سلام عليكم جمعة مباركة عليكم
اول مرة نشارك في المجموعة و ان شاء الله نستفاد منكم
ان شاء الله اول اسبوع من مارس ناوية نروح فرنسا و هدي اول مرة ليا و اول فيزا ناوية نروح باريس و نتنقل لعدة مدن أخرى
حبيت نعرف شحال مبلغ اللي يكفيني مده عشر ايام مع العلم عندي وين نبات مجاني في باريس و مدن اللي رايحه ليها يعني غير حق تحواس و ترونسبور و ماكلة
تاني قالولي ادي معاك دخان بيعيه ترجعي شوي دراهم
المهم اللي عندو فكرة يخبرني و تني انصحوني اماكن نزورهم 😊😊😊
Posted in Tourism
فيزا تاع فرنسا سياحية ولا شاهي لي درتيها باش عطاوهالك؟
اخطيك من الدخان دراهمو حرام اصلا
Alors si a paris faut faire les carte de transport,Navigo ça te coûte moins cher, une semaine 30 euro .. tu peux prendre tout les transports li thabi t’as juste besoin d’un justificatif de domicile, attestation d’hébergement tdirhalek la personne li bayta 3andha, pour maklaa tout dépend des restau que tu veux tester, mais si par exemple tu veux manger japonais ..indien .. gouli 25 -30 euro le repas a peu prêt, si kebab wela tacos 10 ..15 euro grand max, pour café environ 5 7 euro f Starbucks ..pour les souvenirs ..etc a3arfi bark mnin techri pas f des endroits li fikom bzf touriste .. ygheliw pour rien ..fait attention au arnaque, après ce que tu veux visiter tu peux trouver koulech sur internet, Kayen certains musées gratuit le premier dimanche du mois, les prix pour monter à la tour Eiffel wela arc de triomphe tu trouveras ça sur internet mais tu risque de faire une chaîne d’une journée, Kayen aquarium b 25 euro je pense dekhla, … Disney lhaja lemliha f paris c’est que tu peux tdiriha gratuitement .. genre sacré coeur gratuit dekhla, la vue bzf Chabba, puis tdori Montmartre c’est un endroit Fih bzf histoire vaut mieux tu te documente 3lih avant, après les monuments les plus connus tu peux juste les voir sans y monter donc c’est bien aussi.
Donc ça dépend wech habba tchoufii et wech habba takli ..diri hssabet, l’avantage tu peux tout calculer avec les prix sur internet, au euro prêt 😉
Ma3lich tedini m3ak 🤣🤣🤣
اتكلي على ربي وروحي بلا ما تسقسي التحواس حلاوتو كي ما تكونش عندك حتى فكرة
ربي يسهل 💚🥀
وش تبيعي دخان ادا، حراقة انتي؟ روحي بصواردك قدقد تستمتعي باه ماتسحقيش حتان تولي تبيعي الدخان.
كل واحد وكيفاش يصرف ، كاين لي يشري ليكادو بزاف كاين لي يجب يجرب كلش
كل واحد وكيفاش
اذا على التحواس والماكلة متسقاملكش بزاف من 500 حتى 800 اورو تكفيك
اذا ممكن تمديلي لاجونص لي حكمولك رونديفو خاطر مقدرتش نحكم وحدي
دخان فيه دراهم ديه معاك
رايحه تحوسي ول تخدمي لحرام الله يهديك
ادي معاك زيت غالي ، السياحة تبكي فشوكة 🥲
سيريو رايحة سياحة ولا تفتحي طابلة دخان تم
1000 اورو تكفيك غاية . و اخطيك من هدرة الناس . ازدمي ديراكت كل شيء ساهل تما
نصيحة اختى متديش دخان حتى لو تربحي ملاير اخطيك من حاجة تغضب ربي تربحي دنيا واخرة
لاحول ولا قوة إلا بالله
1000 أورو من المفروض تكفيك وادا قدرتي تدي زيادة حتى 1500 اورو و بصحتك الاخت
نصيحة راكي رايحة سياحة بالطبع و تاع همة ما خصكش تبيعي الدخان بعدا ؟ يعني غير نحي فكرة الدخان
أنا ننصحك روحي ومتوليش خير 🙂
ادي الشمة خير هيا الي فيها الفايدة خير من الدخان 😜
atakli 3la rabi khtiy ki tawasli achri carte Navigo ta3 une semaine tu te déplace avec djiybi doukhan mais ne dépasse pas 2 a 3 cartouche n’oublie pas ta réservation d’hôtel ya9drou ydemondiwhalak à l’entré au territoire français ou l’assurance voyage on c jamais ou tamardi wlla b3id char 3lik ou bon voyage inshallah
شحال يليق يكون عندك فالكونت باش عطاوك فيزا سياحية
أول مرة رايحة بالدخان ،ياحشومتي
Doukhan ! Menek srx kheti rayha tehawesi bech tserfi derahm wela bech dekhli drhm
Nasiha ekhtik teharmi derahmek berk
Bone voyage
كوكايين خير من دخان
خي تمسخير يخي…والله ساعات ليزادمين يفوتو عفسة تع غباء خلاص و هي باينة كل ماتحوس أكثر مصروفك يكثر… تحوس قل مصروفك يقل مش تع تفوتها ف قروب يعني
مثلا لوكان سقسات على معالم تاريخية ولا مطاعم مليحة ولا نقولو بلاك
نصيحة لوجه الله، رايحة فاكونس اخطيك من الدخان دراهمه حرام، لكان مثلا تشري بمليون ترجعي مليون راني معاك بصح اي فائدة مترتبة عن بيع الدخان حرام، و يبقى الامر يرجعلك، حكاية فرنسا معنديش علم منقدرش ننفعك و ربي ييسرلك امرك
لا حول ولا قوة إلا بالله ربي يهديه لي قالك على الدخان يكرهك هذا