السلام عليكم ورحمة الله وبركاته عندي الكونيكسيون في الويفي ضعيفة بزاف وشبه معدومة بصح في الخيط لما نجرب بالكمبيوتر عادي

السلام عليكم ورحمة الله وبركاته
عندي الكونيكسيون في الويفي ضعيفة بزاف وشبه معدومة بصح في الخيط لما نجرب بالكمبيوتر عادي 15 m/bts تحير ال debit حابط بصح intensité تاع signale طالع يعني الويفي كاين ڨاع لي بار بصح الانترنت ضعيفىة بزاف…
عيطت AT جاو شافوا لخيوطا شانتاوهم عاودوهم بصح نفس المشكل حتى التقني حار من هذه الوضعية يعني الخيط طالع و الويفي هابط …
حاولت بدلت المودام بواحد جديد 2017 زدت ديرت ربعة repeater wifi بدلت كلمة السر في المودام او في تاع الوفي او تاني غيرت الاعدادات في المودام مكاش محبش !!!
درت تثبيت و تحديث للمودام القديم وجديد لا شيء
بدلت قناة الاتصال تاع الوايفاي برقم مغاير وغير مشترك مع الجيران دائما نفس المشكل
قلت ربما الكهرباء مظطربة سونلغاز قالولي محال جربت stabilisateur de voltage rien …
الشيء الوحيد لي شكيت فيه بصح قلت مستحيل هو وقيلا تشويش عبر جهاز محظور من شخص ما او من الجيران
هاذي هيا الي راني شاك فيها …
الي جاز بهذا المشكل او عندوا نفس الأشكال يشارك تجربتوا او يعطينا حل او بداية فهم لهذه الشيء الغريب الي راه يحصل عندي …
#wifi #probleme #internet #1001_tech