المنشور 002:
الطريقة لي ستعملتها فالمنشور السابق باه نخلي ال chatgpt يعطيني نتيجة أدق تسمى
zero shot chain of thoughts
ونقدرو نسميوها بالعربية سلسلة الأفكار غير المعتمدة على أمثلة، يعني حنا طلبنا من النموذج (chatgpt) أنو يشرحلنا سلسلة الأفكار لي خلاتو يتوصل للنتيجة بدون ما نقدمولو أمثلة على كفاه نورمالمون تكون سلاسل الأفكار لي لازم يتبعها.
أما المرة هذي نستعملو نفس الطريقة لكن سع نقدمو أمثلة للنموذج على سلاسل الأفكار أو المنطق لي اتبعناه باه توصلنا للنتيجة وهو وحدو وحدو يفهم بلي رانا نطلبو منو يفصل فخطوات الحل ويشرح طريقتو لي تبعها.
طريقة تقديم الأمثلة تجيب نتائج أحسن في العديد من الحالات خير من لوكان نقدمو أوامر بدون أمثلة.
#chatgpt #promptengineering
Posted in Tech