درت مسابقة فالصفحة تاعي و كاين ناس من منطقتي دايمن يربحو حتى حفظت اسمواتهم كيفاش نفيقلهم بلي تاع تبادل و لي جام تاعهم مشي صح ؟؟؟ ندخل فالاسموات لي يطاغيوهم نصيب مكان حتى منشور و تاني عدد لي جام يزيد بصورة مشي نورمال و صفحتي مزالها نفسس العدد يعني ما طلعوليش لاباج من فضلكم حبيت دليل باش كي نقصيهم ما يطيحوش عليا بالسينيال من فضلكم و الجائزة حبيت يديها لي يستاهل مشي هذو الغشاشين من فضلكم نوروني
علابالي غلطت كي درت عدد لي جام 🥺اول مرة ندير مسابقة
Posted in Tech
حفظت اسمواتهم دايمن يربحو ___ اول مرة دير مسابقة
المهم مرة اخرى غير شروط المسابقة
مثلا طاڨي 5 صحابك ويديرو اعجاب في الصفحة
خليهم و بدل الشروط
دير طاقي 5 اصحابك و لازم 5 هاذوك يديرو متابعة للصفحة و خلينا قرعة احسن من ليجام
ولي يديرو لهم الجام باينيين مثلا اقامتهم وزيد يطاقو عدد معين من الناس و واذا مزالك في الشك بدل يديرو جادوغ اصلا من الاشخاص لي يديرو الجام باينيين اذا جزائريين او اجانب تما تفيقلها
خويا كاين مواقع تقدم هذه الخدمات ( زيادة اعجابات ، تعليقات …الخ) وكلها بحسابات وهمية .
الحل باين انك دير بوست وتقول فيه بلي الفائزين يستعملو طرق غير شرعية وحسابات وهمية للفوز ، والشي هذا راح يتقبلوه .
وما تمدش جائزة لشخص ما يستاهلهاش وانت عارفوا ، من جهة هم مستغلين نيتك ومن جهة اخرى ظلم لباقي المشاركين .
مظيرش متشور عام
ديرو مخصص
باه مواقع رشق متخدمش
دير أكثر شخص يطاغي اكبر عدد من الأصدقاء في أكثر عدد من التعليقات ( ماعرفتش نصيغها هه المهم قصدي كل تعليق يطاغي فيه واحد)
ارواح پريفي خويا نقريك ف اسرار المسابقات والله
المسابقات هادو رجع ليهم ڨروبات وبزاف عفايس راهم يديروهم باش يربحو وكاين ناس رجعو معروفين يشاركو فكلش يومياتهم تمضي غي فهاد المسابقات ولي يربحوه يعاودوله البيع اذا خصك مسابقة مستحيل يكون فيها الغش دير تاع تخمين الرقم الصحيح كاين موقع يعطيك الرقم وديرله كابتير وتغطي الرقم
مدها لتوب فان علاه تدير مسابقة ودير بوست بلي راك داير جائزة للتوب فان باه يتفاعلو مع طالعة ونازلة
كاين تطبيقات ومواقع للاختيار العشوائي للرابحين من خلال التعليقات وإحتمالية التكرار قليلة وفيها ضبط للاعدادات
اعطيني الجائزة وهني راسك
الشروط هي الشروط متقدرش تقصي واحد حقق الشروط المطلوبة للربح
دونك هنا بدل شروطك قال مثلا كومونتي من واحد ل ميا بدون تكرار ونتا خير رقم من واحد لميا يربح عن طريق مواقع مخصصة لذلك
كاين تطبيقات بززاف تع زيادة لايكات وؤزيادة متابعين