السلام عليكم خاوتي راح نتزوج ان شاء الله في نوفمبر وحبيتكم تقترحو عليا بلد نسا

السلام عليكم خاوتي
راح نتزوج ان شاء الله في نوفمبر وحبيتكم تقترحو عليا بلد نسافر ليه انا والزوجة تاعي لمدة 5 ايام
البلد هادا حبذا لو تكون اسعار السفر اليه واسعار الفنادق معقولة
انا داير في راصي تركيا هل الميزانية تاع 30 مليون تكفي شخصين لمدة 5 ايام ولي عندو مخطط تاع سفر كيفاش نتحرك ووين نروح والاشياء لي تستاهل نصرف عليها دراهمي والاشياء لي ماتستاهلش لي عندو معلومة ولو فكرة بسيطة يفيدنا بيها خاوتي بارك الله فيكم
للعلم جامي خرجت من البلاد هادي اول مرة ان شاء الله
#1001_help

Posted in ,

27 Comments

  1. Ameny Boukhenchouche dňa مايو 17, 2023 o 9:13 ص

    تركيا 30 مليون تكفيك و تفضل مدة 5 أيام حبذا تزيد 8أيام

  2. Ayoub Bel Mrabet dňa مايو 17, 2023 o 9:14 ص

    5 أيام في السفر قليلة جدا
    7 ليالي أحسن إحجز قبل نوفمبر تكون تخفيضات وروح لتركيا أحسن

  3. Nabil Bilal dňa مايو 17, 2023 o 9:17 ص

    تركيا أخي احسن وجهة، 30 مليون تكفي لمدة 10 ايام

  4. Ãm Îñê dňa مايو 17, 2023 o 9:18 ص

    تركيا سمانة مليحة ت

  5. Amine La Base dňa مايو 17, 2023 o 9:23 ص

    تنجم تزيد يومين ولا ثلاثة ف الترك بصح مع تدنية المصاريف …خمس ايام قليلة ….ووين تروح عندك اليوتيب اتفرج جماعة vlog يفهموك في كلش مازال عندك بزااااااف وقت

  6. Amï Ne dňa مايو 17, 2023 o 9:24 ص

    5 jours troh tunisie 🇹🇳khir chof hôtel mlih 5⭐⭐⭐⭐⭐ ykon resort fih kolech bach matboujich bezaf rak ta3rf bach mata3yach hhhhh

  7. Wiki Silver dňa مايو 17, 2023 o 9:24 ص

    تركيا 30 مليون تقعد فيها حتى 15 يوم الا عندك استفسار بعتلي نقولك قاع وين تروح أخي

  8. Safia Safi Hardy dňa مايو 17, 2023 o 9:25 ص

    المهم احجز كلشي من قبل واونلاين خاصة سيرتو الطيارة باه تلقا أرخص

  9. Sî Døu dňa مايو 17, 2023 o 9:28 ص

    ثلاثين مليون شخصين معرس جديد قليلة راهي عندك غير هنا فيزا وبيي في زوج قول 16مليون راح تبقالك 14تصرفها فالتحواس والمبيت قليلة والله يعلم

  10. Farouk Habib dňa مايو 17, 2023 o 9:31 ص

  11. Mustapha Mazouz dňa مايو 17, 2023 o 9:32 ص

    عندك الترك ولا الاردن فيهم بلايص شابين بزاف و30 مليون هديك اذا داخلة مع دراهم السفر البيي وڨاع قليلة شويا

  12. Amina Fernana dňa مايو 17, 2023 o 9:34 ص

    نعم تركيا تقدر تكفيك اذا حوست على فنادق معقولة فالسعر و شفت تذاكر قبل السفر بشهرين تلقى ان شاء الله التذاكر مع الخطوط الجوية الجزائرية ارخس التركيا بزاف غالية
    5 أيام قليلة بزاف حاول دير 7 ليال او 8 و البرنامح انت و تحرك تاعك انا نقترح عليك برنامج درتو شفت بيه اغلب المعالم
    🔴اليوم الاول الصباح آية صوفيا ؤ المسجد الازرق ، طوب كاپي ، السوق المصري ، grand bazar
    🔴اليوم الثاني فينيسا مول ، جواهر مول ، برج غلاطا ، تقسيم و شارع استقلال
    🔴يوم جزيرة الاميرات تقدر تزيد غلاطا پور(مول على شكل سفينة) او دير عشاء فالسفينة خير السفينة الشامية محترمة و عائلية أكثر
    🔴يوم دير صنجة و معشوقية او يلول و الحمامات الكبيرتية ، إزميت ، شيلا… (هاذو مناطق تبعد عن اسطنبول ب ساعتين شوف وكالات سياحية تروحو معاهم أسعار جد معقولة و يديوكم لأماكن بزاف و تجربو الكواد ، Zipline و كاين بزاف نشاطات تقدر دير زوج رحلات كل يوم رحلة
    🔴نهار دير دولمة بهجة اذا تحبو جو القصور و السلاطين و الجزء الآسياوي مليح بزاف و مختلف عن اسطنبول الاوربية.
    تقدر تروح تشاملجا فيها مسجد اردوقان و برج تشاملجا ثاني ملاح يستحقو الزيارة
    متصرفش دراهم فالشوبينڨ خلي آخر يوم و اشري ، صرف الدراهم كل يوم لأنو الليرة تهبط و تطلع بزاف افضل منطقة للصرف لالالي، خير فندق عادي 3/4 نجوم المهم نظيف و في منطقة الفاتح لأنو اغلب اليوم تفوتوه برا
    اشري شريحة هاتف و اسطنبول كارث ضرورية لكل هذه المواصلات و تطبيق moovit ، قبل لا تتنقل لأي مكان شوف في ڨوڨل اذا راهو مفتوح او مغلق ، يوم الاحد يوم عطلة اغلب المحلات مغلقة في اسطنبول حتى مكاتب الصرف دير حسابك .

  13. SÌr Rogger dňa مايو 17, 2023 o 9:35 ص

    Bali

  14. Ahlem Halouma Halouma dňa مايو 17, 2023 o 9:38 ص

    تأخذ رايي روح السعودية منها عمرة ومنها تحويسة صدقني بلد جميل ورائع انا دايمن عطلتي سنوية نروح عمرة وسياحة في نفس الوقت

  15. Naima Hadjoudj dňa مايو 17, 2023 o 9:39 ص

    الفيزا تركيا لشخصين 54000 دج زيد تذاكر الطيران بالتقريب ل شخصين 80000 دج غرفة في فندق لشخصين (40 اورو لليلة) نديرة خمس ليالي عندك 200 اورو يعني تقريبا 40000 دج من 30 مليون يبقالك تقريبا 13 مليون يعني بالتقريب 600 اورو تكفيك ان شاء الله.

  16. Sidali Hamidat dňa مايو 17, 2023 o 9:40 ص

    الاردن دير فيها سمانة و من تم روح جيبو عمرة طيارة الاردن تلقى ب5 و دير فيزا السعودية ب4 (للواحد) و دير 5ايام ولا في الاردن و من تم روح للسعودية دير عمرة و ربي يتقبل

  17. Ilyas Medjeni dňa مايو 17, 2023 o 9:41 ص

    تكفيك تركيا حتى 10 أيام اخي، واحد مايخلعك بالغلاء، اي استفسار عليها تفضل نساعد خويا، عليك وعلى billet d’avion دبرو بأقل سعر راك درت افار، بالنسبة للفندق تقدر تحكم ب 30/25 اورو لليلة لشخصين.
    واش خص خويا راني هنا

  18. Meryem Chikouche dňa مايو 17, 2023 o 9:42 ص

    خمس ايام قليلة على تركيا لازم أكثر ما تقدرو تريحو ماتقدرو تحوسو .. اذا خمس ايام تولي تونس احسن

  19. Taki Ben dňa مايو 17, 2023 o 9:47 ص

    30 درت الترك لمدة 10 ليال و 11 يوم انطلاقا من الفيزا حتى نهار رجعنا و جبت تذكارات للعائلة بقاتلي 50 ريال في جيبي 🙄
    اذا رايح تحوس تكفيك اذا رايح استجمام ما تكفيكش.

  20. Fethi Mostefaoui dňa مايو 17, 2023 o 9:47 ص

    ربي يسهلك أمورك و كلش مبروك عليك خويا
    تركيا تكفيك و تزايد
    الفيزا 2٫7 مليون الواحد
    التذكرة حوالي 5 مليون الواحد و ممكن تكون أقل.
    راهي عندك 15 مليون راحت زيدلها الفندق 5 ايام . الليلة ب 30 اورو مثلا و تلقا أقل من هاد السعر تسقملك حوالي 7 مليون . راهي في 22 مليون . نبقالك 8 ملاين تاكل و تدور نورمال ثم و تحوس كيما تحب .

  21. Aymen Boumaza dňa مايو 17, 2023 o 9:49 ص

    جزيرة بالي أفضل خيار

  22. Bouchra Aidaoui dňa مايو 17, 2023 o 9:50 ص

    شوف انستا house wife( صبرية ) . تاني متزوجين زوج راحو وحدهم و دارو plan وحدهم و شاركو التجربة بكل تفصيل و الاسعار و كلش باش تدو فكرة

  23. أمال سريدي dňa مايو 17, 2023 o 9:55 ص

    تكفي لو تروح خارج الموسم السياحي اي خارج الصيف

  24. Fatiha Sebbak dňa مايو 17, 2023 o 9:59 ص

    في رايي عمرة احسن من بعد كاش بلاد
    ربي يسعدكم ويهنيكم 🤲🤲🤲 ويرزقكم الذرية الصالحة

  25. El Yass dňa مايو 17, 2023 o 10:01 ص

    5ايام رح تتمرمد برك ماشي رح تحوس خاصة مين هادي اول مرة و شهر عسل شوف كاش أوتال شباب ف مدينة شابة هنا ف دزاير جوز فيه 5ايام تاوعك و خبي دراهمك و زيد عليهم حتى يكون عندك وقت لازم(10+ايام) باش تقد تسافر

  26. Ghber Ayomer dňa مايو 17, 2023 o 10:12 ص

    روحو لمصر تكفيكم حتى 10 ليالي

  27. Lamia Achouri dňa مايو 17, 2023 o 10:22 ص

    زرت اسطنبول مليحة لمدة5 أيام، الفندق احجز من وكالة هنا في الجزائر تع 3 نجوم رخاس ونظاف المهم يكون في شارع السلطان أحمد، تقدر تزور جزر الأميرات في الباخرة مليحة الرحلة وتاني آخر جزيرة تقدرو تديرو دورة فيها بالدراجة الهوائية تلقاوهم لتم للكراء ولا في عربة يجرها حصان، لكن تع الدراجة تجي أحلى، تقدرو تفوتو نهار في مدينة الألعاب فيا لاند فيها ألعاب ملاح، نهار جوزوه سياحة في المعالم تع اسطنمبول جامع محمد الفاتح متحف آية صوفيا حديقة السلطانات وأماكن تاني مليحة تلقاهم فالانترنت، نهار جوزه تسوق السوق الكبير المغطى وشارع محمود باشا وبايازيد فيهم حوايج رخاس وشابين، الفطور تلقاه في الفندق غني ومليح بصح مكاش قهوة حليب ادي نسكافيه منا واطلب من الفندق يطيبولك لحليب رايحين يوافقو، الغذا والعشا خير المطاعم الشعبية تلقاها بنينة ورخيسة ومام المطاعم السياحية ماشي غالية بزاف التنقل فالترامواي ولا الباخرة رخيس ماشي غالي.
    بالنسبة للميزانية اشري تذكرة الطائرة واحجز الفندق، كان بقاتلك 1500 اورو نظن تكفيك مصروف تع 5 أيام وتكون مرتاح وتشريو حوايج

أترك تعليق