام عليكم جيت نحكيلكم على سبب لي ميخليش السياحة في الجزائر تقوم ولي هو في 2013 جات وحدة من كبرى الشركات السياحية في العالم للجزائر وكانت شركة بولونية ، المهم استقبلوهم تاع دزاير ودارو اجتماع وقالت الشركة إنها تريد إحضار 350 الف سائح من بولونيا كلم شباب وشابات في المناطق الساحلية الجزائرية ، رقم مهول وضخم تقدر بالعدد تاع السُياح هذا تنعش قطاع السياحة تاع الجزائر وتزيد مداخيل الدولة وتدخل العملة الصعبة للجزائر وزيد كل عام يزيدو الأعداد تاع السياح هاذو ، لكن لكي تحضر الشركة هذا العدد من السياح وضعت بعض الشروط من بينها توفير الكثير من المشروبات الكحولية بكل انواعها في كل مكان في الفنادق والمقاهي والشواطئ والمطاعم وزيد رفع كل الشروط على اللباس اي يلبسو واش يحبو وشروط أخرى لم اذكرها وإذا لم يتم تنفيذ هذه الشروط سيتم نقل كل السياح لتونس والمغرب ، المهم الجزائر رفضت هذا العرض المغري ورفضت الشروط هاذي ڨالتلهم يا تمشو بالشروط تاعي ياتروحو ترَوْحو ، اتخيلو معايا كمية الفسق لي كنت حتشوفو وقتها من انتشار للخمر والملابس الفاضحة تولي متقدرش تخرج مع باباك ولا مك ولا خوك ، لازم تعرفوا بلي باه تطلع السياحة في الجزائر لازم ندفعو ثمن كبير ولي هو التخلي على قيم وأخلاق وهوية المجتمع الجزائري وانتشار الانحلال الأخلاقي في المجتمع .
هذا نوع من انواع السياحة الترفيهية ، عادي لاسباب دينية واجتماعية الحمد لله نستغناو عليه. لكن كاين مليار نوع اخر من السياحة… ماهذا المنشور ؟ راك تحكي صح؟
المصدر
الجماعة راهي تستنا اول واحد يقلك وشبيك معقد و و و و باش يطيح عليك السرب لي راه واجد
الجزائر لا تحتاج مال السياحة
زعما دوك مكانش مشروبات كحولية ومكانش ملابس فاضحة
متغطوش شمس بالغربال
ولا تحاول تلقى اعذار واهية لتفسير فشل الدولة او الحكومة في تنشيط السياحه
الحمد لله لرفضوا
مش بالضرورة رانا نشوفو السعودية و قطر راهي تخدم بزاف على هاد الكوتي و منظنش من ناحية اللباس و المشروبات الكحولية رح يولو كيما دبي و الله اعلم، من جهة الشي الوحيد لي صح يخوف هو الآثار لي مش محمية ناس من بلدان خلاف كانت تخمم تحرق هرم باتنة امدغاسن، أماكن كيما هاك و وين كاين فسيفساء مش محمية و كامل المفروض تولي أماكن سياحية و يديرولها اعوان امن، ابسط مثال رسومات الصحراء لي سرقوها ايطاليين و لي مزال لليوم راهم يحفرو الجبال و ينحو الرسومات،و تاني شي لي يخوف هو انو المرشدين السياحيين تاعنا لاحظت بلي بزاف ماشي متمكنين يا اما يدو ناس غير للطبيعة، يا اما يحكيو حاجات مغلوطة تاريخيا و يطمسو تاريخ محطات في دزاير لي المفروض تتروج كثر، باش يروج لنوميديا تلقاه يروج لرومان، و باه يروج للدولة الزيرية و الحمادية و الزيانية تلقاه يروج للجيش العثماني، و هي رايحة، و تاني المشكل الآخر هو انو مكاش خريطة سياحية بما انو مش حابين نديرو مدن سياحية مزيفة كيما باقي الدول اقل شي لازم تكون كاينة خريطة سياحية بالأماكن لي لازم يمشيو ليهم و يتهلاو فيهم بزيادة من ناحية الحاجات التقليدية، ماشي يجي سائح يصور لي جات و يدوه وين جات.
انا نحير في الي يهدر على السياح واحنا بلادنا مهيش كافيتنا ، لي بلاج دور دزاير كومبلي ما تلقاش وين تحط باراصول، ليزوتال معمرين، الديار كامل مكريين ، السياح هذو وين نديروهم قلي برك ؟؟؟
ماشي بسيف نخلو المبادئ و القيم باش نطورو سياحيا احسن مثال هي قطر 😀
الأخ والفسق والفجور لي رانا فيه دوكا راه عاجبك؟؟ درك تقدر تخرج مع داركم؟؟؟ كون داروها كون رانا عندنا بعض الدول لي نقدرو نزوروها بلا فيزااا لان درك طفرت فينا
ثانيا الجزائرين لي راهم يخرجو من البلاد للاستقرار في بلدان اخرى معناها محكموش في دينهم؟ لالا أخي ترجع للانسان كيفاش تخمامو
الجزائر مش راح تطور للأسف قافلة على نفسها في كل القطاعات
ثالثا حبيت تقلي بلي قطر وسعودية دبي أردن مكانش هاذ شئ ؟؟؟ ماتحاولش تغطي الشمس بالغربال
لي راك تحكي عليه راه موجود
العرا الخمر الفسق اللباس ما تعرف اذا راه لابس او راه عريان
كل الشروط لي طلبهم موجودين … ما كان عليهم الا القبول… و فقط
سلطنة عمان، الاردن، قطر وما عندهمش الخمر في المقاهي و في كل بلاصة حتى دبي و الخمر متوفر في الفنادق فقط والسياحة ناجحة عندهم ….كان على التبرج تاعنا ما خلوش الدالة للغرب … احنا شعب ما عندناش ثقافة تاع سياحة ولا خدمات سياحية …بالامكانيات الطبيعية والصحراوية لي عندك تقدر تنجح السياحة بالشروط لي نحبوها حنا بصح لزمنا سنوات ضوئية حتى تتبدل العقليات
مثال قطر غي كاس العالم عندما جهزت دولتها بكل التجهيزات واخر ما ابتكرته التكنولوجيا وكل ماراينها وضعت شروطها على المشجعين من كل انحاء العالم والناس رضخت لهذه الشروط باش متضيعش الفرصة للزيارة يعني قطر كانت تاكلا على نفسها وعارفا بلي الكرة راهي في المعلب نتعاه احنا نحطو الشروط بصح عارفين بلي خاسرين لازم الحل باه ندمنضيعوش الفرصة للسياحة مع الحفاظ على شروطنا.
هاد شي شفناه من دزيريين شغل نستناو الڨاوري يجي يديرو..
يا ودي ماهو تفسيرك لتدني السباحة الداخلية و نقص المرافق الضرورية و النظافة و وووو. … حنا في حنا و راهي مغلوقة ..ما نغطوش الشمس بالغربال
روح فالليل للعقيد في وهران و بعض الشواطئ الخاصة تشوف هاد البولونيين، ولا الخمور لي تتشرب بالغالونات، حنا أصلا فقدنا القيم، قطر جاو عندها الملايين في شهر مشاوهم على شروطهم لأن بعض القيم مزالت عندهم و ماشي مخلوعين، حنا مخلوعين نشوفو شعر صفر نطلقو، حقيقة للأسف
مقروطك جاي ناشف شوية
اول حاجة المصدر تاع لحكاية هادي تبان راديو طروطوار.
ثانيا تقدر تدير الشروط هادو فالمركبات السياحية برك
و كي يخرج من الكومبلاكس يلتزم بواش كاين فالبلاد
لالالالا خرطي في خرطي العالم ڨاع تروح لبلاصة تلتزم نتا بقوانينها ماشي هوما يبدلو كلش علاجالك و حاجة السياحة روح لاقرب بحر ليك تفهم علاش ماكان لا شركة لا بولندا لا والو ماتغطيش الشمس بلغربال
Et aujourd’hui on a tout ce que vous venez de citer ( الخمور العرا والتربية المنعدمة وزيدلها bonus المخدرات ) sans avoir besoin des étrangers.
دوك ياكلوك العلمانيين كي حكيت على القيم و الأخلاق
دوك يهجمو عليك لي يقلك زعما هكا بلا بيهم مكاش فسق و شراب!!
حمدالله مكاش سياحة في الجزائر
حنا بلا لأجانب او لفسق او دعارة راهم دايرين حالة خليك يزيدو يجو لأجانب حمدالله دائما و أبدا
او هذا رأي تاعي
هذوا كامل كاينين بطريقة او بأخرى خصنا مراحبض عمومية نظيفة وتفرا
السياحة اصلا قطاع ريعي ومايجيب ماعملة ماوالو لأنو العملة اصلا أصحاب الوكالات والفنادق راح يهربو العملة لبرى وزيد السياحة حساسة تتأثر بالاخبار وبالاحداث تحب تجيب العملة تخدم مصانع تتعاقد مع مستثمرين اجانب في العقود تكوين الشباب الجزائري اجباري فتح مجال المنح الجامعية والتكوين بالخارج واستقطاب الكفاءات الجزائرية الموجودة بالخارج لتكوين الشباب في مجالات التكنولوجيا والصناعة والفلاحة ومبعد نقدرو نهدرو على العملة الصعبة والاقتصاد والنمو أنا نتمنى البترول والغاز يفرغ باه نفيقو بلدان كيما سنغافورة والسويد الدخل الأول حاشاكم من تدوير الزبلة وصلو انهم يستوردو الزبلة من الخارج
ومتنساش انو اذا قبلو بالسياحة لازم يوفرو مكاتب صرافه في كل بلاصة وهذي ميقدروش يديروهو ويسمحو في السكوار لانو مدخللهم دراهم كبيرة
راك عايش معانا ولا جي غير مين داك ؟
Dans les années 70’s 80’s il y avait les boissons alcoolisées partout, et les femmes portaient des maillots sur les plages partout, mais on pouvait sortir avec nos familles sans problèmes et c’était mieux que maintenant.
La drogue qui circule dans le pays ça ne vient pas des étrangers mais de chez nous.
La première des choses à faire pour avancer : ما نغطوش الشمس بالغربال
Le tourisme rapporte beaucoup et sans ça on restera à la traine du monde.
هاذ العام جوزت الفاكونص تاعي في تونس في اوتال عندي شحال مرحتلهاش من 2018 وش نحكيلك حق ربي تحمد ربي صباح وعشية لي السياحة تاعنا راهي ميتة ونفس السوجي تناقشنا فيه انا والزوج تاعي وما كوناش الاز حقيقة وبكل صراحة لانك متحسش بالانتماء لهذاك المجتمع وراح تديرونجا بزاف سيرتو كوتي تاع لبسا حدث ولا حرج ومن هاذا المنبر اذا كانت الدولة تاعنا متهتمش بالقطاع السياحي على جال هذا الشئ عندهم الحق والف حق وينعلبو الاورو لي يحطلك قيمك في الارض ويعفس عليها وخلي السياحة تنهار خير ملي ينهار مجتمع باكمله وخلي الأذان لي ميتسمعش والله الصلاة ينسوك فيها .
ماعليش تعطينا مصدر المعلومة
اهيه… مالا 350 ألف بولونية 🤥
الفسق اللي راهو ضركا في الشواطىء البولونيين يحشموا يديروه
مين جبت هذي الحكاية، من أساطير الأولين ؟؟
لي راهم يقولوا كلش راه كاين دروك وعلى العلن! في 2013 كانت كاينة هذه الامور في العلن! حتى ولو كانت كانت بنسبة قليلة، اذا الحمد لله راها تقريبا عشر سنوات مرت… والإنحلال الخلقي ماشي كل عام ويزيد، يعني ماشفناش كلشي ضربة وحدة، كل عام تجي حاجة تخلعنا أكثر من العام لي قبله! ربي عالم السنين القادمة شاراح نزيدو نشوفوا! الله المستعان وكفى
نتا مفهوم السياحة ربطتو غير في العرا و الشراب ؟
1-تقدر تستقطب ناس بزاف و بشروطك بشرط توفر الخدمات . و قطر خير مثال اسقطبت 1.5 مليون سائح كامل تحت السيطرة .
2-قبل لا تخمم تستقطب أجانب خمم كيفاه تخلي 2.5 مليون جزائري يفوت العطلة تاعو هنا مشي في تونس
رانا بعاد في كلش
اذا فتحت السياحة لازم تقدم تنازلات و لي راهم يقولو الخمر و العرا راهم موجودين صح كاينين بصح ماشي أمام الملأ جهارا نهارا جامي رحت لبلاصة و لقيت فيها الخمر أو العري الفاضح مانستحقوش السياحة اذا كان الثمن نتخلاو على القيم و المبادئ يكفي نرفع من اقتصاد بلادنا و نأكل مما ننتج و السلام
راديو طروطوار هادي حكاهالك مول القهوة لي تستقهوى فيها
350 الف
و إلا سننقل السواح إلى تونس و المغرب
السائح تاع بولونيا هو سائح تاع زوج دورو ..
350 الف رقم كبير جدا، و وزيد الشعب البولندي معروع قبيح خاصة الشباب. 350 الف في 2013 واش كان راح يدير فالجزائر؟! ما يلقى حتى حاجة تعجبو ! بالاك يشبحولهم بحر ولا 2 و كاين الصحراء هادي طبيعيا شابة بصح ما يلقاو لا مرافق لا وين يباتوا آلاز.
اما قضية السياحة و الكحول و اللباس القصير، انا تبانلي كاين 2 أنواع تاع سياحة كاين الاستكشافية و كاين لي يسافر باش يزهى و يسهر، و تقدر تشملهم في 2. لي يسافر باش يكتاشف اغلبيتهم تلقاه يحتارم تقاليد و عادات لبلاد لي يروحلها يعني تقولو شراب و لعرى ممنوع يتفهم الأمر، حتى و ما توفرلوش فنادق 5 نجوم عادي هو مدابيه يشوف حاجة جديدة ثقافة حضارة بيوت تقليدية…. هاد النوع تتعامل معاهم عادي. أما النوع الثاني لي يجي ينحي على خاطرو بالسهرات و الفسق…. فهذا الشيء يقدر يديرو في اي دولة اخرى فالعالم يعني هنا لازم يكون عندك قرار سيادي و ما تحلبوش.
حنا المشكلة تاعنا الحكومة تاعنا ما حكمت لا هادوك لا هادو. كلشي عندو حل لازم دراسة برك.
ساهلة ، يديرو بعض المدن السياحية كيما شرم الشيخ وخلاص ، ويوفرو فيها الانحلال المقيدة بشروط ( العري ليس كلي ، منع الفعل الفاضح في المكان العام..) والباقي كل واحد مسؤول على روحو داخل غرفته الفندقية.
هاذي اللي نضل نحكي عليها و الناس تغالب فييا و حساباتهم مهبولة ياو نقولها و نعاودها و افتخر بها الله لا يجعل السياحة الخارجية تتطور في البلازما الداخلية اهلا و سهلا بها و ان شاء الله تتطور و الناس اللي تقول بلي مام دوك كاين الشراب و ڤاع العفايس نقولكم ايه كان كاس و ڤاع علابالنا بصح ماشي مفضوحة و كاين تستر يا لوكان على الاطفال انا هاذي صراتلي شخصيا روحنا اوتال etoilé هنا في الجزائر و كان اجنبي تما هم دخل كانات تع بيرا و كان يشرب فيها حنا فقنالو بصح لاكانات كانت مغلفة و داخل صاشي و داخل صاشي واحدوخر تاع كاغط هنا تفيق انو المجتمع الجزائري ما تقدرش تفرض عليه هاد العفايس حتى و يكون هو بحد داتو تع داك الشي بصح قدام ولادو و لا مرتو و لا مواليه لا لا ما يقبلش bien sûr avec des degrés et l’exception confirme la règle بصح شوفو الجيران برك عندهم كلش عادي
منشور يضحك، المصدر ? النهار tv هههه
خلي برك
و هذا ما يسمى بالسياحة حلال منذ سنوات صار هذا المصطلح عالمي و يعني انك توفر فنادق و مطاعم لا تقدم الخمر أو لحم الخنزير تتناسب مع الطبيعة العقائدية للمسلمين، و الان متوفرة في كل انحاء العالم فنادق و مطاعم تحمل هذه المواصفات
المصدر: وليد حومة
راديو طروطوار
المصدر : صدقني
ايه صح هذا من جانب ومن جانب اخر حتى المجتمع فسد ماعندو مابقى مواقع التواصل هذي بينت الكثير والكثير وحتى ولو ماكانش سياحة تأثير برك كان عندو دور كبير في افساده
تقدر تفتح سياحة و تكون حسب شروطك مشي لازم الفسق، قطر خير مثال ، ابو ظبي…بصح وش م سياحة و حنا ماراناش قادرين نتحركو فدزاير، و امبعد تصريف العملة، و تحسين المرافق ، و تعبيد الطرقاات و توفير النقل ….
فيها بزاف شروط
حنا كشعب ماعدناش ثقافة السائح ما نخرج. ما يجو لينا و كدولة مانقدروش نظمو السياحة
السياحة المحلية و مكاش
انا نتمنى نروح شاطئ الان ولا غابة ومانشوفش قرع الخمر تملئ الارض وتزينه 🙂
ونتمنى نقدر نروح شاطئ مع العائلة بدون مانشوف مناظر مخزية وتعري
تقدر تفتح السياحة للناس المحافظة والملتزمة وتكون وجهة لهؤلاء خاصة المسلمين لماذا نستهدف اوروبا ؟ أصلًا وش ينقصهم
شوف تركيا مثلا كيف تروج لوجتها للخليجين وتمتلئ بهم في بعض المناطق حتى تحسب روحك بالخليج كطرابزون وغيرها ويقصدوها لانها بلد مسلم يسمع فيه الاذان ويحافظو ع دينهم فيه
هناك سياح كثر يريدون بيئة محافظة ودول مسلمة لامنكرات فيها