🔴 السلام عليكم … كما وعدتكم جماعة لي مجبتش البكالوريا
شو نعطيكم معاهد لي نعرفها عندها مستوى و كي تتخرج عندك فرصة كبيرة تخدم بشهادة تعها :
⏮ معاهد السياحة :
1 – شو عندك معهد السياحة تع (بوسعادة، و تيزي وزو ) هذم ديبلومهم مليح بزااف و فيهم اقامة .
2 – معهد السياحة تع (فلفلة سكيكدة ) كيف كيف معهد مليح و منظم و فيه اقامة .. بصح انا نفضل تع بوسعادة و تيزي وزو خير .
3 – كاين معاهد في ولايات اخرى مثل بومرداس.. بشار.. الطارف … الخ( معلبليش اذا كاين اقامة او لا ) لكن انا شخصيا نفضل (بوسعادة و تيزي و فلفلة )
هذم باش نقدر نعونكم في تخصص السياحة
⏪ معاهد اخرى نفضلها خارج السياحة :
1 – معهد السمعي و البصري المتواجد بولاد فايت (العاصمة ) نعرف بزاااف قراو لتما و رام خدمين في التلفزة و الاذاعة
2 – معهد القبة منعرفوش بصح عندي معلومات بلي فيه
تخصاصات ملاح خاصة فيما يخص اشغال البناء
3 – معد الاكتروميكانيك المتواجد بالحراش فيه تخصصات بزاااف ملاح .
⏪ معاهد الشبه طبي سواء العمومية او الخاصة و الافضل العمومية لان تتخرج من نخدم من
🔴 لي يعرف معاهد اخرى ميبخلش بيها خاوتو
🔴 شو شخصيا انا كملت ماستر 2 بصح رني نخمم نزيد نعاود نقرى في معهد من المعاهد لي عطيتهالكم
بالتوفيق للجميع ….
لفي تصاور قاع قدم يعني ممكن هاذو التخصصات هذا العام مكانش ؟؟
شو يعطيك الصحة على محاولة مساعدتهم… ربي يوفقهم ويوفقكم
تاع بومرداس فيه اقامة
تاع بومرداس بزاف مليح وفيه اقامة نتاع طارف اوسي فيه اقامة
معهد الطارف فيه اقامة..
Son Gül شوفي اذا حيدر يقرا في واحد فيهم..
متعرفش تاع وهران؟
باطل ولا تخلص !!
معهد ديدوش مراد عنابة مليح قريت فيه و فيه تخصصات تقنية مليحة و إقامة للبعاد
ننصح خاوتي الي حابين يروحو لمجال التبريد وصيانة هذا النوع من الأجهزة كاين معهد فبئر مراد رايس تقدرو تسجلو فيه
بالنسبة لخاوتنا المهتمين بالتصميم الجرافيكي نفس الشيء كاين معهد آخر تماك مدة التكوين عامين ونصف الشهادة المتحصل عليها تقني سامي
نصيحة فيما يخص السياحة لازم تخير التخصص لي يناسب البروفيل تاعك باه تقدر تلقى خدمة
ديرو حلويات وروحو للخليج فيها
يا اخي تع ولاد فايت لازملك عرف باش تدخل