السلام عليكم ورحمة الله
ليوم حبيت نحكي على منتوج شريتو وراني جربتو لمدة شهرين تقريبا ..ولي هو سماعات
Anker soundcore q30
أولا الشراء كان من إلى اكسبرس في مدة تخفيضات بحوالي 51اورو دوك تصيبوهم مبين 60و 70 اورو
ومدة توصيل كانت 36يوم وشحن مجاني لكن المتابعة كانت سيئة ومتعرفش طرد تاعك وش ملبلاد هايم مع تالي عيطولي fedex وصلوهولي حتى للخدمة ..
علبة المنتوج وصلت معفجة ومضروبة وتغليف سيئ
المنتج سليم 100% لانو جاي فكايس لداخل جيدة نوعا ما ..
أما عن المنتج فالسماعات تعتبر افضل سماعات تمدلك قيمة مقابل السعر حسب الخبراء والتقنيين .. فالفئة تعها مكاش منافس .
نقاء الصوت يقعد مليح حتى وتزيد صوت للطرف ..
فيها خاصية anc. او إلغاء الضوضاء وفيها ثلث أنماط . في الخارج .في المنزل ، ونمط السفر والمواصلات ..
ربما فهاد الخاصية مجربتش بزاف سماعات مي مراهيش كما تع Sony mx1000 m3 لكنها فنفس الوقت متقلش عليها بزاف خاصة كي دير مقارنة فالسعر لفرق لي يلحق ل400اورو ..
كي طلع تطبيق soundcore ولي يتعرف عالسماعة راح تنجم تبدل بزاف فالاعدادات حسب ذوقك ونصيب بزاف أنماط وتنجم حتى نتا تكريي نمط ديالك ولي يخرج عليك …
السماعات من البلستيك بشكل كامل لكن نوعية جيدة جدا
السماعات خفيفة ويمكن ارتداؤها لمدة طويلة بكل أريحية…
بالمختصر سماعات ملاح بزاف ومندمتش عليهم ..
Sofiane Btl
نسيت مكتبتهاش الباتري تاعو مليحة بزاف بزاف وهي افضل ميزة تلحق ل40ساعة بدون anc و25ساعة بيه
وفيه خاصية nfc للاقتران السريع
أنا نشارجيه من خطرة لزوج خطرات فسمانة ونطفيه ليل برك
#1001tech
