سلام بالنسبة لعائلة كوبل معهم رضيع جامي راحو لأماكن من غير الشرق الجزائري حبو يبدلو هذي المرة ميزانية في حدود 20 مليون
هل الوجهة الأفضل ( حتى ماديا مش مناظر و خدمات برك )
الفترة الأنسب؟
تونس أم الغرب الجزائري خير؟
رحلة منظمة مع وكالة ولا بسيارة خير ؟
فنادق أو كراء منازل خير ؟
جماعة بدون عاطفة بلادك خير ..علابالنا بلادي خير ماذا بيا يفيدوني لي راحو لهم للزوج
شوف وكالة. زيد 5 ملاين و روح للترك
تونس راهي كارثة الغلا 🔥🔥
ممكن يغبنك الرضيع شوي فقط اذا أقل من سنة
الغرب مليح تاني تقدر دير جولة مع الساحل والبحر من تيبازة ل تلمسان
ونصيحة حوس بسيارة اخطيك من رحلة منظمة
20 مليون باش تزور الغرب الجزائري ولا تسكن فيه
زيد عليها شوية و اكري عام في الغرب
يا خويا تونس
Hôtel 4 étoiles en pension complète
A Monastir ou Île 🏝️ de Djerba .
اذا الوقت ما يهمش خلي اكتوبر ولا نوفمبر وشوفو تقدرو بمبلغ كيما هذا تروحو الترك تقدرو تدفعو فيزا ويلا عطاوكم تروحو اليونان تروحو ايطاليا اما بين تونس والجزاير حاليا الجزاير خير بزاااف وروحو بالسيارة تاعكم ووحدكم احسن سيرتو معاكم رضيع منين تحبو تحبسو تحبو تبدلو للطفل وديرو جولة كل يومين في بلاصة مليحة وهران تلمسان تيموشنت العاصمة تخرجلكم رايعة وتبدلو الجو وفي بلادكم ما تغيبلكمش بزاف
تونس بلا ما تخمي بلادك ماكاش سياحة. تونس بالسيارة افضل
تونس تخلطت بزاف (الغلا . البروفيطاج .و التبلية . و كل حاجة مش مليحة)
الغرب مليح ابدا من مستغانم حتى لتلمسان
وحدك خير ماشي مع وكالة
تسكن ديار خير (تقتصد فالماكلة (مش كل يوم تاكل برا. دار تلقا فيها كوزينة …))
و بالسيارة تكون حاجة روعة
الغرب راح يستقاملك الضعف على تونس، و تونس راح يغبنكم الرضيع فالطريق.من الافضل تشوفو وكالة يحجزولكم فتونس و روحو بالطائرة
روح رحلة منظمة راح تنقص عرام مشاكل خصوصا عندكم رضيع . واءا عندك القدرة خير رحلة منظمة بالطيارة
أنا نفضل فندق في تونس all inclusive ماكلة شاربة راقدة ترتاحي صح. الديار تجيبوها نهار كامل برا تحوسو وين تفطرو و وين تتغداو و تتعشاو هذا اذا ما جابلكش طيبي فالدار. تسما الواحد كي يروح عطلة يروح يرتاح خير من لي تروحي طيبي و تنظفي.و روحو ب طوموبيل تاعكم خير باه كي تحبو تخرجو تخرجو وقت ما تحبو
Tunisie
بهاته الميزانية تقدرو تروحو لتونس . من ناحية الخدمات تونس احسن خاصة الفنادق او الفيلات اما من ناحية المناظر اكيد الجزائر أحسن لكن الفنادق او الفيلات غالية بزاف خاصة اذا كانت حاجة نظيفة و قريبة للبحر
تونس اوتال all inclusive فيه كلش سمانه روعه
تونس بالسيارة
Pr moi la Tunisie khir malheureusement le service mieux et les prix aussi généralement le petit est gratuit il fau juste chercher un bon hôtel et bsahtkom
Win gharb hambouk, résidence li tahder m3aha tgolek à partir 30000da la nuitée. Hta dyar 25000da la nuitée.
El ghla raaah
Residence Safìr Chaba bzfff bsh ghalya
اول حاجة المغرب نحيها من لحساب تسقملك غاليا
تونس ننصحك تروح فوياج اوغقانيزي للفندق 4 نجوم يوفرك كل شي احسن فندق ب النسبه ليا paradis place فندق عائلي نظيف عندك تخرج ف باطو بيراط او دير باراشوت تروح كرتاج لند او اكوالاند تزور سوق نابل 20 مليون راح تكفيك تفوت اسبوع مستراح
اما على جزائر وهران شابه تقدر تقعد فيها 3 ايام تحوسها احسن تجي بسياره او تستأجر شقه او تروج مستغانم او تروح 3 ايام تلمسان
تونس مليحة اذا تروح تكري منزل وحدك على خاطر الفنادق رخيسة بصح فيها تخلاط بزاف.
بالنسبة للغرب الجزائري، ربما تسقاملك اكثر من تونس، الفنادق غاليين و الكرا غالي، و زيد راح تسمع الغنا الصاخب في كل دورا، السيارات كامل دايرين لغنا ، بلا ما نحكو على الكلمات تاع الراي تاع هذا الوقت، و زيد كاين ناس ما تحشمش، يعني راح تسمع الكلام الفاحش في كل دورة
La Tunisie
A ce budget la Tunisie est bcp mieux
بهاذ الميزانية الوجهة تونس فندق 4 نجوم، المدة 6 ليالي ، في جزيرة جربة ، المهدية ، سوسة ،الحمامات او طبرقة ، بالنسبة للرضيع اذا المسافة اكثر من 8 ساعات بالسيارة اقسموها و توقفو فالطريق ليلة للراحة مثلا في ڤفصة اذا الوجهة جربة ، القصرين اذا الوجهة سوسة
هاد الفترة الغرب افضل
روحي لتونس خير ا بنتي طبرقة جرجيس سوسة الحمامات بنزرت
خطيك من الغرب روح لتونس احسن
تونس لم تعد آمنة حذاري
بالنسبة لرضيع سيارتك احسن تكوني مرتاحة لانو مع مجموعة قادر يتقلق و لا يبكي ما تكونيش مرتاحة
و مزل احسن خاصة إذا كان بدأ ياكل هكا طيبيلو وجباتو الخاصة هاذي تجربتي
الغرب أفضل من تونس ولا خلي لاكتوبر و روحوا للترك ولا مصر
Gharb khir m’en la Tunisie mais trop cher pour un service très médiocre, ellah ghaleb, avec un bébé vaut mieux la Tunisie par vol
تونس احسن راح تتلقاو خدمات على حساب دراهمكم، تونس الامن و الامان ميكذب عليك حتى واحد.
تقدر بالمبلغ هذا ديرو جولة تباتو في كل مدينة ليلتين و لا ثلاث المهم خططو و ابحثوا مليح و خلصو الفندق من الجزائر و توكلو علا ربي.
تونس خير
لي راهم يقولو الغرب
ايه الغرب مليح بصح من غير الشواطئ متلقا وين تروح عن تجربة