السلام عليكم
حبيت نحكي على بعض الاماكن السياحية و الاثرية في نفس الوقت
بعد زيارتي الاخيرة لمتحف باردو و المتحف الاسلامي بل عاصمة وزيارة عنابة قلت نزيد تيبازة ونشوف الفوارق لي كاين
دوك نبداو من المتاحف في العاصمة
سعر الدخول 200 دينار للشخص علاه ؟ علابالنا بلي هادي تحف لا تقدر بثمن مي علاه كامل هاد الاسعار بدون توفير خدمات
تدخل تدور وحدك مكاش توجيه او مرشد تقرا واش كاتبين في 2023 مزال ا قدرناش نديرو ارشادات صوتية مزال نقراو هادا قناع من العصر فلاني وبلاد فلانية
وزيد الشابة يغلق على 12 يروح يفطر منيتك تغلق متحف على جال باش تفطر كانو معايا اجانب تخلعو كي قالنا وقت الفطور يعني تتعبو بزاف باش ما تقدروش تخرجو بل واحد تفطرو
فيما يخص عنابة كنت راح نزور اماكن بزاف مي ما سدقتليش ايا رحت شفت بعض الشلالات
دوك ندورو لتيبازة اولا الاسعار
قبر السيدة الموريتانية الدخول 120 دينار وزيد 100 دينار تاع الموقف تدخل تلقا البيبان مغلوقين زيد مكاش مرشد ومكاش حاجا تحكي التاريخ مليح كاين وحدة اسود على ابيض ما تحفزكش باش تقراها ودايمن زهري يكونو معايا اجانب في نفس المكان نشوف نضراتهم تتأسف وتحشم
اما الاثار الرومانية الدخول 130 دينار الموقف تاع سيارة نتا وزهرك المهم حطها وخلاص زيد تدخل دور وحدك ولا تلقا واحد يخدم مرشد هادا صح عجبني انسان حاب يخدم
كاين حاجة تحس روحك مديرونجي كي تكون مع العائلة كاين عباد لداخل يخسرولك الجو اما بل كلام او الخزرة
هو مكان كبير ماشي مرتب مكاش اماكن مخصصة للجلوس اول حاجة تشوفها بلاكة مكتوب فيها ممنوع الاكل الموسيقى الاصوير المهم كلش ممنوع
مكاش عماي يدور. لداخل زيد تقرا عفسة تجيك بيزار يكتلك نافورة من العصر الاغريقي مبعد يقولك اثار رومانية تتلفلك
الترميم مكاش بلايص تخسرو غلقوهم بسلك وخلاوهم واش نكره انا السلوكا والحدايد ماكاش تطور
زيد مكاش مراحيض كاين لي تجيه بيزار كي نحكي عليهم
مي راهم يجوك سياح مثلا توانسا لي نضحكو عليهم هاد صوالح ما يعانوش منهم لسببين الاول متوفرين فل متنزهات وزيد مجانا خاطرش يتحسبو في تذكرة الدخول اما في المطاعم كاين ومكاش احراج كي تقولو نروح للحمام
المهم ربي يصلح حوالنا ونفيقو للكنوز لي عندنا ورانا هاينينهم
انا هنا نشوف. بلي حنا ما نحترمو التاريخ ما تحترمو السياحة
عندنا اماكن بلدان يحلمو بيها وعندنا تاريخ دول كبيرة ما عندهاش نص تاعو برك حنا ما نقدروش النعم ورانا في تراجع كبير بسبب عقليتنا البدائية
#سياحة_تاريخية
مفهمتش علاه راك تركز على الاسعار سيريو 200دج جاتك غالية ؟ انا طالب جامعي معناها نظريا انا انتمي لأفقر طبقة اجتماعية و هاكاك 200دج بالنسبة لتيكي لمتحف جاتني عادية خلاص حتى شاوارما ماتجيبولكش
ثانيا فيما يخص ال guide جابلي ربي معظم المتاحف فالعالم مافيهاش ابار ف les excursion
المتاحف غاليين فالعالم كامل.
الأسعار مدروسة ومعقولة جدا يعني تزور مدينة أثرية بــ 130 دج أو متحف بــ 200 دج روح لأوروبا ولا لدول الخليج تشوف الأسعار
مازال من 2014 لدرك غايضتني رحنا تلمسان وصلت قصر مشور لعشية لقيناه مغلوق في عز ايام الصيف 🥲
رحت لتونس؟ شفت اسعار المتاحف عندهم
زوج حجرات على الطريق يكتبلك موقع اثري و يقلك خلص 20 دينار هذه في 2017
ضرك يا درا
الآثار تع تيبازة سغل راك دور في غابة وفيها شوية حجر
كاين دخلة على الشباك باطل ما تخلص ما والو
هذا الي قالك نخرج نفطر و نرجع لاباس خير من متاحف أغلب المدن خارج الخدمة مغلوقين بالكادنا
أما عن الأسعار مع صفر خدمات عندك الحق
ما نعرف إذا مزال شرط الدخول للمتحف دفتر لقاح الكورونا…
رغم حلمي ندرس التاريخ و الآثار لكن مع الأسف ما ندمتش أني توجهت للهندسة خاطر هذا التخصص ما عندوش مستقبل في بلادنا
كل المقالة تاعك لخصتها في الكلمتين الاخيرتان للأسف 💔
مجاتش في المرشد قد الأمن … الواحد ولا يخاف عندي بزاف مسافرتش برك بسبب وحد النوع من الشباب متخلفين ..ميخلوك تمشي مع عايلتك …الشطح المناقش صبيغة الشعر التطياح ..كل دورة تشري كيتمان ..تشري ريحة للمدام يلصق فيك …تقلو لا ..تسمع التطياح تحت تحت ….. الهدرة العنصرية انتم من جيهة وانتم من جيهة …. يشوفو واحد يصور مع حاجة يقولو عليه كافي ولا منعرف من المصطلحات …..
…. تدور تلقى حالات بين شباب وبنات الله عالم بيها … الاسعار يعرفك برك مكاش من المنطقة يلهب النار …. الباركينغ متعرف تعس سيارتك متعرف تروح ..تحبس دقيقة يقلك خلص .تخاف منهم ومن اشكالهم ……اوووف الخ
تحيا داري لا سياحة ولا هم يحزنون
“التوانسة الي تضحكو عليهم” ؟!! 🤔