تجربتي في دبي 01
في حياتي سافرت الى بلدين فقط اسبانية 2018في شهر العسل و الإمارات العربية المتحدة (دبي) في مارس 2019.
والله تجربة رائعة لا توصف حبيت نشاركها معاكم جات الفكرة وحدها وكنت نشوف فيها مستحيلة لان كل واحد اقوله دبي يشوفها غالية ولو كان تخطط مليح برك وتنظم روحك تفوت سيجور هايل وبأقل ثمن كلا من هاذ للبلدين قبل مانسافرلهم كونت نخطط قبل بشهور مثلا
نحوس فالبوكنيغ فنادق رخيسة وفي قلب المدينة وقريبة من الميترو وتقبل الدفع عند الوصول وفيها فطور الصباح ونشوف تعليقات الناس لي راحتلها وانصحكم بمنطقة الديرة ونحجز بكارت فيزا Paysera و نحتها في قوقل ماب و تلقى بعض الفنادق تحجز بدون كارت فيزا و نبحت فاليوتيوب الاماكن الرائعة (برج الخليفة وبرج العرب ومول دبي. القرية العالمية…. الخ و نحوتهم في قوقل ماب ونشوف شحال بعاد من الفندق وكيف نحكم وسائل النقل وخاصة المترو لانه رخيص على الوسائل الاخرى
وكنت نحوس على تذاكر طيران رخيصة ستجدها في الخطوط الجوية الجزائرية او الأردنية تلقى فيهم برومونسيو من 39000 الى 46000
وبالنسبة لتأشيرة فهي إلكترونية مثل تاع تركية ثمنها من 16000 دج الى20000 لمدة شهر حسب الوكالة و في وقت وجيز من يومان الى اسبوع
وبالنسبة ليزاكتيفيتي(سفاري…) كنت نحوس في محرك غوغل ونحجز في المواقع تاع الوكالات الاماراتية ونخلص في المكان عند الوصول
بالنسبة للعملة صرفت الباسبور و شريت الدرهم الاماراتي فالصكوار 1 درهم =50 دج
غدا نكملكم عند وصولي الى مطار دبي والالتحاقي بالفندق.
مشكور
في إنتظار التكملة
Chakib Dubai lakan tad7er feha voyage rkhiss wejed l chta jey nchalah
Hkina ala l Espagne
والشعب نتاعها كفاه النظرة نتاعو إلى كل ما هو جزائري😉
تهلى كمل صاحبي راهي في خاطري قلت منها تحويسة منها تقلب علي خدمة تانيك راني نتبع في قناة جمال دين في اليوتوب عايش في الإمارات وحاط كلشي تفاصيل متعلقة بكفية العمل
واش رأيك في سكن المشترك نورمالمو ارخص بكتير من الفندق
الاسعار نتاع الفنادق اللي في قوقل ماب صحاح ؟
وكيفاش نعرف انو الحجز اللي بدون دفع مسبق ساري المفعول قادر تلحق لهيه يقولك ماراكش حاجز عندي ؟
اذا قدرت طاڨيني فل منشور دوزيام
..
اك
Firas Aribi