السلام عليكم ورحمة الله وبركاته
الزوج الكريم قالي هاد المرة إن شاء الله كي يدخلوا دراري يقراو نروحوا كاش بلاصة نجوزوا يامات، وبحكم هادي أول مرة نخرج نحوس (كمسؤولة وربة بيت) عندي بعض الأسئلة الله ينوركم جاوبوني بلي تقدروا عليه:
🏵️ اسكو مليحة في سبتمبر؟ راني خايفة يدور الحال ومانـvـاكونسيش مليح
🏵️ واش تقترحوا علينا مناطق ساحلية، فيها مناظر طبيعية وتكون محترمة؟ جيجل مثلا مليحة؟
🏵️ شحال لازم ميزانية تاع أسبوع تقريبا؟ (أنا وراجلي وبيبي وعجوزتي)
🏵️ نشفى كنت صغيرة كنت نروح عطلة مع ختي لمدينة ساحلية في الشرق الجزائري، ناس دارها عندهم فيلا تماك، حنا كنا نقعدوا في الطابق العلوي، والطابق السفلي كانوا يكريوه للي يجو من ولايات أخرى، اسكو نلقاو لي يديروا هكا؟ يعني لي يسكنوا فالدار هوما يكريوها.
وادا مكاش قولولي على أماكن هكا للكراء ومتوفرة على متطلبات الحياة، مدابيا تكون فيها كوزينة باش نطيبوا (مانفضلش الأكل تاع برا يوميا)
إن شاء الله تكونوا فهمتوني وسمحولي على الإطالة، بارك الله فيكم
#1001_help
#1001_سياحة
..
شوفي Aym En
لفتة جيدة منك انك ديتو يماه معاكم وهذا من حسن تربيتك و سعة صدرك، ثانيا ، سبتمبر سخون و انا غالبا عطلتي مع العائلة تكون في شهر 9 , ثالثااسبوع في الجزائر مكلف شوية اذا راح تكرو و توكلو برا و خاصة اذا ما عندكمش وسيلة نقل ، تبقى جيجل ، سكيكدة وجهات عائلية بامتياز و اكيد تلقو سكنات للكرا و تكون في جوايه 300,400 الف لليوم .
عنابة + القالة