تشوف الأسعار تع لي يقولو عليهم مركبات سياحية و فنادق في الجزائر أسعار خيالية و م

تشوف الأسعار تع لي يقولو عليهم مركبات سياحية و فنادق في الجزائر أسعار خيالية و مبالغ فيها و كثير ناس ماذابيهم يروحو تماك بصح ما يقدروش .. هيا مليح الواحد يعيشو قيسو و ينحي من راسو هذيك تع لازم عليه يدخل ل للشيراتون ولا الماركير تسمى يقتنع بلي القدرة المالية ما تسمحش بصح في نفس الوقت الحاجة هذي لازم تخليه يخدم و يزير و يعفس على قلبو و يحسن الوضعية ديالو بأي طريقة ( في الحلال في الطبع ) منا الصيف الجاي إن شاء الله تخبي 5 مليون تروح بيهم لتونس ، 20 تديك لشرم الشيخ ، 30 و فيزا شنغن تديك لإسبانيا .. لازم نشوفو كيفاش نغيرو من الوضعية هذيك ، , نتا ما تقدرش تخلص 20 مليون باش تروح لكاش مركب سياحي ، كاين ناس لي تخلصها عادي و تخلص أكثر و أكثر و تروح لأي مركب تصيبو محجوز كامل ، لازم تنحي تخمام تع الإشتراكية من راسك و تشوف كيفاش ادير حل Life is not fair هذي هيا الحقيقة لازم نتقبلوها 👏🏻