السلام عليكم ليكيب
رايح نتكلم في موضوع علابالي بالمسبق كاين لي ما يعجبهم الحال .
تجربة صراتلي لحقت مطار هواري بومدين قلت نحكم ياسير و نروح ، دخلت للتطبيق راني نحوس كانوا كاينين خيرت زعما لي عندوا تنقيط مليح و الأراء مليحة باه ما يكسرلي راسي فالطريق .
جاء لحق السلام عليكم السلام تفضل ركبت و قلعنا كي جينا خارجين من المطار قالي خويا معليش حاجة قتلوا تفضل ؟
قالي معليش نلغي لاكوموند ؟ قتلوا كيفاه ما توصلني !!
قالي لا لا نلغيها فالتطبيق و نتا ثاني ألغيها و نوصلك عادي ، قاعد نخمم مع روحي ، قتلوا خويا لعزيز انا هاذا وين وصلت و راني درت توصيل مع فلان نتا لا قدر الله و درنا حادث مكاش حتى إثبات بلي كنت راكب معاك صح أم لا ؟
علابالك دهش و سكت قتلوا خويا أنا طلبت توصيل نتا قبلت حبيت توصلني اتكل على الله ما حبيت حطني ما نلغي والو .
الناس تشوفها ربما لعبة أو حاجة عادي لا لا خويا نتا قبلت تخدم توصيل مكاش لي سيف عليك عندك الحق الرفض أيضا ، لكن ما تسيف عليا والو نتا تقدم خدمة أو أنا نقدم المال سكت سكت قالي نتكلوا على الله .
و في العودة ثاني صرالي نفس المشكل ، العبرة هاذ الأمور ماشي لعب أمور جدية للأسف مكاش الإحتراف فالعمل .
يبقى رأيي الشخصي بدون تجريح لأي واحد شكرا .
باش ماتديش معاه ياسير شعب يحب ياكل باطل
7atta ana sratli,w reponditlo presque kifkif,gotlo Ida t7eb nahbet normal,galli non
صراتلي من قبل في ثلاث ولايات أخرى مع الاسف
مايعجبهمش الحال كي تحكي هكا!
يا خويا حاب تسرق أسرق وين ما نشوفكش علاه حتى نزيد نشارك معاك
وانا ليا في تكبيق دايرين سعر وكي جا عندي بغا يزيد عليا
صراتلي خطرا مفهمتش علاش بلعطني بحكاية تع فوريار وممنوع وكذا من هيه حتى عرفت بالي افار طمع تع عمولة وليت نكتب تعليق ديراكت لي يدير عقلية هذي نكتب نقول او يلغي ويوصلك
الله يهديهم، زعمة الزوج دورو لي يدخلهم حرام راح يغنيوه😕
وهنا تعرف قيمة واحد يخدم قانون كسائق الأجرة مثلا تروح هاني برقمو فالباب ومؤمن على طول الطريق وأما التطبيقات على شاكلة الكلونديستان فتحمل العواقب وربي يستر
يودي تلغيها ولا تخليها تطبيق ياسر غير مرخص هو عبارة تطبيق نقل السلع ماشي الاشخاص هو احتيال على صاحب سيارة و زبون مكلها تحط روحك محمي
زعمى بغى يخونك ؟
الحاجة لي كرهتها في بعض السائقين ، هيا النظافة يا خويا نقي سيارتك ، نحي ريحة تاع دخان ، و لكن الحمد لله طحت في غاشي ياسير الله يبارك قاريين ، واعيين ، مربيين و نقيين و لكن خطرة علي خطرة طيحة في واحد تكره تركب معاه
يسير سبحان الله فيها ناس ماشاء الله عسل و فيها ناس يا لاطيف مافيهش الوسط يا ملاح يا ماشي ملاح راهم حاسبين ناس مزالوا مبلعين كيما بكري
حبيت نسقسي حاجة برك
كيفاه خيرت الشوفار لي مليح حسب التنقيط و اراء مليحة؟؟؟
صراتلنا من سطيف لمطار قسنطينة كي وصلنا زوج دقايق عاود عيط لراجلي وقالو دير انيلي لاكورس
لوكان ماشي التطبيق انت متعرفوش كامل ومراحش يجيب هذاك الكم من الزبائن.. المفروض الناس تتوعى ومكاش لي يقبل الشي هذا حتى يولي هما يحشمو على رواحهم.
صراتلي من خروبة لشراڤة، قالي كنت قادر نانولي و متفيقيش، قتلو راهي حرام لأنو انا كزبونة راني جيتك عن طريق التطبيق ،
فالعاصمة بالأخص، يديرلك تحقيق قبل ما يجيك،
في قداه نتوما وين رايحين واش هازين قداه جات لاكورس تحقيق طويل عريض
دراهم الحرام الله يعافينا … الناس ولات تسرق عيني عينك
السؤال المطروح علاه يلغي طلب التوصيل …وهو قالك راح نوصلك واش يستفاد زعما !!! باش يسيير ما يديش معاه النسبة ؟؟
شغل بغى يذخلها حيلة باش يدي حق لكورسة ليه كومبلي
يعني يخدم حلال بصح باغي يحرم دراهمه بسيف ربي يهدينا
كون كي وصلك عيطت ل يسير و شكيت
جابلي ربي هده التطبيقات ماشي مسموحة في المطار، ،انا خطرة حكمت واحد ولكن مالغيت والو ،لكن قالي ماشي مسموح من داخل المطار
mm hna f paris tarkeb m3ah talgah 3arebi igolk ndiro haja f chebab annuler ou na9asslek 5 ou 10 euros, ou f trig tsma3 portable nta3o adhan , igolk lazem nchouf kach majsed 9rib bach matfotnich salat l asser . chitan idokh fihom
هو يحزس يوصلك بلا مايعطي نسبة من مبلغ التوصيل لتطبيق
يعني تطبيق يحط فيه نيميرو باش يجيب زبائن مي حاب يربح وحده
باش ميسلكش ياسير و يحط كلش فالجيب،اشكي بيه أتعلمو ثقافة التبليغ غاشي اوكل ساكت على حقو اكتب ايمايل فيه اسمو و ماتريكيل تاعو و احكي كامل وش صرى دك يريبيوه شعب مارق من عند ربي …
صرتلنا مرتين و هذا المرة الاخيرة و بزاف ما حبوش يدونا الا اذا لغينا التطبيق بالكاد واحد نزيه وافق على التوصيل
انا ندير ياسير بصح جامي شفت التنقيط كيفاش الطريقة ل تعرفو بها التنقيط؟
أصلا ياسير غير معترف بها في الجزائر
خويا اشكي عند يسير باش يترباو حتى انا موالفين يديروها و نقول لا
نت تبالي من عمال تطبيق ياسير هذا مكان
شعب يحب يزيد عليها و فرات خويا يخدم مع يسير و يخدم كلش بروفيسيونال كيما تقولو جا نهار ركب واحد كي جا هابط خطفلو بورتابل يدو قريب راحت كي راح عند ياسير قالولو ماعندنا مانديرولك و لابوليس قالولو ماتبعش لحكاية قادر تولي نتا لغالط علاه مركبو واش داك لبلاصة هاديك
غلبة فالبلدة 🇩🇿
دارهالي أنا واحد في هيتش بصح حتى وصلني للمكان اللي كنت رايح ليه
صراتلي نفس الحكاية وللمطار أيضا انا خلعني كي قالي هكاك، مي انا زدتلو الدراهم
عادو تاع يسير ما يسواوش لا ظرافة وزيد السقاطة وكثرة الهدرة والشكوى