السلام عليكم
مكنتش راح نستفسر على هاد الاشكال بصح قلت ممكن الواحد ياخد منها عبرة خصوصا اننا في عصر الرقمنة
صرالي عطب في الثلاجة بحكم منقدرش نديها عند المصلح قررت نبحث في صفحات الفايسبوك على شخص يقدر يتنقل باش يصلحها.
اتصلت بشخص جاء و قعد معاها حوالي 10 دقائق قالي خلاص بدلتلها واش كان فيها عطب بصح متشغليهاش اليوم حتى لغدا بحكم مالت الثلاجة و تحرك الغاز الي فيها و سعر الي ستاقملي 9000 دينار و خلصتو
غدوا منداك شعلتها ما مشاتش بالعكس خرجت منها رائحة حريق و انفصل عداد الكهرباء
بعدها عيطتلو بعد شحال من اتصال باش جاوب واش قالي انا الي عليا درتو الله غالب
ايها المواطن الجزائري لو صراتلك واش دير
Posted in Tech
صراحة انا كي يصرا عطب في أجهزة كهرومنزلية ديراكت لابوبال سيرتو كي يكونوا قدم بزاف .
لكن حنا الحمد لله عندنا خويا ميتي تاعو يعني كي تفسد حاجة كان ينصحنا اذا تتخدم وتفسد هو يابعد مايخدمهاش يصارحك مع لول
ربي يعوضك الاخت
عندما يغيب دور الرجل في المحيط العائلي صعيبة شويا ..بما ان تصبح المرأة فريسة سهلة للكثير من الأمور ..دور الرجل في البيت اساسي
Allaoua Chohra متا يغاس يفرجدار ؟
المجال هذا ماراهوش مضبوط بقانون يحمي الأطراف المتعاملة لهذا كثر فيه الخدع
كون مايمشيهش قدامي فرنك ما يديهش
ادعي عليه و وكلي ربي
غدوة يسلكها متهنية
شافك ولية حڨرك والله اعلم هذا واش استنتجت من تعليقك
متخلصش حتى تمشي اخي القانون معروف
هو حقك مستحيل يضيع 9000 راحت فالدنيا مي تلقايها فلاخرة … كاين ناس كيما هكا… ولازم يكونو … هكا ولاكتر
مع احترامي ليك مي مش هاد درجة دايرة لامان و ثقة و تعطيلو 900 الف هكا بكل سهولة ..على كل حال ضربة لي ماتوجع تعلمك توصي ل جايا مكاش لامان
يصرفهم دوا متخافيش🫶🤌
و خطرة اخرى قبل متمدي صواردك على أي حاجة سواء شريتي و لا خدمتي جربيها قدام لبنادم هداك
شيء مؤسف و الله تنخلع يروحو للحرام برجليهم
المهم ديتي درس اختي بلي مكاش لامان يمشيها قدامك مرة القادمة
و الصحة اولى و ان هذا ما راه يربح حتى حاجة لا فدنيا لا فالاخرة
الله يعوضك الأخت ، دوكا أنساي وشوفي واحد ثقة يجي يريڨلها
9000دج وش خدملك انا نعودو ومنيش نخلص كيما هاك
الله يعوضك ، بصح كون استعملتي شويا عقلك ، مديلو سومة صغيرة و اطلبي منو يرجع غدوا و هو يشعلو ، اذا مشا كمليلو الباقي و اذا مامشاش مايدي والو