السلام عليكم
ضكا الكونيكسيون ديما تروح بنهار زوج ثلاثة ربعة وكي نروح لالجيري تيليكوم نقولكم مكانش تعويض على اليامات لي فاتو خاطر مشكل من عندكم ؟أيا يقولولي لا مكانش كون كي شفتيها راحت تجي تكوبيها حتى ترجع وانا كي نروح ليهم يقولولي استناي مبعد تجي ومتجيش!
أيا والمرة هذي درنا تاع الفيبر قاتلي روحي لدار ضك تجي وحنا ديجا عندنا في القديمة 15 يوم مسلكة أيا ستنينا سمانة!ومطلقوهاش كي رحنا ليوم قاتلنا خلصت لازم تعاودو تلسكوها حتى سلكها بابا باش مشات ضك وهي نورمالمون مزالها كثر من سمانة أصلا بش تخلاص
تسما ضكا هكا يسرقو في الوجه؟كيفاش نديرو؟مكانش كيفاش يردو اليامات لي داوهم؟؟
#1001_help
Posted in Tech
سونالچاز الجي تيليكوم .. في زوج نفس لعقلية
نحير فناس والله تشوفوهم يسرقو فيكم وساكتين وتجو لهنا تشكو متعرفش تعرش وتسكنلهم تماك ؟؟ نتا تسكت انا نسكت. مالا خليهم يديرو رايهم
مع الاسف ماما كيفا يرجعولك بصح كاين حل شباب ، وكلي ربي عليهم هذا مكان
اطلبي تشوفي مسؤول مش اي عامل وخلاص قدمي شكوى عند المسؤول فهميه الوضع قولي هذي سرقة واذا ولات هكا نوصلها لمحكمة
اذا عندك فواتير راكي محمية قانونيا.
انا حتى هددتهم بشرطة وقلتلهم نكبرها ريقلاولي الامور.
ساعات العاملين يديرو رأيهم بدون علم الإدارة
رااهم كلاب صح💔
العامل جيبيهالو ملخر يانشوف المسؤول تاعك يانكبرها معاكم راكم تسرقو حقي ومنسكتش ، اذا مراة خشني هدرتك معاها باسكو كي تشوفك مدرتيش ردة فعل ياو تبقي عام وانتي ماشية جاية ماتديرلك والو .
قوليلها نهدر مع المسؤول مش معاك سينو نقدم شكوى لمصالح الأمن.
كي يحسو بالخوف يريقلولك الامور
عندكم هاتف ارضي ؟
خطرة على اتفاقية تع تخفيض ريحوها والخدامة محبتش تريقلني ومبعد كي رجعتلهم في نهار خلاف لقيت خدامة اخرى شغل حلبتني بلاما تحس يخي كي رحت للمدير نهدر معاه ريقلني ورجع الدمار في الخدامة لي حلبتني … راهم للأسف ميحبوش العاقل لازم تكون قبيح
فيها انترنت محددة استهلكتوها قبل الوقت نظن
الايام لي راحو غير انساوهم مي متخليهاش تتعاود انا بانتلي كي تروح عنده تشكي يليكيديوك و مايديروش عليك انا موالف منين تكون عندنا مشكل نعيط لرقم تعهم 12 نقولهم وش كاين وين البلاصة و هوما يعيطولهن يتفاهمو معاهم و ديما يجيو يجيو يريقلوها ف نفس اليوم .
قلبي متعلق بالهجرة وعقلي يبحث عن الحلول لها ….
الهجرة هي الحل … مؤسسات الهم …
كيفاه تروح adsl يروح كامل ولا تتقطع ؟!
سيي تتواصلي مع مصلحة حماية المستهلك تاع الولاية تاعكم ..ولا
أطلبي تقابلي مسؤول بويسك والله العمال هذوك هوما سباب هذا الفساد و البروقراطية لي صارية .. سيي تردي حقك منو صينون قوليلهم اذا مرجعتوليش الايام لي راحت راح نوصلها لوكيل الجمهورية ..
ماتسكتيش على حقك، هذا ظلم وسرقة
قولي لباباك يوصلها معاهم وان توصل بسك ام دراهم هذوك ليامات خالصين.
كون تسكتو يوكلوكم