السلام عليكم
لمهم المهتمين بالسياحة الداخلية في الجزائر (المثقفين والمريدين )
لمهم اليوم حبيت نحكيلكم على الولاية رقم 24 -قالمة- الاسم القديم #كالاما وتعني الينابيع الساخنة تبعد عن العاصمة ب 520 كلم
قالمة ولاية لها عدد من الحدود مع الولايات في الشرق الجزائري وهم عنابة سكيكدة سوق اهراس قسنطينة ام البواقي
لمهم ولاية قالمة فيها ما يجعلها قبلة سياحية بامتياز وننصحكم بيها في وقت الخريف والربيع
اهم المعالم السياحية فيها :
– حمام ذباغ بتسميته الادارية اما التسمية الشعبية هي حمام المسخوطين ولها قصة كبيرة ساحكيها لكم لاحقا ، تحتوي على اسخن شلال طبيعي في الجزائر درجة حرارته 96°
-شلالات حمام النبائل وهي روعة طبيعية مكونة من ازيد من اربع شلالات طبيعية
-آثار تيبيليس بسلاوة عنونة والمقابر الميقاليثية بالركنية
-المسرح الروماني بقالمة مركز
كذلك تعتبر قالمة ولاية تاريخية بامتياز فهي تمتلك ارث تاريخي ثوري كبير واهمها : فرن الجير الذي احر.ق فيه شهداء 8 ماي 1945 ، كذلك حطام طائرة جون بيار الذي اسقطها القائد خليفة ختلة وكتيبته
كذلك المهتمين بالتراث قالمة تمتلك التمثال الوحيد للملاك الطائر وهو حاليا ببلدية وادي الزناتي ويلقب بخطاف لعرايس
قالمة كذلك لها ارث فتي كبير في شتى المجالات واهم هذا الفن : فن المالوف والعيساوية و القصبة و قالمة لها كثير من الفنانيين في شتى مجال ذكرته
لمهم ننصحكم بزيارة قالمة لي اهلها يحبوا السائح و يعيش معاهم كانه في ولايته
#حوس_بلادك
#welcome_to_algeria ❤❤
اضافة فقط المسرح الروماني الدخلة ليه ببطاقة الفاكسان تع كورونا 😒
مع مناظر طبيعية خلابة في الربيع
Medini Sami وجدي شربة فريك والشخشوخة
انا بنت قالمة بصح خطاف العرايس جامي سمعت بيه ؟
واش حكايتو
درك نقوللكم بالتفاصيل على الحاجتين المبهمتين
اولا حمام المسخوطين وعلاه تسما هكذا
يحكيو بلي قديما كان هناك ملك مزواج فتزوج من كل نساء المنطقة وتبقيت سوى اخته ، بعد ما كمل وتزوج كامل النساء جاء الدور على اخته ، يوم العرس سخطهم ربي كامل في منطقة في حمام مسخوطين اسمها لليوم العرايس ومزال لدرك كاين ترسبات صخرية تشبه للعرايس
وهاذي صورة ليهم
Wilayti thbl surtt f rbi3 😍😍
وعلى خطاف لعرايس او ايلوا او تمثال اخت الملائكة قصته مستوحات من قصيدة اخت الملائكة eloa
وهي تحكي على ايلوا الذي عشق ايزوس وتزوجها نكاية في آلهتهم آن ذلك
نحته جوزيف ميشال بين 1814 و 1873
يوجد نسختين في العالم فقط
واحدة في الجزائر -قالمة_وادي الزناتي تحديدا _- والثاني هناك من يقول في ايطاليا وهناك من يقول في تركيا
لكن للاسف السلطات مهمش مادين اهمية لهذا النحت لي يقدر يجيب بزاف دراهم وهاذي صورة ليه
قالمة هايلا بصح متليقش فالصيف مليحة فالربيع و الشتاء ، فيها بزاف حمامات و مناظر طبيعية و اثار .
وهناك ثاني لي يقول بلي حمام المسخوطين هو اختصار للمسك والطين لانهم يستعملون المسك والطين للعلاج من الامراض الجلدية والمفاصل
وحمام ذباغ كذلك فيها منطقة رائعة اسمها بئر بن عصمان ، منطقة جاية تحت الارض والخرجة تاعها لحد الساعة مجهولة هناك من يقول انها تخرج للقالة وهناك من يقول انها تخرج للمصرى بسكيكدة
لمهم المستكشفين اقصى مسافة قدروا يمشيو فيها هي 10 كلم فقط
الحمام يخدم دوركا ولا عنده وقت معين؟
وواش خدمات لوخرين لي فيه!
Sabrina Manseur كي نجي اديني نحوس
راك نسيت معلمين مهمين غار جماعة والمقابر المغاليثية بين حمام مسكوتين وبلدية الركنية وبالتوفيق
لي عندو وكالة سياحية يعلق ، و يحط التفاصيل ( لي يحب يجي شحال التكلفة تع المشاوير للاماكن هذوما + الفنادق )