السلام عليكم
لي عندهم تجربة و ذهبوا إلى تونس عبر الطريق البري
كي توصل إلى عنابة ثم ماذا أفعل لكي ادخل إلى تونس ؟
Posted in Uncategorized
السلام عليكم
لي عندهم تجربة و ذهبوا إلى تونس عبر الطريق البري
كي توصل إلى عنابة ثم ماذا أفعل لكي ادخل إلى تونس ؟
تدخل لتونس. 🤷♂️
توصل لعنابة تركب للقالة توصل للمحطة تاع القالة تلقا طاكسيات المعبر الحدودي تركب يحطك ثماك تدير اجراءات العبور وتفوت لتونس
ياجماعة متنساوش حاجة راه اذا طلع تاست بوزيتيف كورونا وانت راجع من تونس حط في بالك يحجرولك 10 ايام تولي في تكلفة وحدوخرا مممكن نسيتوها
في عنابة تلقا فرود يوصلوك لتونس العاصمة
نصيحة ليك باش توفر عناء الهبوط و الركوب من مكان لآخر ، احكم طاكسي من عنابة ( قدام محطة القطار) سقسي سح على السومة نورمالمو 250 ألف ، تركب من عنابة تهبط في قلب تونس العاصمة و إذا حابها تسقاملك أقل نعتلك طريق من جهة سوق اهراس
قبل متلحق للحدود عمر ليسونس بلا واذا مدي معاك اورو برك صرف في خدود دينار تونسي باه مطيحش اونبان في طريق كشم تسحق وتسلك حق طريق لوطروط تاعهم تفوت مفيها والو امر عادي جدا كلي راك في دزاير وروحت ولاية اخرى
أرواح لقسنطينة في صحراوي تلقى طاكسيات بالبلاصة يدوك لتونس العاصمة
واش داك لعنابة كي تلحق لذرعان تبع بلاك تقول الطارف كمل ديركت راك في تونس
اخطيك والله راهم يحقرو في كولش اخطيك وصايي
اذا بسيارتك ..مع نهاية الطريق السيار تكمل للطارف القالة ..طول من ذرعان طارف ماتروحش لعنابة واذا بالنقل…من محطة عنابة تركب للقالة ومن قالة تروح للحدود
قلنا باه نفهموك رايح بسيارتك ولا في الفرود
غير ما تتقلقش باش تروح ، الدعوة مزال ما بانت مليح
توصل عنابة تلقى طاكسي ديراكت العاصمة تونس ولا تروح القالة تلقى
اولا مليح يكون عندك كارت فاكسان اقل من 9 اشهر
اذا مكانش لازملك pcr 48 h ولا test antigénique 24 h
تلحق عنابة كاين طاكسيات يدو ب 3000 دج ( كانت 2000 دج ) بحكم كيتونس ولا 1000 دج
راهم يحسبو فالتاست بزوج ملاين
اذا بسيارتك الخاصة مش لازم تدخل لعنابة
احكم طريق الطارف زمن تم لبلاصة واسمها الصوارخ ماتنساش تعمر لبلان تاع المازوت لتم وكمل طريقك للحدود
غير تكمل من طريق السريع احكم طريق الذرعان تبع البلايك مكتوبين تونس