🛑تجربة طلب البطاقة الذهبية الطلب البريميوم:
⬅️مدة الوصول 5 أيام
⬅️تم الطلب يوم الأربعاء ،وصلت يوم الأحد
⬅️سعر الطلب (1200 دج ينحوهالك من ccp وحتى إذا ماعندكش دراهم ينحوهالك من بعد حين تتوفر الأموال)
رابط طلب البطاقة بريميوم :
https://edcarte.poste.dz/fr/service_prm.php
رابط طلب البطاقة العادي:
https://edcarte.poste.dz/fr/order_card.php
مع العلم صاحب الطلب مازال حتى ما وصلوا الشاك 😂
⬅️الشيئ الملاحظ هو تحسن خدمة الطلب العادي نوعا ما مقارنة بواش كان قبل بزاف أشخاص نعرفهم راها تصلهم البطاقة في مدة أقل من شهر (طبعا تبقى مدة طويلة جدا و هذا كاين فقط في زينة البلدان )
⬅️الطلب البريميوم غالي نوعا ما حبذا لو يخفض سعره لـ 500 دج بدل 1200 دج الحالية
جميع الخدمات التي تقدمها البطاقة الذهبية راها هنا في هذا الرابط :
https://www.facebook.com/groups/dztech1001/permalink/1764884720351769/
وفي الأخير نداء نوجهوا من هذا المنبر لأي شخص يعمل في مؤسسة بريد الجزائر
⬅️ديرولنا حل لإستعادة كلمة السر في تطبيق بريدي موب
⬅️ديرولنا خدمة شات لايف داخل داخل موقع بريد الجزائر ،يقدر الواحد يطرح إنشغالاته مستقبلا ،الإقتطاعات لي كاينة وما ندفعه يستحق خدمة عملاء أفضل بكثير من واش راه كاين حاليا
⬅️يرجى إضافة خدمات الفليكيسي وغيرها مباشرة في التطبيق أو إنشاء تطبيق خاص بها ماش كل مرة ندخل للموقع وندير هاذيك الخدمة كامل
⬅️نرجوا تحديث الرصيد آنيا ماش تبقى تستنى و أحيانا رسالة تاع وصول الأموال ولا سحبها لا تصل أو تتأخر في الوصول
⛔كاش سؤال أو إضافة أو تنويه تفضلوا
#1001info
Rnai fe 3jrs ndemendiha l ptit soeur ydirolha rejeté 😒
بغيت نبدل نيميرو تلفون و نسيت السؤال السري ..الحل؟؟
نقدر نطلب وحدة لشخص اخر بايمايل والرقم تاعي
يا ريت كي يوصل ميساج بلي وجدت و نروحو للمركز يمدوهالنا مشي يلكدونا و يقولك ما وصلتش تاعي كانت واصلة في خمس اشهر و هوما يقولولي مكاشها حتى ديتها بالمعرفة سي ڨراف🤦🏻♀️..تاع ماما راني فعامين ملي درت دوموند وين ما نروح يقولي مكاشها🤦🏻♀️
كي ندخل للرابط تع فليكسي جيزي و نحط كامل البيانات و نتأكد منها و ندير فاليدي
تخرجلي هذي علاش
اه خدمة إحترافية خاصة كي يكون الكيس مستورد من إسبانيا.
بلاد كيس وما صنعناهش
Mîdoû Best
بريدي موب كيفاش نرجعوmot de pass
شحال سعر البطاقة العادية ؟
درت طلب تاعها لكن كي ماركيت مأكدوليش رقم الهاتف
يعني مابعثوليش الكود تاع التأكيد
و كي نعاود نحب نسجل يقولي راك مسجل
كي نجي نشوف وين راهي واصلة الطلبية تاعي
يقولي رقم الهاتف خاطئ ؟؟
كاش حل
Rani ki nkhaless carte idoom, yna7ouli 7a9ha apres mour 5 swaye3 hakak ya3wed yjini msg na7awli la meme some est ce que rahoum yna7oyli double, wela ghekta brk
Mouh Kami
Ana demoanditha nermal rahi 10 jours mazalha fe mar7alat el morajara
Yacine Ya
العادية جاتني في 3 اسابيع
Hadj Mohamed Lahdeibi
درت طلب عليها ومزال ماوصلتنيش
انا طلبتها طلب عادي وصلت في مدة 14 يوم
سلام خاوتنا
الأدمين محابش يقبل البوسط تاعي
المهم خصني كورس تاع البرمجة الله يحفظكم Udeemy
كاش حل باه ترجع كلمة السر ف بريدي موب؟
يجيك معاها رقم سري ولال لالا
23 يوم وصلتني
انا درت الطلب راني 34 يوم مابان والو
.
Yacine Wail
وش الفرق بين العادية والبريميوم؟
و الكود يوصل معاها ؟ على خاطر سمعت بلي الكود يطول ؟
واش نقدر ندير بيها 🥺🥺
جلول حمداوي الجزائري
Fateh Chaker
خاوتي نسقسيكم نا نسيت كود تع بطاقة ذهبية ومشكل حتى كي جاتني جديدة ورفدتها ميجيش معاها كوود واش هو الحل؟
Selma
عندي سؤال: درت هذه الطريقة من بعد ما كملت خرجت بلي عندي بطاقة لاكن أنا ما خرجتهاش كيفاش نعمل باش نسترجعها؟
كيفاش ندومونديها …طلب الكتروني ولا لازم نروح la poste !
دومونديت العادية لحقتني بعد 6 اشهر
صاحبي دومونداها لحقتلو في سمانة و نص 😐
درتها بروميوم من 10 في الشهر للدرك ملحقتش
انا ضاعتلي البطاقة الذهبية .نقدر ندومندي وحد اخرى نورمال؟
Si So