السلام عليكم
حنا من الجزائر العاصمة و موالفين نديروا ليفاكونس فالشرق ، هذا العام رانا ناويين إن شاء الله نروحو للغرب ، خيرنا وهران عين تيموشنت و تلمسان .
عين تيموشنت و وهران زرناهم منذ سنوات من قبل و نعرفوهم و حبينا نزيدوا نزوروهم لبعض أيام ، يعني ماعندناش مشكل مع الأماكن لي نزوروها فيهم ، لكن تلمسان أول مرة و ما نعرفوش الأماكن لي نقدروا نزوروها ما عدا مغارات بني عاد و قلعة المشور ، من غير هادو واش فيها تاني !! و يكونو أماكن عائلية ، لأننا رايحين عائلة .
شكرا مسبقا 😊
شلالات الوريط هايلن تاني ممكن حديقة الحرطون تاني هايله سد المفروش فوق غابات بني سنوس تاني مع ربيع روعه فيها انهار وشلالات وحتى ممكن قصر ثقافة شباب بزاف معماره ومرحبا😊
أنصحك بمستغانم خويا و ما تندمش ان شاء الله
بورساي … الغزوات ..البحيرة. … هوناي.. سيدي يوشع
هادو كامل في تلمسان و من اجمل الشواطئ لي شفتها(بورساي ما عجبتنيش(
تلمسان تهبل فيها شلالات الوريط ولالة ستي وقراباسان وسيدي بومدين والمغارات وحديقة الحيوانات قدام قلعة المشور وقصر الثقافة وتروح شاطئ الغزوات او بورساي
أدرجوا مستغانم في خطتكم السياحية لن تندموا
ديرو حسابكم .. في تلمسان زورو الاماكن لي حابين تروحولها الصباح بكري .. كي يكترو الغاشي و تزيد السخانة تخسر الخرجة ..
مستغانم هي المخيرة
زيد معاك مستغانم 💖 تنس فيهم بحر شباب
كاين لالة ستي ، مغارات بني عاد ، قلعة المشور ، شلالات الوريط ، شاطئ بورساي ، ميناء غزوات ، تلمسان وسط ، مسجد سيدي بومدين ، غابة احفير.. اذا عندك اي سؤال او استفسار عن الاكل المطاعم الفنادق النقل مرحبا 🙏🙏🙏
اذا رايحين علجال بحر و فاكونس صيف تلمسان تاع سياحه و اذا علجال بحر و تفوت وقتكم زيدو معاكم مستغانم افضل بلاصة ف الغرب
مشي من ناحية البحر برك
الي يروح لها يعرف وش نقصد
مستغانم افضل
اذا باغي تجي لبورصي، من الأفضل تريزارفي غرفة من اليوم. لأنو ديجا كاين des résidences لي راهم كومبلي حتى ل سبتمبر.
كاين هضبة لالة ستي
_مغارة بني عاد
_قلعة المشور
_شلالات الوريط
_منصورة
_مغنية : سوق التوابل
_حمام بوغرارة
_حمام الشيڨر (ما ننصحكمش بيع بسك سمحو فيه بزااف )
_مرسى بن مهيدي
_بين لجراف (الحدود)
_شاطئ سيدي يوشع :ضريح نبي الله يوشع عليه السلام
_الزياتن (سيدي يوشع )
_غزوات :مناء ، لالة غزوانة ، شاطئ واد عبد الله ، شاطئ بودوالة (ما ننصحكش بيه ..بسك في تمرميد .. تدخله مع مجرة مائي تحت الجبل )
_ندرومة :جامع الكبير ، ازقة تربيعة ، القصبة ، حمام البالي
_شاطئ بربجاني : اما عم طريق البحر او عن طريق المشي 30 ساعة من زياتن
_شاطئ هونين , الوردانية ، آقلة
_ شاطئ رشڨون (في جزيرة ) :هو داخل في عين تموشنت مي قريب لهونين ..
.____________
كاين بزااف اماكن غير مكتشفة و منها الخطيرة و منها غير صالحة للسياحة (شغل ما خادمينهاش )
je vous conseille de visiter le centre des études andalouses
مرحبا بيكم في تلمسان
تلمسان قاع أماكن لي فيها أماكن عائلية لأنه شعبها مربي
شواطئ روحو لسيد يوشع من ثم حكمو فلوكا تديكم الشاطئ بربجاني حاجة خرافية.
عندك ثاني شاطئ أقلا شباب بزاف .
روحو ثاني لجزيرة لي في رشقون
و أماكن سياحية الأخرى إذا تبغو آثار و صوالح تاع تاريخ تلمسان قاع في بلايص تاع حضارة
بصحاتكم
تلمسان
لالا ستي
منصورة
المشور
غار بن عاد
شلالات الوريط
سد مفروش
أحفير
شواطيء كاين
بورصاي موسكارة
بحيرة مخلد
روحو لي بلاج
عندك من بورسي و موسكاردة الى الوردانية شواطئ و طريقهم تهبل
روح للغزوات و هنين و سيدي يوشع و برباجاني
بورساي البحر تاعها هايل و لالة سيتي+ زيدو روحو لمستغانم هي المخيرة فيهم
لالة ستي، شلالات الوريط..
زيدو مستغانم فيها جنة عارف نسخة عن قصر الأندلس بلاصة شابة.. موستالاند تاني
ولا معسكر قريبة لوهران تاني طلة خفيفة لزمالة الامير عبد القادر و غابة نسمط.. 🙃
مرسى بن مهيدي من أجمل الأماكن الغزوات كذلك
لالا سيتي في تلمسان مركز و سوقها التقليدي و قلعة المنصورة
زيدوا للرحلة مستغانم جميلة جدا