القارة : آسيا
البلد : إيران ❤️🇮🇷🇮🇷🇮🇷
العملة: ريال ( ايراني)
اللغة: فارسي
السفر في جوان 2023 ( الصور كلها شخصية)
– السفر : تقدر مع الخطوط Turkish airlines من الجزائر ولا الخطوط التركية “low cost ” Pegasus او Rayanair من اروبا و كاين مع الخطوط Emirates.
– فيزا: أولا تطلبو on line و تحدد وين تحب تدي الفيزا اما من الجزائر في السفارة بالعاصمة ولا مباشرة في المطار الدولي بطهران… الثمن 30 يورو للجزائريين في المطار و أكيد الثمن بالدينار من السفارة.
– كي يمدولك اوكي on line بعد ثلاث ايام نورمالمو يردو لتم تقدر تجيب الفيزا اما تروح مباشرة إيران و في المطار يمدولك ولا السفارة في العاصمة…
– الفيزا يمدوه في ورقة وحدها ما يلسقوهش في جواز السفر كذلك ختم الدخول و الخروج ماكانش على جواز السفر😄😉
– لازم التأمين و تدي معاك مسار الرحلة او حجز الفندق الايام الاولى تكفي…
– النزل و الفنادق : الله الله تقريبا ڨاع ملاح و باسعار جد معقولة ! هاربين علينا في السياحة 🥹 🥹 تلقا أسعار من 16 يورو الى 80 او اكثر على حساب الذوق و وين تحب تبات … عندهم auberges de jeunesses يشبهو تاع اروبا ! و فنادق تاريخية جميلة …
– النقل : نفس الشيء هاربين علينا كاين حافلات vip مابين المدن باسعار أقل من الجزائر طبعا بلاد البترول و الغاز ، كاين القطار و حتى métro في المدن كطهران و شيراز ، الحافلات فيها كراسي طويلة و ماشي مزيرة بينك و بين جارك تاع القدام ، يوزعو الاكل و الشاي…
– الجولات السياحية:
جينا على طهران لكن حبطنا مباشرة نحو المدن الأخرى لكي ننهي مع العاصمة و كهذا ما ننغبنوش للرجوع، المدن هي كاشان ثم اصفهان 😍😍 ، ثم يزد ، ثم شيراز و في الاخير طهران.
واش نقول على بلاد الفرس: معالم سياحية كثيرة للزيارة ، متاحف ، قصوووووووور ، مساجد 🤩🤩🤩🤩🤩 ، مباني تارخية ، طبيعة خلابة في الشمال ، بلا ما ننساو التاريخ العريق ، حدائق ….
أسعار الدخول غالية بطبيعة الحال للسياح X 20 سعر الدخول للمواطن الايراني 😅😅 و هكذا تلقاها أقل سعر من اروبا مثلا ….
-الاكل : طبعا بلد مسلم ، تقدر تاكل كلش ، عندهم بزاف كباب و الروز تلقاه في كل مكان ، عندهم طبق لذيد و هو الدجاج متبل بالرمان 🤤 بالروز طبعا .. . صباح كاين لي يبداو بطبق سموه ” آآش ” شربة ثقيلة … و لي يروح إيران طبعا كاين الشاي بزعفران الحر،. القهوة غالية خطرات على طبق الاكل 😅😅 ( ما يشربوش القهوة )
– الجزائر : يعرفو الجزائر 🇩🇿 أنه بلد مسلم و ينطقوه كيما مكتوب ” الجزاير” بالالف و اللام ، يرعفو اننا سنيين و نتكلم عربي ، يتعجبو كثييير بلي كاين جزائريين في زيارة لايران بطبيعة الحال ماكانش بزاف ليزورها ، يعرفو ايضا ” محرز ” 🤣 و هذا البلد الثاني لي يهدرولي على الجزائر من خلال الكرة … Comme quoi !!
– الأمن: والله حسيت بلي راني في الجزائر 🤣🤣 كيف كيف ..
-الناس : ألتقيت ناس روعة بزاف ماشاء الله و معروفين انهم جد مضيفين ، و يعرضوك بزاف ، كيما الجزائر رغم ان ايران بلد سياحي بزاف، يسقسوك و يتكلمو معاك ماش مغلوقين على لي étrangers …
عندهم بزاااف esprit de famille في الليل بعدما تنقص الحرارة يديرو picnic في الحدائق ، كلللل العائلة مجتمعة ، زربية ماكلة … و طبعا نظافة…….🥰
كل ليلة و انا برا مع الزوج تحس انو ليل من ليال رمضان في الجزائر 😍😍😍 الكل براااااا ،اطفال ، نساء ، عائلات …. اضواء في كل مكان ، حلويات ، ice cream , شاي …
صراحة واش نسمع من الاعلام و عند زيارة البلد ماشي كيف كيف !!! النساء يسوقو و يعملو كثير تاكسي ، لي داتنا في السيارة بين مدينة و مدينة كانت امراة …عاملات في كل الميادين ايضا حتى فchantier 😄 و محترمين…
– كاين لي ميعرفش يحوس وحدو كاين وكالات سياحية ايرانية الله الله ، professionnel بطبيعة الحال مداري يتعاملو مع السياح الاروبيين و حتى الامركيين ، ايه نعم !! يمدو فيزا للامركيين لكن بشرط يروحو مع وكالة سياحية ايرانية تكون معاهم في كل مكان 😊😊
#ايران #Iran #آسيا
بصحتك تبان هايلة
Ça donne trop envie d’y aller 😍😍 bsahatkoum
Basahtek ❤️ inspiring
جميلة جدا
صور ألف ليلة وليلة
روعة ماشاء الله ….شحال سقامتلك كامل الرحلة ؟
amazing Yasmine thanks for sharing ❤️❤️❤️
لعويسات محفوظ قلك ماشي كامل كيما يقولو عليها في الاعلام🤨🤨🤨
صور جميلة للغاية
رحلة مشوقة..كم هي التكاليف
شكرا على كل هذه المعلومات
قداه ليوم و قداه سقامتلك الرحلة
بصحتك الله يبارك
ما شاء الله على الصور جميلة جدا و على السرد أجمل شوقتينا ليها ياااسر ❤️❤️ من فضلك اذا مافيهاش احراج تعطينا تفاصيل التكاليف الطائرة و الفنادق
Princess Fine بلييييييييييييز
حسيتها الف ليلة و ليلة 😍😍
صور تغدية بصرية🥰بصحتك ويعطيك الصحة❤️
C’est teeeellement beau ✨
Youcef Batenn
بصحتكم 🥰
Mashallah 💕
بصحتكم 😍 حبيت المناظر و صراحة تفاجأت لأنو هازة نظرة عليها من الأفلام بلي غير تاع حر ب و مباني رايبة
نقلت واقعاً سياحيا أثرت فيه الشهية لزيارة البلد ….شكرا هنيئا لك
MashALLAH .. Really beautiful
Quel partage💕
الجمال 🥺🩵
Nadvet Hamza Fenazi Abdessamed choufou 😍
Nice ❤❤ bsahtkom
Nihel Nihal Optimista
ياسمين حبيييييييت نسافر معاااااك 🥹
Mashallah 😍
ماشاء الله تبارك الرحمن 😍
صور تشرح النفس
كيفاش الجو عندهم؟
صح شعب متحضر وراقي ونظيف…
S’il vous plaît.. avez-vous pris des photos de Pink mosquée (جامع ناصر الملك)??