سلام ، بعض النصائح عند زيارة للولايات المتحدة الامريكية (نيويورك خاصة): 1- الا

سلام ، بعض النصائح عند زيارة للولايات المتحدة الامريكية 🇺🇲 (نيويورك خاصة🗽):

1- الانترنت موجود في المطار مجاني ، يمكن تسجيل الطريق في خرائط قوقل مع عدم الخروج من التطبيق ، وتتبع المواصلات ،حتى الوصول الى مقر السكن. (شرائح الهاتف في المطار غالية)

2- هناك عدت شرائح هاتفية اشهرها وارخصها للسائح هي H2O ، ولكن اذا كان عندك هاتف فيه تقنية esim انا نفضل شريحة Tello رائعة وسهلة الاستعمال.

3 – كل ما قيل لي عن العرب غير صحيح ، اكثر ناس ساعدتني هي العرب وخاصة الجزائريين سواء كانو من معارفي او ناس تلاقيت بيهم صدفة.

4 – عند العرب الاكل حلال والاسعار مناسبة وكي يعرفك عربي كيفه يزيدلك في الكمية وينقسلك في السعر 😅 ولكن هذا ما يمنعش تجرب الاكلات من مطاعم عالمية.

5 – حاول فهم بطاقات وسائل النقل قبل السفر وايضا الفرق بين بين مدينتي نيويورك وجيرزي سيتي. راح تخسر بزاف دراهم وتتعب ذهنيا وجسديا اذا ما فهمتش الاماكن وكيفية التنقل.

6 – حاول الاستغناء عن الميترو قدر المستطاع و استعمال الدراجات الهوائية او الكهربائية للتمتع اكثر.

7 – افضل شيء في امريكا هو التسوق ، اشهر المحلات الي تجيب الالبسة الاصلية وتعمل تخفيضات مذهلة هي tjmaxx و marshalls و الافضل هو Ross ولكن للأسف مكانش في نيويورك.

8 – الناس اللي عندهم مشكل في الاحذية خصوصا اصحاب المشطة الواسعة كاين محلات خاصة بيهم.

8- هواتف آبل المستعملة ذات حالة جيدة سعرها غالي لتم ، أما الرخيصة فهي المعاد صيانتها (وهي اللي تجي للدزاير).

9 – بطاقة wise تمشي بشكل رائع لتم وخاصة عند ربطها بالهاتف واستعمال nfc في الدفع ، فقط تحط الهاتف في الالة والدفع يتم مباشرة من دون استعمال البطاقة (المحلات، الباص، الدراجات…) واستعملتها في uber وشركات اخرى وكان الدفع سلس.

10 – الدفع كاش يكون بدون رسوم مقارنة بالدفع بالبطاقة.

11- التخطيط المسبق ينقص عليك مصاريف وتعب، خصوصا الفنادق وتذاكر السفر بين المدن (كل ما يقرب الوقت يغلاو) وفي اخر يوم يرجعو اضعاف السعر.

اخيرا نيويورك مدينة كبيرة وباه تحوسها كامل وتعيش التجربة الكلية لازمك فايت العام بين مئات المتاحف والاماكن العامة والمسارح والملاعب وغيرها ، حاول تستمتع بالرحلة مش مهم تشوف كلش في اسبوع او اثنين.

اللي يقدر يفيدنا بنصائح اضافية يزيدها في التعليقات 😉.