سلام، الرحلة: اسبوع في ايطاليا، شخصين (شابان) الميزانية: 650اورو كل واحد الانطلا

سلام،
الرحلة: اسبوع في ايطاليا، شخصين (شابان)
الميزانية: 650اورو كل واحد
الانطلاق كان من باريس مطار اورلي نحو ميلان، وصلنا ميلان كرينا سيارة لمدة اسبوع ب 200 اورو، الكيلوميتراج اليميتي، فوتنا نهار في ميلان و المبيت كان في مدينة بحذا ميلان، صراحة ميلان معجبتناش، الفايدة فالسيارة انو تقدر تبات ف les villes لي قراب للمدن الكبيرة بسعر اقل بكثير، المبيت كان ب 30 اورو بيناتنا par airbnb، صباح اليوم الثاني مشينا ل venice، وصلنا وقت غداء، تفاجئنا ب الزامية الدخول لباركينغ او عندك ساعتين فقط في parking publique, رحنا خليناها نهار كامل ثم، بالطبع لقينا بروسي 30 euro, خير من البارك بريفي 12€ الساعة، الحقيقة انو venice مدينة خرافية، من افضل 5 مدن زرتهم في حياتي، المبيت كان في مدينة قريبة ليها ب 50€ بيناتنا، الصباح حكمنا طريق فلورنسا، كانت يعيدة نوعا ما، peage غالي جدا في ايطاليا، الطريق الوطني افضل لكن محطات الوقود ناقصين بزاف، تضاريس ايطاليا ذكرتنا بزاف ب شمال الجزائر و مختلفة جدا عن فرنسا، مع وصولنا ل فلورنسا كانت معمرة بالحركة، مكانش les places de stationnement, فوتنا وقت مليح بزاف في فلورنس و عجبتنا اكثر من venice, الشي لمليح فيها الحركة و كاين الشباب بزاف و مهراجانات صغار، تماثيل و الكثير من القصص، واش عجبنا في فلورنس هو vibe de la ville, الصباح لي وراه حكمنا طريق روما، روما منظمة جدا و مكانش مشكل السطاسيونمون كامل، مليحة بزاف لخدمة و الاستقرار، و نظيفة. بعد ما بتنا فيها مشينا ل مدينة بيزا، باش نشوفو البرج المشهور، حقيقة كاين غير الكهول في هاذيك البلاصة، مقعدناش فيها بزاف معجبتناش، هي و ميلان كانو مضيعة للوقت، بعد بيزا زدنا ولينا ل فلورنس فوتنا نهار، بعدها جا وقت البحر رحنا cinque terre، نقدر نقول مليحة لكن انا نحب الشطوط المنعزلة لذا نورمال اذا تحب تشوف مناظر مليحة تعتبر وجهة جذابة، العودة كانت من مطار ميلان ايضا.
السيارة كانت fiat500 hybride، ساعدتنا متكونصوميش، المسافة حوالي 2500-3000 كلم، الماكلة في ايطاليا ماش غالية كيما فرنسا، فلورنس ننصح بزاف بيها مدينة روعة، اي حاجة نقدر
نعاونكم بيها سقسوها ف ليكوموتار.