#حوس_بلادك
السلام عليكم عائلة سياحة ، درتلكم تجميعية لأهم وأجمل الأماكن بولاية جيجل
نبدأ بالشواطئ :
الشاطئ الأحمر La plage rouge ، يقع غرب ولاية جيجل ويبعد عن مركزها بحوالي 44 كلم سمي بهذا الاسم نسبة الى لون رماله المائل الى اللون الأحمر وما يميزه ان الغابة والشاطئ ملتصقان ببعضهما .
الواد الصغير بزيامة منصورية : ليس رملي بنسبة كبيرة (حجارة صغيرة)
أفتيس بالعوانة : من أكبر وأجمل الشواطئ بمدينة جيجل يبعد عن المركز بحوالي 26 كلم
المنار الكبير : يبعد عن المركز بحوالي 10 كلم يحتوي على منارة تاريخية تم بنائها مم طرف الإستعمار الفرنسي
الخليج الصغير : يبعد عن المركز بحوالي 9 كلم يقع بمحاذاة المنار الكبير .
بني بلعيد (الساحل) : يقع شرق الولاية ويبعد عن المركز بحوالي 40 كلم
هذا بالنسبة للشواطئ الأكثر قبلة من طرف السياح في فصل الصيف وتوجد العديد من الشواطئ الاخرى ، لوكان نديرهم كامل لازم كتاب 🤣
بالنسبة لعشاق التخييم
الواد الصغير بالزيامة منصورية ، يقع خلف الشاطئ مباشرة وهو عبارة عن غابة ويمر عبرها واد ويعتبر من اجمل المناطق التي تستقطب عشاق التخييم من كل مكان .
جزيرة العوانة : الانتقال اليها يكون عبر القارب لمدة 10 دقائق الى 15 دقيقة
بني بلعيد (الشاطئ المخفي) : الانتقال اليه يكون عبر القارب انطلاقا من الشاطئ الرئيسي والمدة حوالي عشرين دقيقة .
أماكن الراحة والأكل :
الواجهة البحرية بومارشي : تقع وسط مدينة جيجل ، تعتبر المكان الأكثر قبلة من طرف السياح خاصة في الليل توجد بها مطاعم ومركز تسلية ، خيم صغيرة لبيع العاب الأطفال ، ملابس ، حلويات ، إكسسوارات ، اواني تقليدية … الخ ويوجد في وسطها “جدار” قديم يعود للعهد الروماني .
حديقة الحياوانات بأندرو : تبعد عن المركز بحوالي 15 كلم تستقطب السياح على مدار السنة ، تحتوي ايضا على مطاعم وحديقة تسلية .
الواجهة البحرية بالعوانة
ميناء بوالديس …الخ
عشاق الغابات ما نسيتكمش
غابة غروش ، تازة ، بن ياجيس ، برج الطهر ،اولاد عسكر …الخ
بالنسبة للأسعار ، العديد مم الأشخاص يضنون أن الأسعار بولاية جيجل مرتفعة لكن العكس تماما سقسي الناس لي موالفين يجو ما تشدش على هدرة الفيس بوك وممكن لي يقلك غالية جامي جا ليها .
الشواطئ جميعها مجانية ما عدى الباركينغ سعره 50دج ودي يقلك كتر من هكذا كاين مركز الدرك الوطني بكل شاطئ بالاضافة للي باراصول والكراسي والطاولات كل واحد كيفاش يحسبهم ولكن ينراوح السعر من 400 الى 600 دج اكثر من هكدا ما تكريش ، ملاحظة : تقدر تحط الباراصول تاعك في اي شاطئ حبيت واحد ما يحكي معاك .
حديقة الحيوانات : الباركينغ 50دج ، تذكرة الدخول : اخر مرة رحت ليها 30 دج للصغار 50دج للكبار يمكن تكون زادت .
المنازل وهي أهم شيء يبحث عليه السائح ، سعر كراء المنازل في ولاية جيجل يبدأ من 2000دج حتى 12000دج وذلك حسب ما يوجد في البيت والمكان ايضا يلعب دور كبير ، والافضل تحوس فالفيس بوك قبل ما تجي شحال من مرة نطيح في ناس وعايلات فالليل ما عندهمش بلاصة يباتو فيها لانهم جاو عمبالهم كاين منازل ولكن لقاوهم كامل معمرين .
علابالي طولت عليكم ولكن ان شاء الله نكون افدت واعطيت نظرة ولو صغيرة فيما يخص ولاية جيجل ، لجواجلة كاش ما نسيت زيدوه فكومونتار وكل واحد حاب يسقسي حاجة يتفضل وشكرا ❤
سد ايراقن غابة بن ياجيس واد زيامة لهو افضل من واد ليقروط ناس برك متعرفوش ماخداش شهرة
❤️❤️
Billal Achour ghir cheft jijel tfakertk 😂❤️
حنا فجيجل اهتمينا بالبحر و نسينا الطبيعة ، الطبيعة تاع جيجل شابة بزاااف
ولايتي شابة ❤
الشواطئ مالڨري فوضوية مي تتريڨل ساعة ساعة ، يخصنا غير لي يهتموا بالسياحة الجبلية و يسڨمو القطاع هذاك تولي فالقمة
كم انت كبير يا حرحور….. ✌️✌️✌️
انا زرت جيجل الباهية وعجبتني بزااف ان شاء الله نولي ليها ونشوفها مليييح ملييح وندور في كل بلادي
أجمل ولاية فالجزائر💚
#حرحور 🌶
او نسيت دزيرة صغيرة ومناخ يا مهدي 😂 بالاك يحبو يتخلواو وحدهم
كون تبع لواد هداك طيح في واحد شلال شباب بزاف بصح بعيد شوي
Mohamed Allal Jijel
شاطئ سيدي عبد العزيز و تاسوست من أكبر الشواطئ المفتوحة التي تستقطب الألاف سنويا
عندها عامين رحت لأول مرة لجيجل مع العائلة،، صراحة لقيت الاحترام،، مناطق الله يبارك،، اسعار معقولة،، ماشاء الله ❤️
لالا ماش هو
aw nsit lzra9 w tani ya mehdi hh ❤️
جيجل القلب ❤
برعاية #حرحور 🌶️🌶️🌶️
Ma wilaya 😍😍❤️
حرحور ❤️👏
بالنسبة للشواطئ نسيت شاطئ اولاد بونار لاكريك.وبالنسبة للغابات.غابة طهر مدران.وكلك منطقة سيدي عبد العزيز.منطقة حية فالصيف.ومام السكنات رخيسة.وبالنسبة للطرقات الشابة.كاينة لعرابة الرابطة بين بلدية العنصر وبلدية الميلية.وبالنسبة للسدود وهى اماكن بزاف شابة.بفبلدية الميلية سد اولاد عربي.مكان جميييل جدا.كاين ايضا جهة وادد زهور طريق جميييل جدا وشاطئ رائع.وهى منطقة رابطة بين الميلية وولاية سكيكدة.لكن للاسف جيجل تفتقد للفنادق الراقية.في حين ولاية جد جميلة
Khiro Mehibel ابدا تحسب 😌
نسيت الكهوف العجيبة اللي تعتبر من أهم المعالم السياحية فالولاية
من أحسن المناطق السياحية بإمتياز
بلايص صح شابين مي سركالة تنفخ
نسيت حرحور💥💥
جيجل حقا رااائعة 😍😍
بارك الله فيك مهدي
Beau paysage mais le service et l’accueil est nul j’y reviendrai jamais
جيجل روعة وأجمل بلاصة عجبتي فيها زيامة والواد هذاك شباب و ناسها ما شاء الله أحييهم.
غابات وجبال جيملة وتاكسنة
ومركز التسلية والترفيه لي فكيسير راهو قريب يفتحوه وكاين واحد بخلاف في تاكسنة في طور الانجاز
لغلى كاين واحد ماقال انا العام لي فات كيما الكورنيش حطيت 10 الاف شدها وعطالي قرعة ماء وسخونة كون غير جات باردة بقيت نستنى الصرف قالي هداك هو قتلو هاك مانشربش نموت بالعطش ومنموتش بالقنطة نتاع قرعة ماء 10 الاف في بلادي وخلي وخلي جاجة 120 وباركينغ 20 الف…….
كما نقولو كاوليد بلاد جيجل كل المناطق جميلة و اماكني المفضلة هيا la crique و grand phare وخاصة الي حبو يعومو فصخور أماكن متندموش عليها ومرحبا بالجميع
بلاج روج 😍😍😍😍😍
الباركينغ رحنا العام لي فات كااامل ب 10 الاف و 20 الف مام دقيقة والماء من 5 الاف والدجاج فروجة ب 90 الف 😕
بصح من أجمل الولايات ونحبها بزاف 😍😍 ان شاء الله نرجعلها
صحيت يامهدي 🎩
ودي يحتاج حاجة يتصل ✌
هادو ڤع اللي حكيت عليهم مايبنوش مع الواد تع يرجانة روح و شوف تعرف واش راني نهدر
la plage rouge اجمل شاطىء في ولاية جيجل من الجهة الغربية و لي افتيس ثاني
جيجل أجمل ولاية ساحلية بدون منازع المشكل في الخدمات مكانش خلاص و زيد الغاشي ماتلقاش حتى باركينغ و الكارثة الكبرى هي حديقة الحيوانات نتمناو يتهلاو فيها لأنها الوجهة الأولى للعائلات الجزائرية خلال فصل الصيف
En 2015 😉😉 fi 2 joure ana w sahbi dorna jijel kaml b 300 alf l7adi9a w lbabor w fiha
jijel chaba bezaf nature forte
Rahim Bounneche wech rayek shaybiiiiii
Taza jijel
احسن بلاصة نرتاح فيها كي نروح جيحل
Grand phare
خاصة لعشية كي يروح الغاشي و تتنحا السخانة .
ممكن تعطينا ارقام هواتف لي الجماعة اللي تكري المنازل
علاش ما نقدروش نشاركو منشوراتكم معليش تشغلو هاذ الميزة باه نشاركوها على شكل رسالة للناس الي تهتم
يعطيك الصحة