السلام عليكم
ضربني فيروس الفدية في الميكرو تاعي و الحصلة كنت مركبة ديسك خارجي المهم راحلي كلش تشفر بامتداد QOWD المشكل انو لقيت ملفاة تشفرت و ملفاة قعدت سليمة مثلا الديسك الخارجي مقسماتو ل3 زوج تشفرو وواحد لالا ايا انا فصلتو على البيسي و فورماتيت البيسي تاعي عادي
ضك حبيت نرجع الملفات الي قعدو صحاح و خفت اذا ركبت الديسك في الميكرو يعاود يتفيروسا الميكرو
تعيشو حبيت كاش طريقة نقدر نحي بيها الملفاة من الديسك للميكرو و تكون آمنة بلا ميزيد الميكرو يتهردلي
للعلم اسطاليت بروقرام malawarbytes بصح ماهوش ماكتيفي
#1001help
Posted in Tech
كان ديتيه لسيبار يشوفلك المشكل احسن
مدام عاودتي الويندوز خلاص، كوبي بلا ما تخافي المهم يكون الميكرو ماشي مكونكتي بالانترنت
شوفي الإمتداد نتاعك اسكو فكو تشفير نتاعه ولا مزال اذا مازال ماوصلولوش خليهم هاك حتى يوصلو يفكو تشفير انتع الامتداد هداك ، ادوات اخرى مكانش اي حاجة تنفعك
هادا وين قبلو المنشور في هذي الباجة 😅
كيفاش جاك هذا الفيروس
روحي قروب dz family
واطرحي سؤالك فيه ناس يفهمو هذا دومان
لا محال يعاود يدخل فيه فيروس مام تبرونشيه في بيسي وحتى يكون فيه فيروس فيدية
فيروس الفدية مايمشيش بنفس صيغة تاع فيروسات لخرين كيما مثال فيروس راكورسي
يعني مايتنقلش
متقدريش تسترجعي ملفات لي تشفرة للأسف
صرالي نفس مشكل وكلشي راحلي
تقدري تركبيه عادي وتسكانيه manual وتشوفي اي ملف excutable وماتتعرفيش عليه تمحيه
كي درتيلي انسطالاسيون جديدة عادي ركبي ديسك دير و طلعي ليفيشي تاعك بصح لي تلقايها راكورسي عندك تدخلي فيها ولا سيبريمي ديراكت
🥺💔حليلي نايا وكيفاه الواحد يتفادى الفيروس هذا
اعملي فحص قوي للديسك بأي مضاد فيروسات فعال وإن شاء الله ما يحصل شيء…فيرس الفدية لا يدخل مباشره
الحجة الوحيدة لي تقدري تجربيا هي يا تانسطالي vmware فالحاسوب و تحاولي بيه.. تركبي ديسك دور و تشوفي ادا يتفيروسا سيستام ..كاين فيروسات ممكن مايشتغلش على الفور يبقة حتى 24 ساعة باه يتاكتيفا .. و بالتالي مش كب تركبي و مايتفيروساش تروحي ديركت تحطيه فحاسوب اخر ..خلي الحاسوب يمشي 24 ساعة و جربي
Kaspersky دير
اي فيروس فدية عندو قائمة بانواع الملفات لي يستهدفها مثال الصور
.jpg
الفيديوهات
.mp4
تقدري تحطي ملفاتك المهمة في ارشيف وينرار وتحذفي الامتداد الاخير
.rar
هكا فيروس فيدية ميقدرش يستهدف الملف و يشفرو لانو ميعرفش وشي الامتداد تاعو اصلا باه يشفرو (من المفروض تصلح)
هكا باه ميبقاش يفريسلك في الملفات
بالنسبة للويندوز لازمك تاني تفحصيه عندك عدة ادوات
مجانية
kaspersky removal tool
malwarebytes free
bitdefender free
eset 32 free
اشري كاسباريكي راهو يتباع 120 الف فقط