حبيت أنبه خاوتي على عفسة قادرة تصرا لأي واحد منا… عندها علاقة مع طريقة من التحايل لي يستعملها السا*رق.
📌بعد ما (الضحية) يمد كل #معلوماتوا و الكود الخ…
👈ايا السيد (المحتال) يبعثلك الدراهم ليك بلا مايعرفك ما تعرفوا، وامبعد بعد ما يجيب معلوماتك (بطرق ملتوية) من مكتب البريد ولا… يعيطلك يقولك راني غلطة بعتلك ليك ولا تقدر تبعتهملي لحسابي… و هو أصلًا راح يعطيك رقم حساب تاع إنسان آخر… بلاك راح يشري عليه بينانس ولا كاش سلعة …
⭕️هذي كامل باش هو مايخرجش ڤاع أسموا فالعمليات والتحويلات …
✅تسمى كي الضحية دير شكوى و يبداو التحريات … يخرج رقم حسابك و بلي أنت لي لحقوك دراهم وزدت حولتهم الخ… و هو #مخبي…
🟢لهذا حبيت برك ننصح خاوتي، ولا لحقك تحويل و عيطولك بعدها يقولك حولهولي لرقم الفلاني… أصبر بلعقل ما ترجعش ديراكت… خلي كي تخرجلك العملية في كشف الحساب و تشوف الرقم لي لحقوك منه الدراهم، عاود رجعلوا ليه، على الأقل ولا كانت فيها حكايت نصب، قال انا رجعت لنفس الحساب و ما حولتش لحساب آخر…
👈المهم كتبت بزاف علابالي…😅 لكن باش برك الناس تفهمني، شرحت شوية زيادة…
هذا … والسلام عليكم ورحمة الله.
ربي يحفظ الجميع.
#AP_HELPER
جزاك الله خير على التوضيح الأخ
يعطيك الصحة، انا على نيتي ، ماكنتش نعرفها هادي
كي يبعثلي نقولو شكرا.
منرجعلو ما نحوس عليه ثماااك يفهم بلي حتى اللصوص يقدرو يرجعو ضحايا 😁😁😁😁😁
👏🏻👏🏻👏🏻👏🏻 مشكور على التنبيه انا في الخدمة نقولهالهم
صح كيفاش يقدر يجبد معلوماتي ، طرق ملتوية!؟ اتا نعرف مايقدرش اي شخص يجبد معلومات شخص آخر عبر البريد الى في حالة امر من وكيل الجمهورية !
خلاصة القصة الي يقولك رجعلي روح اشكي بيه وديكلاري بلي وصلوك دراهم مهمش ليك عند البريد … مكاش لي يغلط فالدراهم في هاذ الوقت💁
بارك الله فيك
كي تكتب بزاف رانا في الفايدة خويا 😂
هي صح هذي مكانش لي علابالو بيها
الإخوة لي راهي تسقسي على كيفاش يجيب معلوماتي من مكتب البريد الخ…
نجاوبكم بمثال خاطر ولا عطيت الطرق لي يقدر يستعملها راح نولي نمد فكرة للمحتالين… وأحنا بالعكس رانا نحاربوا فيهم…
المثال :
تكون راح تجبد من الموزع الآلي ويجيك إنسان يقولك نسيت البطاقة وراني حاصل وسلكني الخ… يقولك نبعتلك دراهم لحسابك وأنت اجبدلي…
أنت في بالك راح تسلك واحد في ورطة ؟ بصح هو راح بعتلك من حساب الضحية الأولى … لي دخل لبريدي موب تاعوا الخ…
ايا انت تروح فرحان تقول ليوم درت الخير ، وكي الضحية يدير شكوى و يحوسوا وين راحت الأموال وكيفاش جبدوهم يلقاوك أنت …
تسمى تولي أنت هو المتهم الاول … مع إنك فالحقيقة الضحية الثانية …
هكذا باش الناس تفهم بلي يقدر يجيب معلوماتك بالتحايل على شخص آخر لي في بالوا راح يعاون…
معلومة جديدة
جزاك الله خيرا
يعطيك الصحة مشكور
rummy gold
nike sacai
無論是走進DW門市，還是在線下單，DW都將以其獨特的設計理念和卓越的品質，陪伴你走過每一個值得紀念的時刻。dw哪裡買最便宜