سلام عليكم الجماعة لي يعرفو و راحو لايطاليا .. ساعدوني بليييز .. .
راني حايبة نزور كل البلد
فلورانس .. بيزا .. سانك تار.. فيرونا .. فينيس.. ميلان ..لاك كومو،و بلايص مش معروفة .. بصح عندي ستة ايام برك ..
كيفاش نبروڨرامي road trip و نحجز في اماكن مش غالية؟
دبرو عليا / اقترحولي .
واش هاي المدن لي ماتاخدش مني وقت كتير ، يعني في نهار نجوزها .. و واش هي لي لازم نبات فيها ..
Gonna be a solo voyageuSE.
سؤال الثاني بالنسبة للانترنت .. واش هي لي كي نشريها تتاكتيفا في نفس الوقت بلا ما نستنا؟ و فكرة على الاسعار؟ و نشري مالمطار ولا من وسط البلد احسن؟
سوال ثالث .. راح نسافر sans bagage و كيما تعرفو ممنوع الروايح و الكريمات و كدا .. كيفاش ندير ….
سوال الرابع ادا حبيت نأخر موعد الرجوع .. نقدر نشوف كاش آر الجيري تما تريڨليني؟ ولا لازم نبدل منا من الدزاير؟
السؤال الخامس و الاخير و بارك الله فيكم .. اقترحو عليا اماكن آوتلت و اسواق مش غالية في روما ولا ميلان ..ندير شوبينڨ.
#1001_help
Pour l’hébergement ya pa mieux les hostel télécharger la application hostelworld ya bcp de hostel
مستحيل تكفيك 6 ايام لهذو كامل ، احسن خيار الإقامة في ميلان و التنقل بالقطار
كومو شابة بزاف لازم تباتي فيها ، المبيت فيها غالي سايي تريزارفي شهر قبل السفر انا خلصت 80 لليلة في airbnb ملقيتش ارخص منها
ميلان بانتلي تاع نصف يوم فقط
ياختي الRoad trip اللي راكي تحكي عليه لازملو شهر إذا راكي ناوية تديري الذهاب الى مدينة معينة والرجوع من مدينة أخرى، تذكرة الطائرة تجيك غالية (اغلى كون تديري الذهاب والاياب من نفس المطار)
الحاجة الاولى لازم تكون عندك كارت فيزا (ولا ماستر كارد …) باش تقدري تحجزي على الأقل المبيت
احكمي الخريطة وشوفي المدن اللي قريبة من بعضها تقدري كل يوم تزوري وحدة
بحيرة Como قريبة من Milano
Florence قريبة ليها Pisa الخ…
ست ايام تقدري تشوفي فيهم ثلاث مدن ولا اربعة على الأكثر
تقدري تسافري بالمواصلات العامة(حافلة أو قطار)، التذاكر لازم تديهم من ضك باش مايجيوكش غاليين
إذا راكي ناوية تروحي في الصيف، لازم تبداي تحجزي المبيت، راح يغلى ومانلقايش الاختيارات
ايطاليا بلد سياحي يجيوه من العالم كامل، إذا راكي حابة تزوري بعض المعالم، من الأحسن تحجزي تذاكر الدخول اونلاين باش ماتضيعيش الوقت في الانتظار
على الانترنيت كاين شرائح مختلفة، عشرة ولا خمسطاش أورو تجيبي وحدة فيها عشرين جيجا تكفيك وتفضلي
على السوائل في الطيارة تقدري تدي المهم الكمية مالازمش تفوت مية مل (يتباعو قرع travel size تقدري تعمريهم بواش تستحقي)
ايطاليا شابة بزااف ، قعدنا فيها أربعة أيام فقط ، رحنا لميلانو ، جزيرة كومو بعيدة عليها ب 46 km, حوالي 40 دقيقة بالقطار ، و تركبي القارب مدة ساعتين يديك لجزر تابعة لكومو.
كنا حابين نروحو لمدن أخرى ( جنوى ساعتين قطار) لكن عيينا مالتنقل بزاف ، في رأيي ديري 3 مدن مليحة باش تستغلي الرحلة ، التنقل بزااف بالمواصلات متعب.
رحلة موفقة
مستحيل تديري هاذو كامل في 6 ايام ، انصحك بالإقامة في ميلان و من ثم الذهاب إلى كومو بحكم قرب المسافة بينهما