سؤال وجواب 1) أسكو نقدر نرجع للسرعة القديمة بعد ما طلعتها ؟ – لازم عام باش تقدر ترجع أو تخفض سرعة الاشتراك 2) أسكو

⭕ سؤال وجواب

1) أسكو نقدر نرجع للسرعة القديمة بعد ما طلعتها ؟
– لازم عام باش تقدر ترجع أو تخفض سرعة الاشتراك

2) أسكو الVDSL فيها عرض واحد فقط تاع 50Mbps
– لا ، فيها ثاني عرض 100Mbps (غير متاح للجميع)

3) واش هو أقل عرض في Fiber و ADSL ؟
– عرض 10Mbps بسعر 1600DA ( 160 ألف )

4) أسكو فاتورة الهاتف الثابت إجبارية ؟
– نعم

5) شحال لازم ندفعوا فاتروة الهاتف الثابت
– غالب المستخدمين 60 ألف كل شهرين وكاين لي أكثر

6) أسكو كاين لي يخلص أكثر من 60 ألف في الهاتف الثابت؟
– نعم ، لي مشترك في خدمات زيادة تخص الهاتف الثابت

7) أسكو نقدر نخلص غير 50 ألف ولا 100 ألف ؟
– نعم

8) شحال يعطولي يوم ؟
– حسب الاشتراك لي عندك

9) كاين موقع يستعملوه بزاف باش يقيسوا سرعة الانترنت واش هو ؟
– موقع Speed Test

10 ) كيفاش نعرف شحال بقالي انترنت وندير تعبئة احتياطية وغيرها ؟
-دير حساب في فضاء الزبون ولا تطبيق My Idoom

11) أسكو عمال الجيش المتقاعدين يستفادوا من التخفيض؟
– نعم

12) أسكو عرض 10Mbps غادي ينحيوه مستقبلا
– غالبا نعم

13) أسكو كاين فرق بين Idoom Fiber Gamer و Idoom Fiber في الPing ؟
– نفس تقنية النقل مع اختلاف التسمية واش تتوقع مثلا !

14) أنا شخص يهمه التصفح فقط ماشي تاع صناعة محتوى وألعاب واش أرخص وأحسن سرعة تناسبني ؟
– سرعة 15Mbps تكفيك ، (هي 10 ميغا تكفيك بالراحة لكن غادي ينحوها بصح إذا قدرت تديرها ديرها )

15 ) أنا كصانع محتوى واش أحسن عرض يناسبني ؟
– كصانع محتوى تحتاج على الأقل 25Mbps سرعة رفع (Upload) يعني عليك وعلى عرض 100Mbps فما فوق

16 ) أسكوا نقدر نخلص فواتير الهاتف الثابت بلا مانروح للوكالة ؟
– أكيد ، بتطبيق My Idoom

17) عندي عرض 1Gbps وبالكابل ماتوصلنيش السرعة كاملة ، واش المشكل ؟
– باش توصلك كاملة لازم يكون عندك كابل Cat6 فما فوق ولازم كرت الشبكة في حاسوبك ثاني تدعم 1Gbps فما فوق

18) عندي عرض 300Mbps وماتوصلنيش السرعة كاملة بالويفي ، واش المشكل ؟
– من عرض 300Mbps حتى 1Gbps فما فوق لازم كل من المودام تاعك والهاتف يدعموا Wifi 6 فما أعلى ولازم كذلك تضبط الإعدادات المناسبة في المودام باش تجيك كاملة

19) أسكو كاين احتمالية أنه تكون عندنا عروض أكثر من 1Gbps
– أكيد إن شاء الله ، لما لا

20) عندي 1Gbps وفي التحميل كاين لي يقلي المفروض تجيك 128Mb/s و كاين لي يقلي المفروض 125MB/s
دخت بيناتهم على بالك 😅
– الخلاصة دون شرح طويل :
1Gbps = 125MB/s
( الشرح يحتاج منشور وحده خاص بالوحدات )
أي خطأ أو تنبيه يرجى تنبيهنا عليه وبارك الله فيكم