تفرجت فيلم Concrete Utopia حقيقة خيب ضني مع الضجة لي كانت عليه قبل عرضه، فكرة الفيلم رائعة لكن التطبيق تاعها سيء فراغ كبير فالقصة ما حكاوش كفاه صرا الزلزال لي هو ما زلزال ما والو شغل حاجة خارجة من تحت أرض ، حاجة ثانية ما حكاوش شا هو لي خلى العمارة مميزة لهذه الدرجة باه كلشي يطيح و هي لا. ممكن يكون فيه جزء ثاني يحكي على لي ذكرتهم.
شيء ثاني أشياء كان ممكن تزيد جمالية الفيلم هي انهم يحكولنا كي كانوا يخرجوا يبحثوا على الأكل و البنزين مثلا آكلي لحوم البشر …
🔥🔥حرق في هذه الفقرة 🔥🔥لي ما شافش فيلم ما يقراش
آخر نقطة و هي موت بطل المسلسل لي ماكان لا بطل لا والو ( أغلب افلام و المسلسلات الكورية خاصة البقاء على الحياة يقتلوا البطل يزيدو شويا موسيقى حزينة و صاي) ما فهمتش علاه .
على كل حال الاخراج و السينماتوغرافي و التأثيرات البصرية كلهم كانوا روعة و الفكرة رهيبة تستحق تكون مسلسل قصير من 6 حلقات او 5 و ليس فيلم لأنه كان بزاف حشو لأحداث غير مهمة و خلاو الأهم .
نمدله 7 بسبب التمثيل الرائع و الاخراج و التأثيرات.
ملاحظة : فيلم نقي 100%
جماعة لي ما شافتش فيلم كاين حرق في الفقرة الثانية
حرقتلنا فيلم 😆
نفس الشيء تفرجتو و لقيتو ناقص شوية احداث مهمة
معليش هادي نوع من الافلام الفلسفية مشي تاع تشويق و احداث. برك الكاتب يخليك تحط روحك في وسطهم و تتخيل الاوضاع و شا كنت قادر دير و شكان قادر يصري
و الخطرة الجاية اخي اكتب بلي كاين حرق خصرتلي الفيلم دروك 😂😂😂
كنت قادر في بداية المنشور تكتب حرق ……… تعلمو تفرقو بين المراجعة ولحرق
Ay movie tsib bzaf ta bzaf hadra 3lih 3ref bli fih haja na9sa ,rani neviti ntfrj série wla film 9waw 3lih hadra🤷🏻♀️
لي قلقتني 🙂 أنو ندبت عليه حتى كرهت بش يخرجوا من العمارة وكي خرجوا جات في راسو هو 🚶🏻♀️
Jit ntfrjou mala dhok nsupprimih🤣
قبيل تيليشارجيته نسهر عليه وعجزت نشوفه 😅
مع التالي تحسب المخرج كان مزير
شكرا على الحرق🙂 الفيلم هذا بديتو و مكملتوش قلقني حسيتو ممل
5/10
6/10
Not Bad i give it an 8
هاد لفيلم مش كل الناس يعجبها..يعحب فئة لي تحب الافلام النفسية الفلسفية السوداوية شخصيا عجبني خاصة المندوب هو لي ركزت عليه فلفلم تمثيل مؤثرات كلش مليح ممكن ناقص شوي فالحبكة مي ليا يبقى يستاهل
ديما حاجة الي علاها ضجة تخرج قرنون
الكوريين مهما يجيبو أفكار خيالية يبقى التمثيل والحشو الدرامي الإجباري المقدس تعهم هو لي يسمطلهم الأفلام غير في حالات ناذرة .. هي تصلح يجيبو سيناريو تأليف كوري ويمدوه ليزاميريكان يديرو تحفة .