اليوم نخرجو شوي عن المألوف ونحكو على واحد الظاهرة منتشرة بزاف عند الجزائريين فمواقع التواصل ، مجموعات الف ليلة خاصة والفايسبوك عامة ولي هي الضحك والسخرية من أي موضوع أو أي سؤال.
بحكم أني داخل في عدة مجموعات مغربية أو مصرية … خاصة التقنية منها لما يحط واحد استفسار أو سؤال تاع واحد مبتدئ أو قليل الخبرة في مجال ما نادرا ما تجد أي أحد يسخر أو يضع إيموجي الضحك وتجد الأمور تأخذ منحى جدي والكل من لديه الحل يساعد ويتناقشو حتى يجد صاحب المنشور الحل لمشكلته.
في حين المجموعات أو الصفحات الجزائرية لما يضع أحد استفسار خاصة إذا كان سؤال بديهي نوعا ما يبدا الجميع في إطلاق الفكاهة أو السخرية من صاحب المنشور والتفاعل ب هاها وهذا ينطبق في جميع المجالات …باختصار المجتمع الجزائري معندوش السيريو ويأخذ أي موضوع مهما كان من باب السخرية والفكاهة وهذا ماشي معناه أننا مجتمع مهبول ودمنا خفيف كما يشاع وشعارات ك افتخر انك كجزائري وحنا راصة ولي يخرب فينا باصا….الخ من الشعارات الرنانة التي تلهب الفرفارة .
بالعكس المشكل أعقد مما نتصور وأغلب الشعب لازمو اخصائي نفساني.
جزاك الله خير الجزاء، عندك الحق.. حاشا لي مايستاهلش
مرات يكون الخطأ من عند صاحب المنشور ، هو يفتحلهم الباب للفكاهة ، عوض يكتب المشكلة فقط ، لالا هو يروح يزيدلها حكاية ما تنفع في والو ، مثلا واحد تكسرتلو شاشة تيليفزيون ، مايكتبش المشكلة وحدها و يزيد معاها وليدي كان يلعب وخبط فتليفيزيون …الخ ارواح نتا سكتهم فتعليقات
قال ابن خلدون في مقدّمته :
” إذا رأيتَ النّاس تكثرُ الكلام المضحك وقتَ الكوارث فاعلمْ أنّ الفقرَ قد أقبع عليهم ، وهم قومٌ بهم غفلة واستعباد ومهانة كمن يُساقُ للموتِ وهو مخمور
السبب أن الخرائري يحب أن يستعرض ويسرق الأضواء ويحاول بشتى الطرق إخراج مستر بين الذي بداخله لا لشيء إلا أن…. أكم علابالكم
كي تشوف المستوى تعرف علاه بقينا آخر الامم ومازال تزيدوا نتخلفوا
لان شعب الله المختار يعرف كلش ويشعر بالغرابة كي يلقى واحد مايعرفش ولى حاصل 🙃🙃
صح كاينة يعني مخك يحبس متلقى واش تقول ولى عندنا مجتمع غالبة عليه التفاهة بزاف وكلشي ياخدوه بسخرية ربي يهدينا
أنا ديما اي مشكله نشوف يوتوب وفاليوتوب ونفس الشي المحتوى نوعين كاين لي مباشرة يعطيك الحل في أقل من دقيقتين وكاين لي يضرب بيك عشرة دقايق انا ديما نروح لاقصر فيديو
Walid Da
اخي عقلية تغرست فينا من صغر غير لكذب في ميديا مثلا تشوف نشرة تاع 8 تظحك وحدك وتتنمر وكبرنا هكذا وكيفاه لحقنا لهذ ظاهرة بمرور سنوات ولينا هكذا
بصح في واقع تروح للمقهي ولااي انسان يخدم حجا تسقسيه سؤال بديهي يجوبك يفهمك
اخي حنا شعب خلاص تربينا في بلاد ما فيهاش قاع صح في مديا ومواقع توصل نعطيك مثال
بارح قلك جزائر تخترع مركبة كهربائية وتهويل اعلامي
وفي حقيقة سيد حط متور وبطارية وشاف في انترنات لعبة اطفال وخدم مول تاع لعبة كبروو قلك اختراع وبهدلو بينا
وحكايتها قاع سيد ركب سيارة كهربائية
اختراع هو صنع شئ غير موجود اطلاقا
هنا شعب تنمر وحط اموجي تاع ضحك
لانه غمالة تاع ميديا الجزائرية وهذا يسمى تركيب ولا ليس اختراع
الله غالب تربينا على مكاش صح او راحت فينا
﴿يَأَيُّهَا الذِّينَ ءَامَنُوا لاَيَسْخَرْ قَوْمٌ مِنْ قَوْمٍ عَسَى أنْ يَكُونُوا خَيْرًا مِنْهُمْ وَلاَ نِسَاءٌ مِنْ نِسَاءٍ عَسَى أنْ يَكُنَّ خَيْرًا مِنْهُنَّ وَلاَ تَلْمِزُوا أنْفُسَكُمْ وَلاَ تَنَابَزُوا بالالْقَابِ}
we’re assuming that we are the centre of the universe, that’s why.
راك خلطت بين زوج مفاهيم ماعندهمش حتى علاقة مع بعضاهم الفكاهة والسخرية، الفكاهة والمزاح يقدر يترافق مع أي موضوع مهما بلغت الأهمية تاعو بدون ما يأثر على جودة التعاطي مع هذا الموضوع، صح الإكثار منها مذموم لكن لا بد منها في كثير من الأحيان لخاطر الجدية المبالغ فيها تولد الملل والنفور من العمل والتعب النفسي، أما السخرية فهي حاجة مختلفة تماما، لاسيما السخرية من الضعيف والمبتدئ اللي في بداية الطريق، هذا خلق ذميم جدا ونوافقك الرأي في كونه موجود بكثرة في الشعب تاعنا ولازم نحاربوه قد المستطاع
هاذو اللي زعما لاعبينها عميييقيين
المجتمع لي رانا فيه إنسان صحيح سليم نفسيا و عقليا يحبوا يرجعوه مريض كيفهم
الله يعافينا و ينجينا
عندك الحق ونفس تخمام لي عندي غير انا مانعرفش نعبر كما انت
خاصة هاد المجموعة ، فيها تقولشي مهندسين تاع آبل يضحكو على اتفه الاسباب
الشعب اللي يتونس ببعضاه واش تتسنى منو
دير منشور مليح واحد ما يضحك عليك….وإذا تتبهلل أعرف بأنك في قائمة الغباب….الله يجيب الخير
والله صح نا وليت نحشم نسقسي سورتو مجموعة هاذي تعجبني بصح قريت ليكمونتار يضحكو ويتمسخرو
شعب مريض بجنون العظمة وهو عظمة مايقدرش يشريها تلقاه عرف زوج معلومات يتكبر بيهم على الجاهل والضعيف وكي تخرجو للمجتمع الدولي والعرب والخليجيين يتخبا ويلقا روحو مايسواش والريح فالريح
يلعبوها يفهمو في كلش
كلامك صحيح ، لكن محتوى المنشور يلعب دور !!!
هذاك لي يضحك تلقاه لاعلاقة ومايعرف والو باين
الاغلبية رجع ماينشرش فالمجموعة هذي علجال السخرية هذي
عادي جدا نلطفو الجو بشوي فكاهة او ضحك
بصح باش نتنمرو ونعايؤو صاحب المنشور بسخرية وكذا هذي صح ماتصلحش
شعب لا يصلح ملخر وينما تحطنا مكاش نعرفو غي نزعقو على بعضانا وريح لي جا يدينا
صح الجزائرين راسة مرة المهم بخصوص المجموعات قليل وين تلق أصحاب الخبرة في مجالات معينة يعني اغلب رواد الصفحات خاصة صفحات 1001 أغلبهم لا يفقه شيئا في اي مجال يعني تلق واحد لاعلاقة بالطبيعة في جميع مجموعات 10001 وحاط روحو حاجة كبيرة والقلة القليلة لي عندها خبرة قليل وين تهتم بهده الصفحات ويبق مجرد راي شكراا على المنشور .
شعبنا ابو عريف يفهم فكلش و كيما يحب الله يهدينا
هناك من يضحك و يهزء حتى من المصائب.. أراها جهلا، قلة وعي و قلة تربية.
عندك حق خويا ….
صح والله . انا شفت منشور في مجموعة خاصة بجالية في بلد آخر في التعليقات كامل هذوك العراقيين كيفاش يقدمولو في المساعدة و النصائح متعاونين فيما بيناتهم رافدين بعضاهم
وزيد عليها الفتاوى المجانية لي تكون خارج موضوع المنشور أصلا 🙄
غباء والله اي حاجة حتى فالصفحات الاخبارية خبر عادي يضحكو داك نهار خير تاع زوج قتل زوجتو ب ventilateur يضحكو واحد يقول حادثة المروحة 2 مانعرف الا غباء وسذاجة والا القلوب ماتت
كلام في الصميم
الجزائري اليوم عرف معلومة جديدة مكانش يعرفها بالامس.
غدا يجي واحد ميعرفهاش، يولي يضحك عليه ويستهزء به كيفاه ميعرفهاش
سيرتو لي يسقسي على كاش طوموبيل
يقولولو نورمالمو هي لي تسقسي عليك
الجزائر عبارة عن مستشفى كبير تاع امراض النفسية
زيدها المعاناة باه يتقبل منشور فيه الفايدة علاش الله اعلم
🙂🙂