الناس لي راهي مشوكيا من السعر الاولي ب 47 مليون و تقولك التاجر يظرب عشرين مليون باردة و يبداو ياشليو بإحصائيات و حسابات لا أساس لها من الصحة ارواح هنا تشوف نقولك
نبداو بسعر apple الرسمي لي هو حوالي 29 مليون
السعر هذا طلقتو أبل رسميا في موقعها و طلقت عدد محدود جدا و باعتو اونلين على مرتين
و طويل لعمر لي يقدر يشري يا لوكان حبة قليل لي يلحق يعني نفوتو هذا السعر من الحساب روح
كاين شركات تبيع بترخيص من عند apple و apple هي لي تزودها سطوك باعت وش عندها قبل باسبوع و كميات محدودة توجور و بشروط أولها لازم تكون عندك id أ
إماراتي ( نحكيو على بلادنا اغلب النجار يقضيو من دبي ) و بطاقة دفع visa
يعني اغلب التجار الجزائريين مستثنيين من هذا الشراء
ثاني الشروط كل واحد عندو لحق يشري حبة وحدة من المتجر باسمه و ببطاقته يعني حتى تحب تشري بال id تاع صحبك و ببطاقة تاعك متفوتش ال payment
الشرط الثالث تخلص كلش فاليوم هذاك و تدي التيليفون تاعك يوم 22 سبتمبر يعني اذا تاجر شراه لازم يشقالو مرتين
آخر شرط ولي هو هذو المتاجر رجعو يحتمو عليك عفايس خلاف معاه مثل شاحن و case و ضمان اضافي هنا ديجا السعر ارتفع و يلحق حتى 34-35 وهذا مع الشروط السابقة
نرجعو للتاجر الجزائري لي مقدرش يشري من ابل مباشرة ولا من احد البائعيين المرخص لهم
يشري من السوق من عند ناس شراو بالسعر هذاك تاع 35 مليون و يبيعوه فاليوم الأول حتى 40 41
يعني التاجر يشريه ب 40 مع البيي لي غالي لليومين هذو و المصاريف كي يبيعو ب 45 لتاجر الجملة امر منطقي و تاجر الجملة يبيعو ب 47 وهذا وهذا أمر منطقي
لي انتيريسي و حاب يشري وش يدير ؟ يصبر حوالي شهر الى شهرين تخلاص هاذ البلبلة و يتوفر فالسوق بسعرو العادي 29 مليون و يرجع سومتو فالدزاير 34 او اقل
من بعد يبدى يطيح على السعر الاول تاعو حتى يرجع في فترة قصيرة فالدزاير ب 29 وهذا هو سبب ارتفاع الاسعار كل سنة
السعر في كندا وزيد له 13% نتاع الضريبة (TVA)
47 مليون يرموها على تليفون ومبعد يبداو يسفلو في تبون المعيشة غالية و والمواطن مذلول
47 مليون باش دير صورة قدام مراية 😵💫
عذر اقبح من ذنب
40 مليون نشقا لدبي نجيبو و نجي
هوما حابين يشرو فالبلبلة باش يبانو بالبلبلة تاع عندي ايفون لخر
ههههههه زكك
Tema koul wahad yedi 5 fayda HTA yawsalna …..tjikom ha9ek ….mlih
تلفون يفوت على 30 يد بش يلحق 🤦🏽♂️ التجارة على اصولها
امر منطقي يشريه 45 يبيعه 47 …2 فايدة فهاتف ..امر منطقي ..!!!!
تحليل منطقي و بلابلا بلااااا
بصح واش الفائدة نشري تليفون اخر صيحة و ماتنساش مزال كاينة صيحة وحدوخرة جاية فالطريق يعني عام عامين يزيدو يخرجو واحد جديد و تتعاود الحكاية
مع كل احتراماتي تحليل لا علاقة و تداخل كبير للمعلومات في منشورك حبيت تبرر للتاجر غلاء سعر الهاتف الجديد بصح خلطتها برك
Tesbar 20 jour tshrih b 27 malyon bn bref c’est un problème de riche c’est pas le mien
اخبرني انك سمسار بدون ان تقولي انك سمسار 🤷
يشريه واحد لاباس عليه نورمال عندو
لي يخلعوني الناس قيس قيس و يفورصي روحو باش يشريه 🤔
7100×60= 426000 da
فدبي حالا الاسعار راهي غير تزيد تكثر من هكذا والله ما عندي منقولكم 🤷
,انا عندي هواوي شاشة مكسرة. مافهمتش علاش خرجلي هاد منشور
وعلاه كاين مهابل يشرو تليفون ب 20 مليون
Ana had sa3a rani nestena f s24 ultra
مشاكل لا تفاحة لي فيه ولا قارص الحمد لله على نعمة ماعندوش وما يخصوش
صاحبي نتا جاي تقنعنا بلي 47 مليون نرمال ؟؟!؟
دوكا تسما كل واحد يحكي قيس صباطو كيما يقولو .
نتا مدامك تشري وتبيع لازم تبدا دير في طريق لروحك وتحلل كلش لروحك وكولش يرجع عندك حلال . وحاب دخلها في راس الناس بلي هاديك هيا السومة ارضاو بيها وخلاص .
باش تبيع نتا بسومة هادي ملخر نتا حاب تفيكسيه فسومة هادي .
هادا ماكان .
المهم لازم تقضي صلاحك نتا وتفريها .
قولنا هكدا من صباح
لي كومنتار كهول يا شكوبي
Despon IPhone 15 pro max ,256 ,prix :48,5
لي انتيريسي يجي بريفي
ههههه هاادا لي كاان خاااصني نعرف لي بروبلام تاع الايفون وعلاه يديير 47 مشي 25 هههههه
بالحساب تعك هذا يبيعوه 47 و خاسرين فلافار
نورمالمون كثر !!
وظهر الآيفون هو منقذ للبشرية والإنسان 🫢🫠
بغض النظر عن السعر لي راح يدخل بيه خاص الناس تتعلم نشري هاتف على حساب الاستخدامات و الاحتياجات تاعي
رجعوني
منشور لا يعنينا ولا يهمنا…الناس اللي راهي تشري فالايفون تاع 47 مليون مش هنا ومش لاهية بتبرير تاعك اذا غالي ولا رخيس…وشكرن عفون للتحليل والنقاش تاعك
مبعد تلقاه لي يهدر يمشي ب redmi
كل دورة يطفا و يروح سيستام😂😂😂😂
مواضيع عالم اول خاطينا الأيفون
قول أنا تاجر ولازم نبرر باش نجبدكم في السعر هذا مكان
يزيك ماالتفلسيف
الحمد لله على نعمة الرادمي العزيز ♥ لا tva لا نشقالو لا يشقالي عمي علي اكسبرس عشرين يوم وهو فلابوسط وبسومة طرية