السلام عليكم ورحمة الله وبركاته جربت pyypl و حبيت نذكر الإيجابيات و السلبيات باش لي يحب يديرها يعرف و لو القليل ( حسب

السلام عليكم ورحمة الله وبركاته

جربت pyypl و حبيت نذكر الإيجابيات و السلبيات باش لي يحب يديرها يعرف و لو القليل ( حسب تجربتي )

السلبيات :

– لما جيت نفتح الحساب فتحتو بشكل عادي، ثم لما جيت ناكد الهوية للحصول على بطاقة…. هناك حصل مشكل، كلما صورت بطاقة التعريف يتم رفضها هي و السيلفي أكثر من 20 محاولة رفضت….و بعد عدة محاولات تفاجأت بحظر حسابي ( ربما بسبب المحاولات العديدة ) و كي سقسيت لقيت ان تقريبا واحد ما صراتلو هكا يعني ما علاباليش اصلا واش لازم ندير 🤦🏻

هذا كان الأمر السلبي الوحيد لحد الآن

الإيجابيات :

– بعدما تم حظر حسابي تواصلت مع الدعم من داخل التطبيق… و تم الرد عليا من طرف بوت لحين توفير انسان يكلمني…. و لما توفر واحد من خدمة العملاء تكلم معي و ساعدني و الشيئ لي عجبني انه قام هو شخصيا بمراجعة حسابي و لما ما لقاش فيه خرق للقوانين قالي ابقى معي سوف اقوم شخصيا بتوثيق حسابك…. و الحقيقة قام بذلك في ضرف 5 دقايق ( خدمة العملاء اقيمها ب 9/10)

– الشيئ الآخر الإيجابي هو طريقة الشحن، حيث من أجل الحصول على بطاقة الافتراضية لازم تشحن 5 دولار، و قمت بذلك عبر binance و كانت معاملة سريعة و تحس انها آمنة… حيث تقدر تشوف تقييمات لي يبيعو ( انا نتعامل مع تقييمات فوق 94٪)…….و تشوف سعر لي يسادعك و حتى binance ما تقبلش المعاملة حتى تبعث دليل على ارسالك الاموال له( دير لقطة شاشة للايميل لي يلحقك من بريدي موب و تبعثها في binance …) و اضن هذا باش يرجعولك حقك لو ما بعثلكش دراهمك…..

مجملا تجربتي معاها تعتبر مقبولة جدااااااا لحد الآن، و أفضل شيئ خدمة العملاء، حيث حتى بعد تأكيد الحساب قاعد نسقسي فيهم أسئلة مختلفة و يجاوبوني عادي او بعثولي رابط من موقعهم الرسمي فيه جواب على تساؤلي… و حتى لما ما يكونش واحد من خدمة العملاء متوفر يكتبولك وقتاش يتوفر….. مثلا انا كتبولي يتوفر بعد 172 دقيقة، يعني دير حسابك باش كي يجي يلقاك ” ممكن يدير تأخر عشر دقايق أو شوية أكثر ”

كل ما جرتبه و شفته قلتو و اي إضافة راح نكتبها في التعليقات…. اتمنى نكون افدت و لو بالقليل و اسف على الإطالة 🙏🏻
#1001_tech
#1001info