السلام عليكم عندي استفسار لو سمحتو شحال سعر التذكرة من الجزائر لقطر ( الدوحة) ؟؟؟
انا والديا راحو للعمرة كانت مبرمجة رحلة مباشرة وعطاوهم سعر مباعد قالولهم زيدونا باسكو التذكرة زاد السعر تاعها وحنا فاهمين على اساس رحلة مباشرة الجزائر السعودية وفي اخر دقيقة كي عادو ماشيين قالولهم راح نديرو اسكال في قطر ونكملوها للسعودية بال bus ( الله لا تربحهم حسبي الله ونعم الوكيل فيهم) والله حابة نعرف برك التذكرة بقداه اسكو احتالو عليهم ولا اذاك هو قلبي راح يخرج واش راح يوفتلهم 20 ساعة فال bus وهما كبار ومراض العام لي فات راحو روعة 6 سوايع وصلو لجدة لا تمرميد لا والو والعام هذا الله المستعان وخلاه ربي يرجعهملي على خير ويتقبل منهم وشكرا وسامحوني علابالي هدرت ياسر
خاوتي اي واحد يروح للعمرة هو ولا والديه لازم عليه يطالب بالعقد , كل وكالات السفر عندهم عقد فيه كل التفاصيل تاريخ الرحلة و شركة الطيران و اسم الفندق ، هذا العقد اجباري من عند وزارة السياحة لكن احتيال وكالات السفر يعمروه سما سما هداهم الله و يبعثوه على أساس نسخة عند المعتمر و نسخة عندهم و هما فزوج عندهم
كاين سجل الاحتجاجات كذلك في كل وكالات السفر ، روح اكتب فيه لانه تقريبا كل شهرين أو ثلاثة أشهر تفوت لجنة من عند مديرية السياحة تقرا واش فيه ، ماتنساش تكتب رقمك
اكثر شيء مع الجوية الجزائرية 75000دج ذهاب وعودة رحلة مباشرة ….من قطر لمكة بزاااف عليهم وهما كبار
اول حاجة ديرها قدم شكوى لديوان الحج والعمرة و مديرية السياحة التابعة لولايتك . و هما يقولولك واش ديري و ما تسمحيش في حقك . هذو الوكالات حسبنا الله و نعم الوكيل فيهم يعرفو غي الدراهم يتاجرو بالناس الله يهديهم
من فضلك مع أي وكالة راحو؟
يودي مشاكل كبار راهي صايرة علا عمرة و مع وكالات حسبي الله و نعم الوكيل
كيما قال أول كومنتار كاين عقد تمدو لاجونص قليل لي يعرفلو بصح يمدوه كي تروح فواياج وماتلقاش واش دايرينلك فالعقد تقدر تشكي بيهم عند وزارة السياحة
أي وكالة؟ الوالدة ناوية تروح ورا رمضان باه ما تتكلحش فيها
من المفروض كاين عقد يمضو عليه فيه كل تفاصيل السفر
ربي معاهم والله يكبرو فاها الطريق من الدوحة لمكة يمشيو نهار و نص 1500 كلم وكلي ربي و خلاص
شكوى لمديرية السياحة و الصناعة التقليدية لولاية قالمة و هوما يتخذو اجراءاتهم. المدير تاع قالمة انسان خدام و حقاني
والله غير لاهبلت في الطريق بين الدوحة ومكة …13ساعة سير في السيارة فامابالك بالحافلة وفي رمضان ربي معاهم
تواصل مع هذا الشخص و اشرح له كل شيئ
في رمضان يسافرو بالحافلة 20 ساعة وهوما كبار في العمر مع جو الخليج السخون!!! 😨🤯 بصح كاين عقد بيناتهم نورمالمو فيه كل تفاصيل الرحلة قبلما يبدلو رايهم آخر دقيقة، اذا عندك نسخة منو تقدر تشكي بيهم خاصة اذا كانت الشكوى من عدة أطراف متضررة
ليق تشكو بوكالة هادذو راهم حاسبينها سايبة
هاد وكالات ليخدمو من تحت تحت
انا نضن انك تستفسر اولا لانه اعتقد فيه سوء تفاهم. الدوحة بعيدة جدا عن مكة و لازمهم فيزا تع قطر لكي يخرجو من المطار و يروحو في باص و اصلا الباص من الدوحة لمكة يكون اغلى من الطائرة. انا من رايي تتصل بالوكالة السياحية هنا في الجزائر و تستفسر.
Cette année serat khalota kbira fe 3omera et les agences deyawlna maya9n3och pck kan bezaf nas habet troh prb li sera kano taklin air Algérie et sou3odia yzidolhom les vols donc hakemo nass et kedebo 3lihom mabid ybano les vols jded hado il faut wahed yechki bihom je connais des gens raho 3foi l’aéroport après y9ololhom vol annulé rabi wkilhom
من قطر سعودية و الي مكة بظبط 1000 كلم راح تكون رحلة شاقة
اختي زيدي سقسي من ناحية القانونية يوصلوا لسعودية يشكوا بيهم و الوكالة هادي تتنحالها الرخصة
Abderrahmane Tamahachet
Madjid Benmerbi