حبيت نمد رايي بخصوص تطبيق Threads ، مي اولا رني نشوف ناس تقول قوم تبع ، واش هو لي قوم تبع ؟ راك تستخدم فايس ؟ عندك انسطا ؟ تويتر ؟ يوتوب ؟ هذي كلها وسائل تواصل لا غير و هذا موضوع راه تراند عندو خمس سوايع ملي طلقوه عادي تكون الهدرة عليه بزاف بالاضافة لكون هذ المجموعة مجموعة تقنية يعني وينراه العيب ؟
.
المهم هذا تطبيق Threads منافس مباشر لتويتر و مهدد كبير بزاف ليه ، دوكا تقولي كيفاه تهديد ولا منافس لتويتر و هو ما زاد حاجة عليه ، و اجابة بسيطة لي هي ايلون ماسك و واش راه قاعد يدير لتويتر
.
لوكان Threads خرج فلماضي كون راه معندوش اثر و يموت فالشهر تاعو بسك محال ينافس التويتر مي من لي شرا ايلون تويتر و كان كاين سخط كبير عليه بداية بالتوثيق و الشارات لي قرر ينحيها لاي واحد ميخلصش ، دوك المشاهير 5-10$ تجيهم كي والو ، مي هوما يشوفوها بطريقة اخرى و هي ايلون راو يستغلهم باش يطلع عظهورهم و بدراهم على عفسة نرملمن تبقى مجانية.
.
و قبل حوالي اربع ايام ليميتا عدد Tweets للحساب عادي 600 تغريدة فاليوم و 6000 للحساب موثق فاليوم الواحد و تعتبر ثان وسيلة يضغط بيها على لي يستعملو تويتر بكثرة على انهم يوثقو حساباتهم
.
اعلان تع Threads جا فوقت مثالي بزاف وين اغلب ناس ساخطين على ايلون و التويتر حيث Thread يوفرلهم كل واش سلب منهم فتويتر ، بالاضافة لكونو متصل بالInstagram ، تسجيل ساهل بزاف ، اي حساب موثق فالانسطا يوثق ف Threads ، مجاني و بلا مننساو الFact كونو تطبيق تابع لل Meta و ثان كون بزاف مشاهير دارو نزوح كبير لهذ تطبيق
.
بالمختصر مارك راه منتصر حاليا ضد ايلون ، شخصيا نشوف كون تويتر يبقا بنفس سياسة الحالية راح يدفنو الThreads ، و نتوقع ايلون مراحش يسمح بهذ شي ، نشوفو المعركة لي رح تصرا بين هذ الشركتين
#1001app
ڤلو threads منافس ل twitter مقود أنت!
من اسمو ما يتهضمش .. الاسم في حد ذاتو نشوفو غير تسويقي تماما
ana yjini error ki nji ndkhl fih kach 7al ?
مارك و ماهدرش قد هك على ثريدز
Calm down
اي شيء جديد لابد من تجربته …. ولذلك نطرح سؤال … ماهو شعورك لما تجد شخص فتح حساب علي الفيسبوك سنة 2004؟ … ربما رح تقول ان هذا السيد كان يواكب وماو طالق والو … نفس الشيء بهاذ الموضوع ..لابد من زرع عادة في نفوسنا ب تجربة كل ماهو جديد ومتاح.
تويتر رغم المشاكل لي فيه، راح يقبى افضل تطبيق في مجالو، الا ادا قررر ماسك يقضي عليه نهائيا.
اغلبية لي راهم يقولو تويتر صاير راح جامي ستخدموه بالطريقة الصحيحة ولا ستفادو منو.
تحيا تليقرام ❤🤌
تقدر تكون حيلة تسويقية بين ايلون ومارك (يعني ماشي موحال متفاهميش او ياكلو في طابلة وحدة) وناس شوفها نزاع او م علاباليش
راكي ناسي اهم ميزة في التويتر لي مستحيل تلقاها في تطبيقات الميتا حرية التعبير مستحيل ذا التطبيق ينافس تويتر
اتفق
تصميم التطبيق فاشل 👎
محال ينافسه من لخر بدون حتى تحليل
فيه حرية تعبير ثريد هذا ؟ 600 تغريدة مشي مشكل و تعليق حرية التعبير هيا مشكل تع ميتا بالنسبة ليا
ما ينجحش التطبيق ذا
شعب تاعنا ما يعرفش الحوار و لا اسلوبه يعرف غير يتهجم لذلك اغلب الشعوب لديها مستوى حوار علينا يوجد شيئ اسمه المنافسة و منتوج بديل مثل قهوة او شاي قهوة و قهوة من نوع اخر ثريدز استغل الاخطاءالتي قام بها ايلون ماسك و التضييق الذي قام به في وقت مثالي
حتى ترامب طلق تطبيق مشابه لتويتر
تحليل لا علاقة بالمنطق
لحد الآن كبداية رغم الكم الهائل لمستخدمي التطبيق لي نصهم من باب الفضول
ما يقنعش كبداية ما نقدروش منافس لتويتر
حتى نفسيا تحس روحك مرتاح في Twitter أكثر
اذا منصة جديدة للتفاهة و جماعة كبس كبس انا اصلا ماعنديش انستغرام يعني هذا عيب من العيوب يعني ماتفرضش عليا يكون عندي انستغرام باه ندير ثريد هذا
اصلا كلمة ثريد هازينها من تويتر
تويتر ماشتهرش بالمشاهير تاع انستا اشتهر بالاخبار و كونو بروفيسيونال على الباقي
يقدر ينجح بالصح ماهوش راح يكون تويتر مهما حاول
حرية تعبير مكاش فيه عكس تويتر
با اخي سرعة وتزايد عدد الناس اللي تسجل ماهيش دليل نجاح ..الرسمي راه ممبعد كي تجربو الناس وتخدم بيه ..الان حب التجربة والاستكشاف هو اللي يخلي الناس تروحلو ،ممبعد يبان ناجح ولا لا وانجمو نقارنوه مع غيرو
Some people got so much time on their hands fr.
Bet you’ll use it in Jya7a just like every social platform out there. 🤷🏻♂️
موش حاجة واو ناس راح تسجل من باب الفضول برك
العبرة في المحتوى وليس العدداو التوقيت انا واحد من ناس منبدلش تويتر لانك مراحش تلقى نفس لمحتوى ، ثريدباينة رايح تلقى طاقي واحد صاحبك قلو اعرضني للغداء وغيرها لانو هذا مجتمع الفيسبوك تاعنا
اهم حاجة حرية التعبير تويتر فيه حرية تعبير اكبر و فيه كشف الحقائق و خاصة كشف خداع الاعلام و تدليسه و هذا الموضوع ازعج السياسة الغربية
تذكير جد مهم
مراحش توصل 600 تغريدة و محال تشوف حرية تعبير كما فتويتر
تفكرت مارك وايلوان ماسك مش كانو راح يديرو مواجهة بلملاكمة .الأمر هذا عنده علاقة ؟
هذا و ين درت عليها تعليق في منشور اخر .. اصبحنا امة جد تافهة للاسف .. هذا ماسك و مارك عباد عندهم الفيد في حياتهم من كثرة الدراهم و تاعنا واحد يعس في العركة تاعهم و واحد يستني في التطبيق الجديد .. امور تافهة … امة عزنا ربي بالاسلام و ذلينا رواحنا ..
مارك ينسخ كل مرة ميزة من التطبيقات ويديرها في تطبيق جديد ومحال ينجح بهذي الطريقة
الصح فالكاليتي ماش فالكونتبتي ابابا
I’m on Threads as @bk18c. Install the app to follow my threads and replies. https://www.threads.net/@bk18c
حاجة ماتنجح بالتقليد ماتكسرش راسك ماهوش منافس خلاص غير الهدرة راهي تدور كي راه جديد ايامات هكذا ويطفى
ياخويا والله قوم تبع وعيب كبير
أولا هذي الفكرة طلڨها عندو شعال مبعد لغاها وفي هذي الفترة بذات قرر باه يعاود يطلڨو وستعمل فيه بزاف خبث وتجسس على عملاء تويتر وكاين عملاء من الداخل بملخص القول راح يفشل التطبيق تويتر عندو اللمسة تاعو وحدو
تويتر = حرية تعبير ، هنا ولا انستغرام كون تسب ولا تهدر على بني قريضة تلقا روحك برا
التويتر هو تطبيق اكثر رسمية على ثريدز و تقدر تروح تشوف وين ينشر معظم اصحاب القرار آخر مستجداتهم و نشاطاتهم…
تطبيق ثريدز لحد الساعة مزال تطبيق للتسلية لا اكثر كبقية التطبيقات الأخرى و سوف تمل منه في اي لحظة…
– و من التالي صحيح ان الكثير يركب الموجة و يتبع القطيع ولا الومهم في ذلك.
اعتقد ان ايلون ماسك سيصل به الأمر يوماً إلى ان يدفع لنا من أجل الاشتراك في تويتر