سلام عليكم خاوتي صحا فطوركم
1- انا مرة طفالي تلفون وكي فتحتو ديمارا كي شغل شريتو جديد و باش نفتحو كان لازملي تلفون آخر يهز منو التطبيقات ونا استعنت بتلفون جارتي مي المشكل هز الايمايل تاعها في جميع التطبيقات أيا منبعد انا بدلتو و درت الايمايل تاعي ايا نهار تان اضطريت نروديماريه عاودلي تفتح بالايمايل تاعها عاود بدلت مي مشكل كي نهبط أبليكاسيون ديراكت يتفتح بالايمايل تاعها و زيد في Google photo لي فوطو يخرجو بالايمايل تاعها وكي بدلت ايمايل تاعي مانلقى والو مهم كيفاش نتخلص من الايمايل تاعها بصفة نهائية ونرجع لي فوطو في الايمايل تاعي
2 – كي صارلي مشكل تاع تلفون تفورماطا راحولي قاع نوامر ايا عاود روجيستريت من جديد منبعد كي روديماريتو زادو راحولي كل هبطت ابليكاسيون رجعتلي عدد محدود كيفاش ندير نرجعهم
معذرة على الإطالة و بارك الله فيكم
#1001help
Posted in Tech
اليمايل يعني حساب في الهاتف و باش تفاصيه تروح للاعدادات و خاصية comptes و تحذف الحساب المرتبط بالايمايل الي ماشي تاعك… و بعد ما تتأكد ان الهاتف صار بحساب واحد و هوا ايمايل تاعك.. ترجع لنفس المكان و تختار حسابك و تلقى خاصية المزامنة synchroniser contacts هذي لاسترجاع نوامر و نفس الخاصية تلقاها في برنامج google photo يعني مزامنة الملفات من حسابك للهاتف.. طبعا اذا الهاتف قبل المشكل كان يقوم بالمزامنة التلقائية للصور و نوامر..
يلزم تفتح كونط جديد فالتيليفون تاعك
بالنسبة للايميل… نشالله تلقا حل
بالنسبة لاسترجاع الارقام… الطريقة الوحيدة لي فعالة 100%هي الاسترجاع باستخدام الفيسبوك…. ويرجعولك كااامل نشالله