السلام عليكم كعضو في هذه المجموعة و هناك الكثير من الاسئلة تطرح حول السفر للاستق

السلام عليكم كعضو في هذه المجموعة و هناك الكثير من الاسئلة تطرح حول السفر للاستقرار في بلدان الخليج و خاصة دبي و الامارات عامة كشخص سبق له العمل في دبي .
استطيع تقديم بعض النصائح للاخوة المهتمين بالسفر لدبي حسب ما اعلمه .
الخطوات الاولى و المعروفة الفيزا و التذكرة تلفيزا الكترونية و لا تحتاج اي ملف توجه لاي وكالة مضمونة نسخة عن جواز السفر يطلعولك فيزا و التذكرة كذلك اي وكالة توفرها (الاسعار الله اعلم تختلف من مدة لمدة) .

الان نتطرق بعد الوصول الى دبي من المستحسن تاخذ معاك الاورو . الاورو تجنبو صرافات المطار و صرفوه فالصرافات خارج المطار .
الكراء تقدر تكري غرفة مع اشخاص سرير يستقام 1000 درهم و كاين اقل و كاين اكثر (100 درهم = خمس ملايين دينار) المناطق الجيدة للكراء الرقة ديرة الاتحاد السومة اقل من مناطق اخرى و ارخس من Downtown طبعا و المناطق المذكورة قريبة من الميترو يساعدكم فالتنقل تجنبوا الطاكسي الا لضرورة لان سعره يكلف .
بالنسبة للاكل من المستحسن تاخذ معاك حقيبة للملابس و حقيبة تاخذ فيها مستلزمات الطبخ (الكسكس . سميد . قهوة. زيت زيتون حسب الرغبة)
و من المستحسن تطبخ فالمنزل مينداك فحفح روحك بماكدونالدز و كينتاكي ماشي كل يوم طبعا 🤷🏼‍♂️
تجنبو المصروف الزائد و التخيلات تاع نطلع برج خليفة ندير سالفي و و و راك رايح تحوس خدمة القى خدمة امبعد البقية يجي وقتها الابراج ما راحش تهرب .
الان لاصحاب الشهادات من الافضل تعمل ترجمة لكل شهاداتك للغة الانجليزية و تصادق عليها فوزارة الخارجية هنا داخل الوطن و تصادق عليها فسفارة الامارات بالجزائر و تاخذها معاك .
الملابس الكلاسيك ضرورية و اجبارية لان العمل في دبي يتطلب لباس كلاسيك السراويل الممزقة لا تقبل في العمل .
اما CV باللغة الانجليزية اجباري مع الصورة ملون .
طريقة البحث عن عمل تتطلب التوجه للشركات و وضع السيرة الذاتية او ترسل السيرة الاتية للشركات عبر الايمايل .
و هناك الطريقة اخرى تعرف GCC SERVICES تمد السيرة الذاتية لشخص عندو كل ايمايلات لكل الشركات و تخلصو 150 درهم او 200 درهم يرسلك السيرة الاتية تاعك للالاف من الشركات و يتصلو بيك المهتمين .
جميع الشركات في دبي تطلب اللغة الانجليزية خاصة الشركات الكبرى و الفنادق و المحلات لان كل التعاملات تتم باللغة الانجليزية.
الان نتوجهو للاشخاص لي يقولك نخدمك و نتا تخلص الاقامة ولا نطلعك تخدم مدلي 40 مليون نجيبلك اقامة (الاقامة مستحيل تخرج منا من الجزائر لازملك فحص طبي ديرو في دبي ) اخطييكم منو نصب و احتيال لان الشركة لي تخدمك توفرك الاقامة و الضمان .
كاين ناس قلائل مضمونين قبل ما تتعاملو معاهم سقسو الجالية ااذذا مضمون .
و عروض العمل الاغلبية يفضلو الانسان المتواجد داخل الامارات على من يتواجد في وطنه لان المقابلة تتم وجها لوجه و باللغة الانجليزية.
و يوم المقابلة اللباس يكون من المستحسن كلاسيك .
و فالاخير تجنبوا المخالطة مع الناس الفاشلة و تجنبوا الناس لي تقولك ماشي بلاد هادي و ما فيهاش خدمة .
و المدة الزمنية باش تلقى خدمة كل واحد كيفاش كاين في شهرو و كاين لي في اشهر ما يلقاش لكن لي حب ينجح و حب يلحق يصبر يتمرمد شوية و يفتحها ربي .
ارض ربي واسعة و لي يرزقك فالجزائر يرزقك في دبي و اي مكان اخر الصبر الصلاة و ربي يفتح على كل واحد و يلحق وين راهو حاب .
النقطة الاهم في كل هذا اللغة الانجليزية من لا يتقن الانجليزية راح يتمرمد
اي سؤال فالتعاليق ان شاء الله نجاوبكم كامل .
#1001_help