سلام صباح درت ستاتي على هذا لموقع اغلب ردود كانت من ناس خاطيها لمجال ولهذا حبيت نعاود ستاتي وان شاء الله الإجابة تكون من أصحاب التجربة وأصحاب هذا المجال.
خذا موقع kimland تكمل الفكرة في أنه تسجل أول مرة بمبلغ 900 الف لمدة شهرين مه دورة تعلمك كيفية تسويق لسلعة وترويج الخ.. بعدها انتهاء الشهرين يمكنك إعادة الاشتراك بمبلغ 500الف لشهر وهكذا + طريقة العمل هي انهم يوفرو سلعة بسعر جملة وكل شي عليهم من تغليف وتوصيل السلع ماعليك هو فقط البيع وتربح فائدة في كل مبيعة وهكذا..
ان شاء الله تكونو فهمتوني لي عندو معلومة وفاهم لمجال ينصحني وشكرا.
Posted in Tech
ننصحك سقسي ف 1001 freelance
ياخو كاين ياليتاك تقدم نفس الخدمة و زيد مجانية
تسويق بالعمولة هذا
مثل سفير كليك و منصة سوقلي
سفير كليك ايضا فيه باك مدفوع
اخطيك منو
الدروب شيبينغ عضوية مجانية الافلييت عضوية مجانية لماذا تتعب نفسك مع موقع و شركات تقريبا وهمية و مش بحجم امازون و ايباي و كليك بانك هذا غير نوع السلع لي ممكن تلقى صعوبة بأس تبيعها و ممكن سعرها يكون غالي لا يتناسب مع دخل للجزائريين و فوق هذا هل هو حلال ؟ لانك انت تخلص باش تخدم و كأنو رهان شفت هذيك ال SMS لي تبعثها ب 100 دج طمعا في ربح 100 مليون
ممكن يكون هذا المنشور بحد ذاته اشهار لكن لا بأس
https://www.islamweb.net/amp/ar/fatwa/327409/#referrer=https://www.google.com&csi=1
اغلبية منتجات كيملاند غالية السعر و معندهمش التنوع ، و صعب انك تبيعها و تبدا بيها ، من الاحسن تشوف منصات التسويق بالعمولة تكون مجانية، صح الفايدة قليلة لكن تكتسب خبرة في التجارة الالكترونية. من ناحية حلال و حرام , اغلب الظن حلال لانو المورد و صاحب السلعة على علم بانك تبيع سلعة تاعو و هنا اصبح بيع بالوكالة. و الله اعلم !
يا اخي كاين منصات تقدر تخدم فيها دون دفع اشتراك علاه تروح لغير المعروفة وزيد بٱشتراك
ديرها وحدك وصاي
ياخي ماشي تسويق شبكي
شوف شركات وحدوخرين تاع تسويق بالعمولة ،و أصلا هاذي تاع اشتراط مبلغ شهري مقابل الخدمة فيها اللوش.
تبيع حاجة متملكهاش حرام والله اعلم
خويا انت راك تحوس على الراي لي يضحكك. راك باغي تخدم جرب. الناس قاتلك خطيك ماراش حاسداتك
شوف اخي غير في قضية انك تخلص باش تسوق لمنتوجاتهم هذي فيها شبهة كبيرة سقسي عليها
Achraf Lachouri
Amira Babou
يا خويا جرب واش شادك …!!!
900 الف دير بيها سبونسور جيب طلبيات شوف هوبلا ولا hk تسويق بالعمولة خير السلعة و بيع على روحك لا اشتراك لا والو
نورمالمون حرام تدفع دراهم باه تخدم لا؟
كاين بدائل مجانية
لوكان دارو العمل مجاني و كي تحب مزايا اخرى دير اشتراك
فيها شبهة هذي
كاين اللي تمدلك باجل علاش تروح للاشتراك
و السعر تاعهم طالع
مليون و نص تقدر تبدا بيها نتا اذا كنت تعرف مليح التسويق علاه حتى تخدم معاهم
كاين شركات تع تسويق بالعمولة متخلص والو و تدي دراهمك في ccp علاه حتى تدخل مع هذو
كاين مواقع بديلة وزيد تخلص باه تخدم هاذي غير تضياع دراهم ام هوما ليخلصوك راح تروجلهم سلعتهم
مثلا cod network ninja seller, cod partner…
زيد وش يضمنلك بلي راح جيب مبيعات تحسابلك كيما يعلموك راح تبدا دخل بلخف
وزيد كاين دورات مجانية ومدفوعة بالمجان غير هوما