اليوم نحكي مع زملائي في العمل حول السفر ، قالولي شيكو الجزائر شابة !! جمعتهم قاع و قاع نديرلهم صور تع الصحراء كانت ، الطاسيلي ، جيجل ، وهران ، عنابة ، سكيكدة و وهران .. و حق ربي غير قعدو مخلوعين !! قولولي جامي كنا نشوفو الجزائر هكذا ، يسمعو عليها بلي جاية في إفريقيا برك .. و الله صاحبي قالي الخطوة الجاية كي تهبط لبلاد نجي معاك داير في بالو التيك تع الطيارة رخيس كيما المغرب ، بدينا نحكيو قلتلهم لازم فيزا ( 80£) و التيكي تع الطيارة على الأقل 190£ ، قالي شوية غالي … و الله صدقوني كاين بزاف أجانب الجزائر تبان دولة غامضة بالنسبة ليهم و يحبو يزورو الجزائر من دافع الفضول و علابالي بلي بزاف راح تعجبهم … بصح الفيزا و التذكرة غالية عائق بالنسبة للكثير … على كل حال الدولة علابالها واش راهي ادير عندها الأسباب ديالها ✌🏻
Posted in Tourism
وريتلهم الفنادق واسعارها والخدمات ؟ ولا يباتو فالغابة ؟
جيبهم للمغرب و نتلاقاو ف صحراء مرزوكة
آپار الصحراء مكان حتى حاجة راح تعجبهم
الطبيعة الجبال البحيرات الوديان الأماكن التاريخية الحضارة كامل هاربين علينا مكاش حاجة ديفيرنتي و لا حاجة تاع جذب سياحي فا الشمال
الفيزا مستحيلة مصعبينها باش مايشوفوش الأمم خرايبنا، امبعد يقولك تشجيع السياحة و هوما فيزا تع خطبة باش يجي السيد يعقد على مرتو قريب ما مدوهالناش
هوما بروحهم مغليين الاسعار باه تا واحد مايقدر يجي
صحابك جواسيس ،يجوا يتجسسوا علينا
هي بلادنا عندها مقومات بش تطلع فمجال السياحة لكن طبعا مهمشة. عالعموم ادا جاو صحابك نتمنا متيخلعوش فالخدمات هدا بعد ميمدولهم الفيزا بشق الأنفس
يرحم والديك قول لي تيكيت نتاع 190£ هادي وين لقيتها 🤦 انا أقل حاجة ندفع 300£ و زيد بلا طرونسبور ل مانشستر
لها الاسباب ديالها ✍️
الجملة الأخيرة تلخص كل شيء ، سياسة الغلق و الانغلاق و التقوقع ليست وليدة الصدفة بل هي مدروسة من طرفهم 🤫🫢🤐
تيكي تاع الطيارة حنا كجزائريين و راه يجينا غالي.. الواحد يتوحش الفاميليا و الأحباب .. سي نو يروح يحوس في كاش بلاصة خير و خير
نظن سهلوها للاحانب لي يجيو للصحراء مباشرة مع وكالات و الله اعلم هكذا سمعت
190 pounds ghalia 🙄🙄 alach Hna ki nroho mana lhih we pay the same price or more o l visa bla manhkiw
ماشي غير هوما لي حابين يزوروها مام حنا حبينا نزوروها و ما قدرناش 🤷♀️
خدام في وسط افريقيا …. مين قلتلهم جزايري قالولي علاش أنت أبيض و ماشي كحل كيفنا 🤣🤣🤣🤣
Les algériens li f l’Algérie w machi chyfin l’algerie prcq c Cher
ايادي خارجية ههههه جو حطاب وكلاشاوه
من غير حكاية الفيزا والتيكي …ثاني الفنادق مشكل كبير مع اسعارها مقارنة بالخدمات المقدمة ..اي سائح ولا اجنبي من غير دافع الفضول كي يجي يكومباري الاسعار لهيه وهنا راسو يكلاطي
و نتا حكيتلهم كلش أيا هكذا و يكونوا جواسيس
خلينا خويا شيكو بلادنا راهي مليحة هكذا هههه