السلام عليكم .. صحا رمضانكم
عندي أسئلة ماذبيا لي يقدر يفيدني يقلي
1/ كاين رحلة مباشرة بين الجزائر و ( ماليزيا , اندونسيا و سنغافورة ) و اذا لا كفاه يكونو ليسكال
2/ واش هوما الدول لي يقدر يخللهم الجزائري من دون فيزا
3/ وين نقد نشوف نشوف اسعار الرحلات البحرية و الجوية في الجزائر
4/ سعر الفيزا يختلف من دولة لأخرى ولا كيف كيف في النفس الدول و اذا كاين موقع نقدر نشوف فيه الأسعار
5/ أهم سؤال , للناس لي سافرت لأوروبا قصد السياحة وشيهم الدول لي تقدر تروحلهم مع عائلة مع مبلغ معقول
6/ اي واحد شافر لبلدان اخرى قصد السياحة يخليل تعليق نسقسيه من فضلكم
و شكرا و صحا فطوركم
من سؤال الاول الى سؤال رابع اكتبهم ف محرك البحث يجاوبك .
1- ليسكال يكون في دبي عبر خطوط الإمارات
2- أغلب الدول إلي ما يطلبوش فيزا يلزمهم فيزا لدول الترانزيت خاصة فضاء شنغن
1 مكاش فول ديركت كاين مع الاردنية ولا المصرية (اقل تكلفة ) وكاين تركية قطرية امارتية
2 دول لي يدخلهم الجزائري من دون فيزا تلقاهم في قوقل كاين لي بدون فيزا وكاي لي فيزا عند الوصول وكاين لي فيزا الكترونية
3 مواقع لي تشوف فيهم تذاكر كاين سكايسكانر وكاين كايك (Skyscanner . Kayak )
4 سعر الفيزة نفسه واذا ماكانش عندك جواز سفر تاني او اقامة لازم تطلب فيزا من بلادك (الفيزة لي تتعلق فالجواز )
5 الدول الاروبية الأقل تكلفة هي دول شرق اوروبا
6 كاين دول زرتها ودول ناوي نزورها تحب تسأل تفضل 😇
نجاوبك على سؤال اوروبا اذا رايحين في الطوموبيل تجيكم ساهلة كعائلة انما اذا بوسائل النقل تتكلف شوي وتتمرمدو تبانلي كون تكريو كرفان كي تتعبو تحبسو تريحو ( حتى بالسيارة البنزين يكلف شوي لكن تكونو مرتاحين وقت ماتحبو تحبسو وتريحو ) بال gps ساهل كلش
احنا ثاني سافرنا كعائلة بصح كان عندنا وين نباتو كل مرة والطوموبيل ثاني متوفرة والأكل كنا ندو معانا من الدار.
قولينا الوجهة الاوروبية الاولى تاعك باه نقدر نفيدك
نحكيلك تجربتي باختصار (الأكيد ان الاذواق السياحية لاتناقش كل واحد وش يحب)
عن نفسي باريس ماعجبتنيش اطلاقا رغم انها الاولى سياحيا في العالم عجبتني تولوز
سويسرا غالية في المعيشة ٫بلد خرافي الطبيعة مبهرة وجبال الآلب عندك زيوريخ عاصمة السعادة .. العاصمة العاصمة برن وصلناها في الليل ماعرفتش نميزها مليح ..انترلاكن ثاني شابة واخطيك من كهوف انترلاكن مازال ماكملولهاش الترميم تخلصي 19€ بلا فايدة الكهوف العجيبة تاع جيجل خيرمنها.
الطريق من فرنسا لبرشلونة تكره تمشي مترا تخلصي البياج كارثة برشلونة مدينة مفعمة بالحياة ماتكرهيش منها الشعب يغلي والاسواق تغلي.. فيها معالم تاريخية بزاف..كيما كاتدرائية برشلونةساغرادا فاميليا تحفةمعمارية ومع الاسف مادخلتهاش كنت مشومرة والدخلة كانت ب 26 €
امستردام عاصمة الضياع بالنسبة ليا كلش مباح..هولندا بصفة عامة انظف دولة من اللي زرتهم…عندهم حديقة حيوانات 6 سوايع وماتخلصيهاش…efteling حديقة للألعاب رائعة تدخلي ليها ماتشبعيش والأدهى انو فيها ألعاب تحاكي الحضارة العربية جسدوها أحسن منا مع الأسف ( العرب والمسلمين عندنا عقل خيرمنهم بصح نستعملوه بالمقلوب مع الاسف)
أندورا بلد سياحي بامتياز تاع شوبينغ ومليحة في الشتاء للتزلج انا مع الاسف رحتها في الصيف وماتروحوش في الويكاند قادر يرجعوكم لانها مش تابعة للشنغن حنا قالنا الفيزا تاعها وحدها ومع ذلك خلانا جوزنا وقالنا آخر مرة.
بروكسل جاتني عادية كاثر فيها التسوق ومحلات ليهود الآلماس والذهب..( ممكن لاني ماعرفتش ندور فيها)
https://www.google.com/travel/flights/search?tfs=CBwQAhonagsIAhIHL20vMHJ0dhIKMjAyMy0wNS0wNnIMCAISCC9tLzA0OWQxGidqDAgCEggvbS8wNDlkMRIKMjAyMy0wNi0xM3ILCAISBy9tLzBydHZwAYIBCwj___________8BQAFIAZgBAbIBAhgB&tfu=IggKBkx1WUMxYg
هذا رابط يعطيك ارخص التذاكر لماليزيا