السلام عليكم
للناس اللي موالفين يخيمو،حنا مجموعة شباب حابين نخيمو فجيجل ولا سكيكدة ولا اي ولاية شرقية لمدة اسبوع تقريبا،وهاذي راح تكون اول تجربة لينا،حبينا نسقسيو على الشواطئ لي نقدرو نخيمو فيهم ومنلقاوش مشاكل ويكون الوصول ليهم سهل خصوصا انو مراحش نروحو بالسيارة،ثاني الادوات الاساسية لي نحتاجوهم فالتخييم باش مننساوهمش،المناطق لي نزوروهم…الخ
🔴 لي خيم من قبل فالشرق يفيدنا بتجربتو وواش هوما الاماكن لي نقدرو نروحولهم ونزوروهم،كذلك الاخطاء لي نتفاداوهم باش تكون الرحلة مليحة وكاش نصائح وبارك الله فيكم
#1001مغامرات
#1001_help
#1001_tourism
ماش وقتها مع النار لي راها دور فالجهة هذيك
حاليا فك عليك خويا
هاك تشوف في الحالة كيفاه
ربي يفرج عليهم خاوتنا
تحرقت الكل مكانش ويين تخيموا
أنت ماكش عايش معانا ولا ؟! الله المستعان
سكيكدة بين منطقة القل و جيجل من اروع المناطق عندك من بني سعيد لقبيبة تمنارت بولحجار افنسو عين السدمة قنواع الزمامرية تيزغبان خرايف وكاين لي منعرفهمش لاكن الآن مع الحرائق غير ماتغامرش الحالة ماراهيش مليحة ربي يستر
ياولدي البلد تحرقت وانت تقول تخيم ربي يهديكم
يا جماعة باين منشور قديم و فات ذرك و حتى كان جديد خلو برك ناس تعرفو غير توكلو بعضاكم
روح عاون خاوتك راهم يتحرقو وأنت راك تحوس تخيم ولا ماراكش معني ربي يهديك
اولا تخييم الغابة ممنوع زيد الحرائق في كل بلاصة وين تخيم وين 🙄
حوس مع الدقس – DuksTv89 Tourism Dz ادخل هنا
بمانو اول مرة شوفو كاش حد من المنطقة يكون ڨيد معاكم يسهل عليكم بزاف صوالح وتفاهمو معاه علا مكتوب
ماش وقتها نار اي في مل بلاصة و سيرتوا بلايص هاذوك
ننصحك ما تخيم ماوالو اي واحد يحكموه درك فالغابة راح فيها ما ننصحكش تخمم بكل تروح
اصبرو اشوي اخاوتي دنيا تتحرڨ فوتو اليامات هادي و روحو
أغلب التعليقات السلبية والتي تدعو صاحب المنشور إلى المشاركة في إطفاء الحرائق ؛
أليس من المفروض أن لا يتوفر لديكم الوقت لقراءة هذا المنشور والرد عليه لإنشغالكم في إطفاء الحرائق !! AlaEddine Ath الرد على الحمقى يغذي تفاهتهم …
اخي غير كما خيم في واد دار الواد بجيجل لاول مرة هما خمسة و بقاو أربعة ايام عجبهوم الحال و الحمد لله ماتلاقاوش مشاكل
خصك طيارة وشورت اصفر
ياو النار راهي مخيمة
ريح في دارك دنيا ماكلة بعضاها بالحرائق الوقت ادا
الوقت هذا ميسمحش
نصيحة من عندي عن تجربة و انا انسان نخيم في بزاااف مناطق
جيجل ولايتي ننصحك بشاطىء بني بلعيد الذهاب إليه ساهل تنزل في بلغيموز و تحكم كار صغيرة توصلك حتى شاطىء و من نتم تروحو في قوارب النزهة لرميلية ولا ساحل ولا عطاف 1 و 2 و من نتم تاني كي تخلص تخييم تقدر دير زيارة نحو جيجل غرب زيامة منصورية واد دار الواد…..
سكيكدة عندك تخييم في كاب دو فار أو مرسى زيتون أو واد بيبي …..الخ
أدوات تخييم أساسية خيمة مصباح طورش ليل طابي ايزولون ماطلة أدوات مطبخ ريشو و أواني للأكل ساكود 50 لتر ترفد فيه كلش عصا روندوني كرسي ديكاتلون….
ماتكثرش غاشي بزاااف روحو في شوية على اقل 5 عيباد و تكون مفاهمة في كلش واحد يقضي واحد يطيب واحد ينقي مكان تخييم ….الخ
ادي معاك بزاف ساشيات … وبعدما ما تكون مروح نظف وين خيمت 🙄
المكان الذي تذهب اليه دعه كما كان او افضل مما كان عليه 😌😌
ارواح عندنا جيجل والله تخيم غاية والو ميقيسك جيب معاك كوفيرطة برد يقطع فالليل 😂😂
وش تخيم تحرق كلش
واعرة شوية ✅بلا طكسي 💔