السلام عليكم خاوتي
رانا في اسبانيا (اليكنت) هادي تاني مرة نجو ، حبيت ندير مفاجأة للزوجة نديها لايطاليا هادي البلاد لي متمنيا تزورها شريت billets لميلان بالضبط Bergame بصح ماعندي حتى فكرة عليها وعلى الرحلة هادي، راني خايف نحصل عندي وليدي صغير عامين . جينا هنا لأليكنت كرينا ب 40 اورو دار الحمدلله بمساعدة صديق ليا يسكن هنا هو لي دبرلي كرا ، الدار ماكان ماكان بصح حوسناها مليح كنت نكتاشف وحدي الماكن وجاتني سهلة وحسيت مصرفناش بزاف من غير مشتريات خفيفة و الاكل نطيبو كترا فالدار لاحضت عندهم رخيس علينا الكبدة لحم مرقاز جاج .. وبرا خفنا من الحرام مانكلوش الله غالب من غير ادا لقينا عرب يبيعو المهم عطيتكم نضرة خفيفة برك دوك راني حاب نروح لايطاليا كيما قلتلكم بصح ماعندي حتى فكرة على سعر المبيت ومانعرف حتى واحد تما ماعلاباليش شكون يكريلي كيفاش نركب وكيفاش نخلص وين ناكل ادا كاين عرب وحلال يبيعو كيما هنا في اسبانيا حتى اللغة مانفهمها مانهدرها وبلايص لي نروح نحوسهم في bergame هادي والله راني مبحر غامرت وخفت مع العلم نقعدو غير 4 ايام الله يحفظكم رايو عليا ولي عندو معلومة صديق تما يقدر يعاوني يدبرلي كرا ان شاءالله تكون في ميزان حسناتكم والله ماننسا خيركم وان شاء لي خصو حاجة يبعتلي انا نحب ندير الخير كيما ناس يديرو فيا وان شاء ربي يسهلي واياكم الامور
اذا عندك صديق يحجزلك بكارد كريدي و ترجعله ليكيد، ادخل Airbnb.com و حوس على ستوديو في المدينة هادي و الباقي ساهل. كيما الاكل و قاع راك مدبر راسك. و غي ربع ايام ماشي بزاف.
ربي يطيحك في نفوس مومنة
انت تختار المنزل وهو يخلص من عنده. اختار واحد يكون قديم في المنصة او الموقع هذا وشوف الناس شا كاتبين عليه و الا شفت الناس شاكرينه احجز. ليق صديقك يكون معاك باش يخلص بكارطة بنكية تاعه و انت ترجعله كاش.
Réserver sur airbnb
روح اميلان و كمل لفينيسيا هايلة
كائن البيس من مطار بيرغامو لميلان flixbus بصح وجد روحك لحرارة مرتفعة و من تم روح فينيسا و مبعد ارواح فيرونا مدينة روميو و جوليت كاين بلايص بزاف شابين في فيرونا بصح لازم الطنوبيل مثلا lace de gard و البلايص المجاورة و بيرغامو مافيها والو مكان لاه ضيع وقتك فيها
ربي بسهللكم و يطيب عشرتكم 😍
لكرا في ميلانو غالي شوي ، تقدر تحجز في Airbnb شوف في بلاصة معليش بعيدة على centre لكن يدي ليها métro, بنسبة لنقل غالبا في ميلانو مكانش المراقبة و لكن تقدر تشري ticket de transport pour 3 jours à 17 euros ادا منيش غالطة.
بنسبة للأكل كاين بيتزا اشهرها Spontini, luini مش غاليين بزاف ، كاين تاني sapori de la pasta ، تراميسو جربوه في محل وسمو Spun يخدموه sans alcool بصح زيد سقسي قبل ما تشريو اي حاجة.
Sinon Milano معمر بمصريين مش راح تلقا مشكل مع الاكل
ننصحك تروح lac Como بعيد على ميلانو 45 دقيقة ب train ، روحو صباح و روحو لعشية ،ثمن التذكرة حوالي 14 euros ذهاب و اياب
Transport erkeb f tram via b 1.7 euro ticket fih 90mn w lazem tkachih ki tatla3
Lmakla w l9adya echri mn coop wela esselunga rkhissa matchrich lma mn les restaurant ghali w matchrich mn mini market
Te7was 3lik w 3la google map ywerilk les moyen de trnasport
Lekra wallah mana3rf
كريتو ب 40 اورو سمى لكراء في إسبانيا رخيس الي يجي يقرى ثما؟