المصلى هذا جاي في القنصلية الجزائرية في لندن . مين داك تسمعو بزاف ناس و تشوفو فيديو يقولك القنصليات في الخارج ما يديرو والو ، بالاك في فرنسا بصح و الله شهادة و كلمة حق القنصلية الجزائرية في لندن ، تدخل بالسيارة ديالك تخليها في الباركينغ و الجزائر القنصلية الوحيدة في لندن لي عندها باركينغ للزوار ، ملي تدخل و نتا مرحبا بيك و واش خصك و أموراتك مقضية و تصلي صلاتك في الوقت و كلش و الله من القنصل و أهبط … هيا علابالي خدمتهم و خالصين عليها بصح الحق يتهلاو و مين داك كي نسمع بلي واحد صرالو مشكل نتعجب نقول بالاك المشكل فيه 👏🏻
Posted in Tourism
اوفيسال زايدين ومتربيين فالخارج
الله يبارك
Je confirme.
دايما تصورلنا الواقع بارك الله فيك🤗
القنصلية في بروكسيل كذلك ما شاء الله … جامي رحت و عطلوني … مام بالهاتف و الا الايمايل تقضي صوالحك …لكن كيما الناس كامل تشكي من القنصليات في فرنسا خاصو تاع باريس … يمكن على جال الغاشي بزاف …
الله يبارك صافي بليزير
في فرنسا غاشي بزاف عل جال هاذ الشئ واحد ما سامع بيك
بصح اغلبية السفارات نتعنا في الخارج مشالله
حاجة تفرح
شويا إيجابية
Arwah ta3 Nanterre en France tefham
قنصلية دبي فرع بلدية بامتياز
الحمدلله اللي كاينة قنصلية هكا … قنصلية تاع الجزائر في دبي شغل راك في البلدية تاع دزاير بنفس الديكور و نفس العقلية و نفس كلشي و حتى اللي في الاستقبال سوداني و مايفهمش الدارجة
أنا على حسب واش فهمت القنصلية تاعنا هي مرٱة لعقلية المواطن الجزائري في هذاك البلد و مستحيل تلقى نفس المعاملة بين قنصلية ما في فرنسا مع قنصلية في الدانمارك مثلا.
تع روما نعطيها حسن جدا
تع كندا رهج
القنصلية تاع نابولي ثاني لي خدامين فيها ربي يبارك كيما راهم لواحد مايكذبش