سلام
اليوم الوالدة جات من الحج وفي المطار ملقيناش حقيبة قالونا ضاعت درنا الإجراءات وقدمنا شكوى… الخ
سؤالي وش هي احتمالات يرجعولنا الفاليزا واذا كاين اجراءات نقدر نزيد من احتمالية يرجعوهالنا
تعديل :
المستجدات تقوول بلي الحقيبة ملحقتش للجزائر هي وعدد من من الحقائب حوالي اربعين حقيبة
Posted in Forum
اير الجيري و لا السعودية ؟
وي ترجع باذن الله
اذا اير الجيري غير انساها واذا سعودية ترجع رسميا
قادر ترجع سواء مع تعنا ولا تاع السعودية لكن فيها جري كبير و لازم دورة و تروح عندهم
قدم شكوى ترجع حقيبتكم بإذن الله
مع air Algérie صرالي نفس مشكل
لكن رحلة داخلية من غرداية إلى مطار هواري بومدين
نشرحلك كيفاه درت
روحت ل مكتب الحقائب و صوالح المنسية
عمرت استمارة فيها معلومات الرحلة و الوجهة
و مواصفات الحقيبة
و معلومات الخاصة بي
و بعد 24 ساعة وصلني ميساج فيه بلي راهي موجودة في المطار
50% ترجع احيانا يلحقو روطارمن السعودية
حنا ذاك العام نساولنا الماء تع زمزم استنينا ليلة كاملة بايتين ف المطار ومن بعد غدوا صباح قال لك غير ابدا تروح درنا إجراءات ومطالبات ووالو..
انا ثاني في 2016رحنا للعمرة مع الخطوط التركية و نساولنا فاليزة لاخاطر درنا ليسكال في الترك درنا الاجراءات واحد السمانة وقيلا لقاوها بعثولنا ميساج ورحنا جبناها
انسى كلمة يرجعولك كون تجري وتكثر عليهم يعوضولك صوارد لكن فتات
يقدر داها مسافر اخر بالخطء…
انا راحتلي فاليزة في المطار حفيت بالجري ،قدمت شكوى ، و ما رجعتش ، شكيت سرقوها المسافرين كي نزلو الحقائب
ترجع بإذن الله
راحت في خبر كان مراحش تلقاوها ولو بعد سنين
ترجع عادي،هذا سؤال متزيدش تطرحو ،واش عمبالك راك في غابة،ترجعلك الفاليزا وحج مبرور
نفس الشي مع الخطوط التركية نساوها في جدة بقينا نبعتو في الايمايل ورا خوه 15يوم لقاوها وردوهالنا
انسي كلمة يرجعولك
Sratli maa Air Algérie smana bech waslet la valise l dz
بالأمس مثلاً في مطار ورقلة لحقو كل الحقائب المتخلفة لأصحابها، إن شاء الله تلحقكم الحقيبة،، حج مبرور و ذنب مغفور و عمل متقبل.