خطرة كنت في الجزائر كنت حاب نروح كاش مسبح ، رحت لواحد الفندق في غرب العاصمة ، جيت ندخل قالي 3 مليون !! خزرت فيه قتلو مبلغ ماشي مبالغ شوية !! معليش نحكي مع المناجير تع الفندق ؟؟جاء واحد قالي واش كاين ؟ قتلو 3 مليون الدخلة ماشي غالية شوية ! قالي أرواح معايا الداخل .. قالي ما نكدبش عليك ، الدخلة كانت 3000دج ، كانو يدخلو من هب و دب و حتى ولاو يسرقو الهواتف الداخل ، قالي راك تيماجيني نتا ولا أجنبي تجي تحجز غرفة في الفندق ب 2-3 مليون لليلة و تحب تهبط لابيسين تصيبها معمرة و بالاك يسرقولك التيليفون !! قالي درناها غالية باش نستهدفو فئة تع واحد الناس من المجتمع .. هيا غالية بصح قتلو صاح من حقكم و بارك الله فيكم انا ما عندي ما ندير و ماراحش نغير السياسة ديالهم ، قالي تحب تقعد و الله مرحبا بيك و من عندي ما تخلص والو .. نقلت برك واش قالي هدا ماكاين ، هيا كي تجي تشوف في الجزائر لازم الواحد يتقبل بلي كاين طبقات في المجتمع كاين لي ربي رزقو مال كثير و كاين لي ربي رزقو قليل .. كاين لي يقدر يخلص 3 مليون عادي و كاين لي ما يقدرش يروح للشواطئ العمومية مع الغاشي و كاين لي ما يحبش الغاشي يروح للشواطئ الصخرية … لي عندو الدراهم و الملايير ربي يباركلو ماراحش يجي يعوم معاك في الشواطئ العمومية باش نتا ترضى عليه و تقول هذاك راجل ، سنة الحياة الواحد لازم يتقبل الوضع ديالو و يشوف كيفاش يقدر يغيير الوضعية الإجتماعية ديالو باش يقدر يروح وين يحب و يعوم وين يحب و يشري واش يحب … بزاف فنادق في الجزائر أسعار خيالية بصح نصيبها معمرة في الصيف ، كي تشتكي في الفايسبوك حاجة ما راح تتغير ، الواقع شيئ و المواقع شيئ آخر 👏🏻
تأمني السجادات و سرقوهم من لي شومبر
عقلية السوسيال والزوالي لي يدير كلش مراحش تخلاص في دزاير
بالمختصر المفيد . الدزيري يظن أن كل الناس لازم تعيش في نفس المستوى . رغم أنه حتى في عهد الصحابة كانت كاين الطبقية
صح
Oui malheureusement notre peuple ne changera jamais
هدا حتى كي راهو زايد فيها حصلها فالشعب !
خلينا م السرقة هديك تبقى مسؤولية تاعو هو وماشي سبب باش يزيد السعر حتى لهنا
هل الخدمات الي فالمنتجعات تستاهل تدفع عليها 3 ملاين ؟
النظافة ،الراحة ، الأكل ، جودة الأثاث ، الأنترنت !
الاغلبية لالا موسخين ، الخدمات رديئة العمال مايعرفوش يهدرو ويتعاملو مع الناس ..
تحيا شواطئ الصخرية 😋
و هل لي قادر يخلص هذا المبلغ بالضرورة انسان مربي و ما يسرقش!!!!!!!!!!!!رب عدر أقبح من ذنب
عندك الحق نفس تحليلي دائما نقول الفنادق غالية باه أصحابها يتفاداو من هب ودب ونفس الملاحظة بالنسبة للاكتظاظ فيها
أحنا ما نتقبلوش بلي كاين ناس مرتاحة ماديا و من حقها تتمع بنعمة ربي
كيما الفقر ماشي عيب حتى الغنى ماشي ذنب
المبالغ العالية هي لغربلة الناس و كل واحد يعيش في مستواه
لكن تأكد أن هناك الجيعان و المفسد حتى لو يخلص الملاين يدير الكشايف
روحنا لتالاسو سيدي فرج نسقسو على الأسعار لقينا ناس لاباس بيهم مخلصين إشتراك غالي طول فترة الصيف لقيناهم كسرو لادوشات تاع ليتواليت أعزكم الله باش يدوشو من الملح و الرمل في التواليت 🤦♀️ و المؤلم أن المركب كان هذاك وين تم تجديده و ترميمه
السوسيال قعر البلاد
لمختصر لمفيد رح تدخل لبيسين نتاع 300الف ب3 ملاين
تبرير ما عندو حتى معنى …سراقين يقعدو سراقين !! .حط خدامة ووقف مع صوالحك واحد مايتلاح ليك
اصلا اغلبية لي قادر يروح يدفع ثلاثة ملايين في دخلة تع فندق او جابهم بالسرقة …الا من رحم ربي ..هذا العذر..تع سراق يسرق في سراق ..وحصلها في زوالي سراق 🫢
يتساوى الناس في الموت فقط.
احسن هدرة ف العقد الاخير 💚
Hadra F placetha ❤
حتى هما سراقين لان الخدمات كارثه مكانش احترافيه.
وجهة نظرك ماعجبتنيش وغير منطقية
يعني راك تقصد بلي الناس لي معندناش سراقة ؟ وهذا فيه شيء من التعميم، بالمختصر بيسين ب 300 الف يردها 3 ملايين هذا ايضا ينافي المنطق وحب يطغى ويكعبكم حتى ولو استهدفو الفئة لي عندها الدراهم هذي سرقة حبينا ولا كرهنا
مشكلتنا فالجزائر هي مشكلة أخلاق ومبادىء مشكلة أعمق بكثير من الغنى والفقر مشكلة اكبر من بيسين وشواطىء عامة ، مشكلة في عمق المجتمع وفي نظري وبحكم خبرتي القليلة هذه الفروقات هي لي تزيد ترسخ الكره و السرقة كشغل يحبو ينتقموو من الناس لي عندها ، اذا حبينا تغيرو الواقع لازم نروحو لمكان الإصابة ونترباو و يكون كاين الردع والرقابة ونغرسو في الجيل القادم المبادى وآداب المعاملة وحسن الخلق
Soo funny حق ربي 😂😂😂😂😂😂😂😂😂😂😂
وميفاش بانتلك بيسين بثلث ملاين حاجة منطقية؟؟
وحنا الفئة لي فالوسط ، مانحبوا نروحوا عند هادوك ،مانقدروا نروحوا كما لخرين،،،، المهم انا شفت واحد حتى الساشي تاع السكر وداهم معاه فالصاكادو 😆
هذه السياسة متبعة في جميع الدول .. كل فندق عندو شريحة من المجتمع يستهدفها ، والسيد عندو الحق لي حاكم شومبغ بتلات ملاين الليلة يهبط للابيسين يلقاه معمر وزيد يسرقولو تيليفونو مانظنش يزيد يرجع لهنا سمعة الفندق لي راح تتقاس و هو راه خدام على روحو ماش حال جمعية خيرية والزوالي تاع الصح راه يخمم فالضروريات ماش الكماليات
نعرف واحد عندوا كانت عندوا طوموبيل دير 400 مليون يدخل سوبيرات يسرق جيلات تاع 48 الف
بسيف لافقنالوا
10/10