❌ لكن من ناحية المصداقية وبعض عمال هذا البارك للأسف لا يجيدون التعامل إطلاقا مع الزبائن، خاصة واحد يعمل في الإستقبال وين يبيعو التذاكر، انت راح تخلص وتدخل بأموالك ويزيد يشنف عليك ويقلك ماتسقسيش كلش مكتوب قدامك وماتكثرش معايا الهدرا اعطيني الصوارد نمدلك التذكرة وادخل ( للأسف هذا هو أحد عوامل فشل الخدمات السياحية في بلادنا) على الأقل حطو واحد او واحدة يستقبلوا الناس بالابتسامة والتعامل الجيد لأنهم أول صورة للبارك.
❌ الحاجة الثانية لي معجبتنيش كي تقرا الأسعار سواء في حساباتهم الرسمية وحتى لي راهم حاطينها في مدخل البارك تلقى سعر دخول الشخص بدون خدمات اضافية كالاكل هو 2000 وكاين خدمات اضافية (اختيارية) حسب اللافتة المنشورة ويكون السعر كامل بالدخول + الخدمات (وجبة الغذاء) هو 3800 دج.
لكن للأسف غير توصل تقلهم حاب نشري تذكرة تع دخول عادي بدون خدمات يقولولك لا كمجموعة شباب لازم تدخلو بالخدمات وتشري تذكرة تع 3800 والعائلات فقط هم لي يدخلوا ب 2000، حاولنا نهدرو معاهم قلنالهم علاش ماراكمش حاطين هذه الملاحظة في اعلاناتكم (كاين ناس شافوا السعر 2000 دارو حسابهم الدخول بهذا السعر حتى منعوهم من الدخول وماكانش عندهم اموال اضافية، وعاودوا رجعوا ومنهم ياسر تنقلوا من ولايات بعيدة ومادخلوش بسبب هذا الشيء المؤسف)
✅لكن عموما العمال لي في الداخل لقيناهم قمة في التعامل مع الناس ويقدموا نصائح ويبقاو يتبعو في الشخص حتى يكمل اللعبة حفاظا على سلامته ومنظمين الألعاب، ياريت هم لي يحطوهم في الاستقبال)
✅ من ناحية الأكل ووجبة الغذاء أيضا عجبتنا عادي مقبولة.. ومن ناحية التنشيط في مسبح الامواج مدايرين ديدجي مليح .
◀️ وعلى العموم هذا تقييمي للبارك: ✅❌
الخدمات: 7/10
الاستقبال: 1/10
المصداقية (ماهو منشور والحقيقة): 0/10
الألعاب: 7/10
عمال تنظيم الالعاب: 7/10
تنشيط المسبح: 8/10
النظافة: 7/10
#1001_rating
Posted in Tourism
Mostaganeme 4500 d les adultes sans repas
Quand les clochards et les apaches prennent le monopole du tourisme algérien ça donnera ça .
مكانش كيما واحد لمخلوقات في بلاج كاف فاطمة
هذاك الdj والغاشي لاصق في بعضاه ويتشاطحو ابو جهل وما دارهاش
شفتهم تشوكيت هربنا
ربي يهدينا
مليحة على لعمووووم عجبني لحال
Vous avez totalement raison
التنشيط بالDJ..!! 🤔🤔 تؤول إلى الزوال ولو بعد حين 😎😎
عامل الاستقبال عندو الحق، لأن الشعب راضي بالذل وكون يقيمك تتكبر عليه، كون جا كل واحد يلقى معاملة سيئة وعدم مصداقية يبطل ما يدخلش درك يتربى ويولي يحلل، كون نشقى من تمنراست لسكيكدة ويحكي معايا كيما هك والله ما ندخلها نفوت جورني في الغابة والى البحر ونروح
مارينا دور خدمت فيها 2016
كي تعرف مول لوثال كيفاش جاي تفهم علاش نت شفت المعاملة هكيك
باش تخدم تم و طول لازم تكون قرثال بمعنى دير اي حاجة يقولهالك هداك لعبد حتى و على حساب شرفك
ايا ملا اي انسان عادي ما راحش يكمل يخدم تم
و النتيجة لعيباد لي تخدم تم بهاديك الطريقة
و كاين قصة صرات لعوام لي فاتو كانت طفلة تونسية هي لي حاكمة لباب وانتهت القصة بهاربة بدراهم كبار لتونس بيسك ترڨد مع فولان x وخدمت خدمتها ..
3800 دج والله ما ندخلها و تهدرو على تونس و تقولو غاليه
لازم مدير المركب يشوف هاد التصرفات وياخذها بعين الاعتبار لخاطش العامل رآه يهرب في الزبائن لخاطش داير في راسه بلي يخدم الصيف برك ويحبس
من المفروض هكذا تعامل مع الزبائن مكانش لي يدخل عنده
Alaedine Mezli
من أسوء المنشآت في البلاد هو هذا الفضاء ، لا نظافة لا معاملة لا استقبال ، صاحب فندق 5 نجوم داير كرسي تحت الشمس ويعس فاللي داخل واللي خارج مش مربي وجهو صحيح وزيدلها سراقين تدخل عال 2 تاع عشيا يقولك خلص 3800 الغذاء اجباري رغم أن الفضاء يغلق ابوابه بعد ساعتين فقط
البلاد هادي لا تسقمت تتسقم على ١٠٠٠٠ عام
ديجي مع المنشط فيصل بزااف هايلة غيرها الماء خضر و لغااااشي …
انا راني في فندق رويال..زوج خطاوي بجنبي..من الشمبرة نشوفها..باش مانقعدش نقطع فيهم…الصراحة ..دخلت بزاف اوتيلات…تحيا صحاب الغرب…فندق خمسة نجوم..زعما..نقصد رويال توليب..القهوة يقلك خلص..والمشكل كلش باطل..انا قلي خلص..رحت كليت كروفات..وزوج جي مكرة اديتهم..ياك قاع نتبعو الباطل
عندو حق 100% لانو شعب وتعامل مع شعب يفرض عليك تزير وجهك + نورمال مو جاوبك وقالك كلش مكتوب 😒
Hichem Hichemo Saad Ferahtia
راكم شافيين كيفاه دخلنا 😅
من اكثر المشاكل لي تخص السياحة في الجزائر هم مقدمي الخدمات .. يعني تلقى مول الشي يخدم الابن تاعو او احد المقربين بلا ما يخسر عليه اي تكوين في هذا المجال وبسبب تاعو يخسر السياح
نفس الملاحظات اخي و نفس التعامل انا رحت في 2019 مع صحابي محترمين عادي بكرنا على 8 تاع صباح و كنا اللوالا في الانتظار كي حلوا جا هذاك لي ينظم الدخول قالنا نتوما وليو ملور قلنالوا علاه جينا لوالا قالنا هكاك ليفامي قبل ممبعد الناس شافو فيه قالولو رام قبلنا خليهم يجوزو قالهم انا نحكم هنا و ولينا معليش محبيناش نخسروها
كي ولينا لور و لحقت دالتنا حبينا باك تاع 2000 كيما قال مول المنشور و لكن قالك ممنوع و نتوما شباب يا تخلصوا 3800 يا روحو و يتعامل معانا بوخد الفظاظة و التكبر
ممبعد جاز المدير ولا منيش عارف بدا يشيتلوا قريب يسجدلوا من النفاق
ممبعد انا حلفت لا ندخل سكارة رحت جبت دراهم و وليت و دخلني انا و صاحبي قالي هذا معجبنيش يبان واعر المهم دار فينا العجب باه دخلنا وكلت عليه ربي في وجهوا
اما الداخل عادي كل شي لباس و مكان حتى مشكل
المهم هذاك السيد لي كان شاد التالكي والكي و لاعبها واعر نقولك ربي وكيلك ان شاء الله ذوق الرخص هذاك في حياتك كامل
Ha و الموسيقـى الديجي مليح الاخ ولا غي يخلط برك ???!
غير الڨليط يدور تما يديرونجيو فالعايلات
كاين الغنا خويا ؟ واللباس محترم ؟ يعني لي يحب يروح مع العائلة وين مكانش الغنا و الهرج مليحة ؟
حبذا لو حطيت نفس التعليق في google
لازم تكوين ودورات تكوينية ومدارس السياحة ميش جيب من الشارع وحطو يخدم أو يستقبل،
صغير وصوت الموسيقى مرتفع يتعب الراس
عندو سمعة سيئة جدا للأسف المكان هذاك
Islam Bendifallah Zinou Takouachet Ilyas Hamdii
الله غالب جل الشعب معقد من العمل عند الخواص و داير في باله غادي مايطولش في عمله ، بمعنى تبدل و لا ماتبدلش غي كيف كيف
تنقيط منطقي
ياخويا عندنا في بسكرة أكبر ممو بكثير
1000دج فقط.
الصراحة لداخل شويا خصهم بيسنات اكثر سيرتو الارجوحات تاع ستة هاديك بيسينها غارق يزااف لي ما يعرفش يعوم تقبضك خلعة تحبسلك قلبك وفيه الغاشي يسبح لتم من المفترض الارجوحات عندها مسابح خاصة وما تكونش غارقة بزاف وزيد الغاشي يتعلاوي وسيوطيو تكره حياتك وزيد الماكلة بيتزا صراحة لابنة لاطعمة يقولك80 هادي المرحومة فيهم احسن الواحد يدخل ساندويشات معاه ويهني راسو
واش يجيك من واحد طالع بالشراب و الفسق و الحرامات راه تلقى عندو التربية مثلا ههه
Aquatica rodina c le meilleur fi kolesh top
Lotfi Oussama Ahmed Yacine haka sralkom ntoma