اهل جيجل الطيبين
راني جاي زيارة ان شاء الله 4 ايام
معي رضيع بالبوساث و الزوجة
و ماعنديش سيارة
كريت في ولاد بونار
نسقسيكم
1- غابة بارك مازال مافتحتش؟
2- شواطئ لي قريبة من ولاد بونار صافية و مليحة؟
3- كاش شاطئ صافي و ماش بعيد بزاف؟
4- المغارة طريقها سهلة؟ و الداخل باردة بزاف على ابني الرضيع؟
5- الواد تاع زيامة منصورية طريقو سهلة و آمنة؟
6- مول جيجل مليح و فيه الماركات؟
7- كاش نصائح و اماكن نقدر نزورهم في حالتي انا
علما الصباح نبحر و المساء كل مرة بلاصة
مرة للمدينة و مرة لحديقة الحيوانات و مرة للمغارة و زيامة منصورية
بقالي يوم كاش ما تقترحو عليا و شكرا
#help
#نصيحة
شوف وين تخلي الرضيع خير ملايكات يتعتع فرات
رايحة ننصحك خفت يزعفو مني
غابه برك مصكره
قريب ليك شاطيء منار الكبير.وشاطيء بوالنار صغير وفيه الغاشي .ممكن نهايه اوت يكون بدا بفرغ
الكهوف بارده حوالي 14درجه على ما اظن
واد زيامه مليح ولكن مع الطفل تتعب شويه .حواف الواد متسخه نوعا ما
الماكله في الواد احسن شي فيها القعده .ماكله ناقصه وعاديه جدا
الحديقه مليحه للقعده .حيوانتها ماتوا والالعاب نتاع بومسلك
نقل موجود في الحافلات ولكن سيركيلاسيو كبيره
جيجل هذا العام متعبه كثير بسبب الازدحام
1 maghlouka, 2 4 5 oui ,3 les plages entre jijel et laouana sont toutes magnifiques
اودي حقيقة رايح تتعب بلا سيارة… انا عندي رضيع و بسيارة.. و الله قاسيات في تنقلات
W la circulation na9set had lmarra
اسوأ حاجة في جيجل هي النقل خاصة من 12 وطلع سيركيلاصيو والغاشي في البيس كارثة تقول سردين وزيدلها السخانة يعني تتعذب
المغارة مهيش باردة انما طريقها طويلة مع السيركيلاسيو 3 ساعات باه توصل وتروح واقف ههه والواد راه جاي معاها برك
انت كريت دار زيد كري سيارة وتتهنا تقدر تروح لكل الاماكن لي دكرتها بدون تعب او ارهاق الرضيع
1-راه نقص الغاشي و راهي مليحة بزاف للتحواس
2-النقل للمغارات و الواد متوفر و تقدر تروح و تتنقل بسهولة
3-مادام رايح لأولاد بوالنار الشاطئ صافي و تمشي شوية لاكريك 1 و لاكريك 2 و المنار الكبير تروح ليهم تمشي و صافيين و من أجمل الشواطئ في جيجل
4- غابة بارك مغلق بصح كاينة حديقة الحيوانات قريبة
5-راك طحت فأجمل وقت ان شاء الله ما يدورش ادحال مرحبا بيك و أي استفسار رانا هنا
غابة بارك مغلوقة
الشواطئ اللي قريبة و مليحة لاكريك و كيسير و أندرو
شاطئ صافي وماش بعيد كيسير
سيركيلاصيون نقصت – مش باردة
طريق الواد هي طريق الواد 🤷
عتدك السهرات ملاح ف كتامة و بومارشي
اهم الأماكن السياحية التي يمكن زيارتها عند القدوم و الاقامة في جيجل :
1- الشواطئ السبعة الأهم في ولاية جيجل ( شاطئ الرميلة ببني بلعيد – شاطئ الرمال الذهبية بسيدى عبد العزيز- شاطئ كتامة وسط جيجل – شاطئ المنار الكبير – شاطئ الصخر الأسود – شاطئ افتيس – الشاطئ الأحمر )
2- حديقة الحيوانات بالعوانة و هي مكان عائلي بامتياز تفتح ابوابها يوميا بداية من الحادية عشرة صباحا و لا يمكن دخولها قبل هذا التوقيت .
3- الكورنيش الجيجلي بين العوانة و الزيامة من اجمل كورنيشات العالم بمناظر مذهلة و طبعا الحركية فيه صعبة نظرا للاقبال الكبير جداا لدى انصح بزيارته باكرا قبل التاسعة صباحا لتفادي السيركيلاسيون خاصة بعد العاشرة صباحا .. الكورنيش طرقه ضيقة ..
4- المعلم السياحي الكهوف العجيبة و كذا معلم غار الباز بين مدينتي العوانة و الزيامة ..
5- السياحة الجبلية و ما تتضمنه من مناظر رائعة مثل غابات قرية ايراقن و غابات مدينة جيملة و غيرها و لكن تتطلب مرشد و دليل سياحي لهواة السياحة الجبلية ..
ملاحظة : شاطئ الرميلة ببني بلعيد او شاطئ الساحل كما يسمي ايضا و الذي يعد جنة فوق الأرض و المتواجد في الجهة الشرقية لولاية جيجل لا يمكن بلوغه الا عن طريق القوارب المتوفرة طبعا بصيغة الكراء بثمن 200دج .. اجمل الصور المتوفرة هنا لهذا الشاطئ ..
#منقول
1 : غابة بارك مازالها مغلقة
2: نعم شواطىء ديك الجهة ملاح و باهيين
3: ليزافتيس aftis و أوندرو
4: بعيدة شوية راهي في زيامة و كاينة شوي سركالة باش تروحلها
5: الواد مليح و طريقو من طريق المغارات و الكهوف و آمنة
6: المول يبهدل و لا أنصحك بزيارته إطلاقا ، عندهم شهرين ملي فتحوه راه فقير و فارغ و مافيه حتى ماركة
7: اذا تعرف تسوق اكري سيارة و عليك و على غوغل ماپ أحسن بكثير من النقل العمومي لانو راح تضيع وقت كبير فالطريق و التمرميد
حاجة اخرى 4 ايام قليلة باش تزور جيجل و تنوع فيها و تشوف بلايص الشابة فيها لكن خير من مكنش
إقامة ممتعة 🙂
ولاد بونار ديجا فيها شاطئ
وكاين المنار الكبير شوية قريب
بلا سيارة غير اخطيك اخطيك اخطيك بيسك وحدك تتمرمد فما بالك مع العائلة